Tenjou Tenge

Tenjou Tenge
Tenjou Tenge
	Logo Tenjou Tenge.
	Tenjou Tenge
Gjinia	Anime, Aksion, Fantazi, Romancë, Arte Marciale.
Krijuar nga	Toshifumi Kauase
Luajnë	Aya Hisakawa - Maja Natsume; Minori Chihara - Aja Natsume; Sōichirō Hoshi - Souichiro Nagi; Tomokazu Seki - Masataka Takayanagi; Shinichiro Miki - Bob Makihara; Haruhi Terada - Emi Isuzu;
kompozitori i muzikës hapëse	M.C.A.T - Bomb Ahead
Shteti	Japoni
Gjuha në prodhimin origjinal	Japonisht
Nr. i episodeve	24
Prodhimi
Kohëzgjatja	25
Kompania e prodhimit	Madhouse
Transmetimi
Transmetimi origjinal	16 shtator 2004
Lidhje të jashtme
	http://mv.avex.jp/tenten/ Faqja e rrjetit

Tenjou Tenge (天上天下 - Tenjō Tenge ose në shqip “Parajsa dhe Ferri”), është një seria manga dhe anime e shkruar nga autori me pseudonimin Oh! Great (Ito Ōgure). Manga është publikuar në Japoni nga Shueisha, ndërsa seriali anime është prodhuar nga Madhouse me regjisor Toshifumi Kauase. Ndërkohë që manga është akoma në publikim e sipër, seriali anime prej 24 episodesh është shfaqur më 16 shtator, 2004. Në vazhdim të serialit janë prodhuar edhe dy filma OVA nën titullin Tenjho Tenge: Ultimate Fight, publikur më 16 mars, 2005. Dy filma me metrazh të gjatë janë publikuar gjithashtu më 30 mars, 2005, nën titullin Tenjho Tenge: The Past Chapter. Manga dhe anime hyjnë në llojin e “Arte Marciale.”

Historia e Tenjho Tenge ndjek dy plane historish që zhvillohen në kohë të ndryshme. Njëri plan shpjegon dhe trajton historinë e Nagi Soichiro-s dhe Bob Makaharës dhe lidhjet e tyre me kapitenen e Juken Club, Maja Natsume, Masataka Mitsuomi dhe Aja Natsume. Ngjarjet fokusohen në ndeshjen fizike të dy grupeve të shkollës Toudou Gakuen, Juken Club dhe Grupit të Përforcimit. Ndërsa plani i dytë i historisë shpjegon të kaluarën e Maja Natsume, vëllait të saj Shin Natsume dhe Mitsuomi Takayanagi-t (dhe deri diku edhe atë të Emi Isuzu) që kushtëzon ngjarjet e planit të parë të historisë (zhvilluar në kohën reale të serialit).

Manga dhe seriali anime paraqesin personazhe me fuqi të mbinatyrshme, që masakrohen (në kuptimin literal) në luftime të ashpra me njëri tjetrin dhe i gjithë filmi shoqërohet nga skena echi dhe nuditeti. Seriali anime është parë në TV Asahi në Japoni më 1 prill, 2004.

Censura dhe Kritika

Pengesa me të cilën është hasur seriali anime (dhe seriali manga), janë censura e tepruar, që ndonjëherë ka arritur të shkatërrojë filmin (ose mangën) në vetvete. Kontrolli në Evropë është më i vogël dhe liberal në këtë pikë, por në Amerikën Veriore ekzagjerohet shpesh. Konkretisht mjafton t’i hidhet një sy publikimit të serialit anime (dhe serialit manga), Tenjho Tenge nga ana e CMX (publikuesit përgjegjës për Amerikën Veriore). Adhuruesit në kontinentin Amerikan kritikuan agjensinë CMX, se me anë të modifikimeve të tyre kishin censuruar çfarë t’i ishte tekur për çdo gjë që mendohej se nuk ishte e përshtatshme për teleshikuesit (ose lexuesit në rastin e mangës) duke hequr skenat e nuditetit, skenat apostafat për adhuruesit (special release) si edhe tekstet e ndjeshme seksuale; madje nga manga ishte fshirë një kapitull i tërë [ref 1]. Situata degjeneroi akoma më tej kur adhuruesit bojkotuan publikimin zyrtar duke krijuar sitet e tyre për ta publikuar vetë mangën (pa censura)[ref. 2]. Gjatë AnimeExpo (një eveniment i rëndësishëm rreth filmave anime), CMX deklaroi se do ta vazhdonte publikimin duke e vlerësuar mangën në fjalë si “Për të rritur,” dhe do të zbuste censurën (edhe pse në fund censurë do të kishte) [ref 3]. Si fakt (edhe pse referenca mungon), manga dhe anime me fjalë mund të gjendet e pa censuruar në shumë site të ndryshme nga ku mund të shkarkohet. Kjo gjë nuk ka ndodhur vetëm për serialin Tenjho Tenge, por një gjë e tillë ka ndodhur dhe është debatuar edhe për seriale të tjera të ndryshme si Out Law Star (censurimi i serisë 23), Excel Saga (censurimi i serisë 26), Paprika (film anime që në Evropë u cilësua si “i pa përshtatshme” për personat nën 16 vjeç), etj.

Epizodet

Artikulli kryesor: Lista e episodeve të Tenjho Tenge

Filmi serial anime i Tenjho Tenge përbëhet nga 24 episode dhe 2 seri OVA.

Detaje

Muzika

Muzika e serialit Tenjho Tenge është kompozuar nga M.C.A.T dhe Aiko Kayo. Artistët e përmendur kanë kompozuar si në siglën e hapjes (intro) dhe në atë të mbylljes. Në 2004, firma diskografike Avex do të nxirrte një CD me hitet e filmit [ref. 4][ref. 5].

Ndryshime nga Manga te Anime

Manga Tenjho Tenge dhe anime me të njëjtin titull, ngjasojnë shumë me njëra tjetrën. Historia dhe dizenjimi i karaktereve, janë të ngjashme. Disa personazhe ndryshojnë në detaje të parëndësishme siç janë ngjyra e flokëve dhe rrumbullakësia e fytyrës (shiko fig. Në të majtw Aya Natsume si paraqitet në manga, ndërsa në të djathtë tregohet si paraqitet në anime).

Anime

Gjithsej seriali anime ka 24 seri dhe dy OVA (si seri shtesë ndaj historisë kryesore). Fundi i anime dhe dy seritë plotësuese lenin shumë hapësira boshe për sa i përket sqarimit të plotë të ngjarjeve. Ndërkohë, manga me të njëjtin titull vazhdon akoma publikimin.

Manga

Seriali manga vazhdon më tej me historinë nga ku përfundon seriali anime, duke shpjeguar detaje rreth çështjeve të lëna pa shpjeguar në anime (që fillon në volumin 8 të kapitullit 49). Për më tepër manga prezanton një seri personazhesh të rinj dhe madje historia fillon të shpjegojë për ngjarje të ndodhura qindra vite më parë.

Referimet

1. Mike Dungan: Marrë nga lidhja e shkruar më poshtë më datë 07, 03 të vitit 2005 [1]
2. Shiko në sitet e bojkotimit në [2]
3. Kai-Ming Ça shkruar më datë 07, 03, 2007 – marrë nga lidhja [3]
4. Tenjho Tenge Great Disc CD Japan – 29. 9. 2004
5. Bomb Ahead! – intro CD Japan –

Lidhje të jashtme

Siti zyrtar: Tenjou Tenge (japonisht)

Tenjou Tenge s • d • r

Personazhet	Klubi Juken: Maja Natsume — Aja Natsume — Masataka Takajanagi — Nagi Soichiro — Bob Makihara — Kagesada Sugano — Kurei Shinicirou Klubi i Përforcimit: Mitsuomi Takajanagi — Emi Isuzu — Bunshici Tauara — Shiro Tagami F Arc (Grupi F): Ishijumi Tetsusen — Madoka
Të tjera	Lista e episodeve të Tenjho Tenge