Tespishte

Tespishte në Kosovë, tespiçe në jug, tespixhe në Shkodër.

Në Shkodër ka qenë ëmbëlsirë e dorës së dytë, që gatuhet porsi sheqerpareja e Beratit me brum të miellit të grunjtë, i zënë me qumësht, vezë dhe pak sheqer. Brumët nxirret në një kusi, dhe si t'i jipen dy-tri valë, ngjeshet mirë e mirë e mandej shtrihet në tepsi, ku ndahet nuska-nuska në trajtë rombi. Si piqet në furrë, ëmbëlsohet me sherbet sheqeri. Një mënyrë tjetër gatimi përshkruhet nga Filip Ndocaj.