Klubi Regbisë Tirana
| Pseudonimi(et) | Legjenda Bardhë e Blu, Tirona | |
|---|---|---|
| Themeluar | Gusht 2013 | |
| Stadiumi | Selman Stërmasi | |
| Kapaciteti | 12,724 vende[1] | |
| Pronari | Xhino Drangu | |
| Trajneri | Adam Vernon | |
| ||
Klubi Regbisë Tirana ose KR Tirana (English:Tirana Rugby Club) është një klub regbie me qendër në Tiranë, Shqipëri. Krijuar më gusht 2013, KR Tirana është klubi i parë dhe më i vjetri në Shqipëri.[2][3][4]
Para-krijimi
[Redakto | Redakto nëpërmjet kodit]Në vitin 2011, disa djem vendosën të promovojnë regbinë si një sport krejt të ri në Shqipëri. Ndeshja e parë u organizua në 4 gusht 2013, me pjesëmarrjen e disa lojtarëve te Klubit të Regbisë Tirana dhe disa emigrantëve nga Italia. Organizimi ishte një event promocional në Stadiumin Selman Stërmasi.
Historia
[Redakto | Redakto nëpërmjet kodit]Në gusht 2012, Ekipi fillestar filloi si “Tirana Lions Rugby Club” dhe më vonë u bë “Klubi Regbisë Tirana”. Klubi u formua me përpjekje të përbashkët të; Stiljan Sala, Xhino Drangu, Mariglen Nezaj dhe Kein Turdiu. Përfaqësonte një përpjekje vërtet pioniere ku përpjekja e të lartpërmendurve ishte që të sillnin regbin tek të rinjtë kryeqytetas. Ndonëse një sport me një kulturë të panjohur më parë, numri i lojtarëve nga shkolla të ndryshme rritej vazhdimisht.
Xhino Drangu dhe Adam Vernon ishin dy njerez që punuan dhe u përpoqën fort për të hedhur hapat e parë të kësaj loje, gjë që më pas e bëri dhe rekrutimin më të lehtë. Të tjerë lojtarë u afruan në klub. Drangu ka pasur një ekperiencë 5-vjeçare në Britani. Ai u bë trajneri i parë i KR Tirana më 2013. Ai ndihmoi lojtarët të fillonin të kuptonin e të luanin sportin e regbisë në menyrë të mirëfilltë. Me kalimin e kohës, pasi skuadra u bë më solide erdhi momenti për ndeshjen e parë miqësore ndaj klubit KR Kosova Roosters. Në vitin 2014 Adam Vernon u bë trajneri i dytë i skuadrës. Adam është me origjinë angleze dhe ka luajtur regbi në nivele të larta. Në vitin 2014 u zhvillua ndeshja e dytë miqësore, po kundër KR Kosova Roosters, prapë në Tiranë. Në fillim të vitit 2015 u bë aplikimi në gjykatë për ligjërimin dhe regjistrimin e skuadrës. Pas shumë përpjekjesh, u arrit me sukses të bëhet regjistrimi dhe të merrej statusi "Shoqatë jofitimprurëse". Po në këtë vit, përpos regbi-t ekipi mori pjesë dhe në ndeshjen e parë të kriketit, zhvilluar në Shqipëri, ndeshje e organizuar me mbështetje nga pjesëtarë të Ambasadës Britanike dhe "Crown Agents".
Veprimtariɑ
[Redakto | Redakto nëpërmjet kodit]Në vitin 2015 KR Tirana mori pjesë në një turne organizuar në Kosovë. Në këtë turne merrnin pjesë 3 skuadra:
KR Tirana (Shqipëri)
KR Kosova Roosters (Kosovë)
Kibubu RC (Belgjikë)
Në fund të veprimtarisë, Tirana u rendit e treta. Po në vitin 2015 u luajtën 2 ndeshje të tjera miqësore kundër KR Podgorica nga Mali i Zi. Edhe pse u humbën me rezultate të thella, këto ishin dy ndeshje shumë të vlefshme përsa i përket eksperiencës, sepse një pjesë e mirë e lojtarëve malazezë luanin për ekipin Kombëtar të Malit të Zi. Ndeshja e parë u luajt ne Shqiperi dhe e dyta në Mal të Zi.
Duke pasur parasysh ekzistencën e një ekipi kompakt dhe lidhjet e krijuara me ekipe të tjera, u hodh ideja që të luhej kupa e parë mes skuadrave shqiptare në trojet e Shqipërisë etnike. Kupa u quajt "Kupa Skënderbe" dhe pjesëmarrësit e parë ishin vetëm 2 skuadra; KR Tirana dhe KR Kosova Roosters. Në këtë kupë mund të marrë pjesë çdo skuadër me origjinë shqiptare nga trojet e Shqipërisë etnike. Këtë vit kupa konsiston në 3 ndeshje në një kohështrirje 1-vjeçare , ku fitues shpallet ekipi që fiton 2 ndeshje. Ndeshja e parë ishte më 28 nëntor 2015 dhe KR Tirana e fitoi me rezultatin 24-10. Ndeshja e dytë do luhet në prill 2016, në Prishtinë.
Planet e së ardhmes
[Redakto | Redakto nëpërmjet kodit]Me rritjen në numër të ekipit kryeqytetas, synohet gjetja e një rivali serioz për të zhvilluar miqësore të tjera. Synimi kryesor i KR Tirana është zhvillimi i sportit të regbisë në Shqipëri dhe, si skuadra e parë dhe e vetme e këtij sporti në Shqipëri, përhapja e këtij sporti mbetet një obligim i rëndësishëm. Një tjetër synim është krijimi i ekipeve të tjera regbi në Shqipëri. Një hap i rëndësishëm i ndërmarrë është krijimi i marrëdhënieve me ekipe ndërkombetare, pikërisht realizimi i binjakëzimit me 2 ekipe italiane, L'Aquila dhe Gran Sasso, me të cilat po tentohet organizimi i eventeve dhe ndeshjeve të ndryshme në të ardhmen.
Ekipi aktual
[Redakto | Redakto nëpërmjet kodit]| Numri | Nënshtetësia | Emri | Mbiemri | Pozicioni |
|---|---|---|---|---|
| 1 |  |
Girsjan | Priska | Loose-head Prop |
| 2 | |
Aurel | Gjeloshi | Hooker |
| 3 | |
Ditmar | Halla | Tight-head Prop |
| 4 | |
Gjergji | Bitani | Second Row |
| 5 | |
Serxho | Hatibi | Second Row |
| 6 | |
Kein | Turdiu | Blank-side Flanker |
| 7 | |
Arnaldo | Telo | Open-side Flanker |
| 8 | |
Andi | Bejo | Number 8 |
| 9 |  |
Luigi | Sciorio | Scrum-half |
| 10 | |
Olban | Llapaj | Fly-half |
| 11 | |
Ardit | Suka | Left Wing |
| 12 | |
Cristian | Kondi | Inside Center |
| 13 | |
Indrit | Murgu | Outside Center |
| 14 | |
Jon | Gajo | Right Wing |
| 15 | |
Mariglen | Nezaj | Full Back |
| 16 | |
Orest | Bala | Tight-head Prop |
| 17 | |
Fabian | Thanasaj | Second Row |
| 18 | |
Edvi | Muça | Loose-head Prop |
| 19 | |
Eugen | Gucaj | Second Row |
| 20 |  |
Adam | Vernon | Fly-half |
| 21 | |
Silvio | Cela | Full Back |
| 22 |  |
Oğulcan Yiğit | Şatıroğlu | Number 8 |
| 23 | |
Dajan | Shatraj | Right Wing |
| 24 | |
Shaban | Penxho | Scrum-half |
| 25 | |
Orion | Jucja | Second Row |
Stafi aktual
[Redakto | Redakto nëpërmjet kodit]| Pozicioni | Emri |
|---|---|
| Presidenti i klubit | Xhino Drangu
|
| Trajneri i parë | Adam Vernon
|
| Koordinator i brendshëm | Ditmar Halla
|
| Koordinatori i jashtëm | Mariglen Nezaj
|
| Ekonomisti | Kein Turdiu
|
| Marketing | Andi Bejo
|
| Drejtor i Regbisë Shqiptare |  Marty Lustiano
|
Shih edhe këtë
[Redakto | Redakto nëpërmjet kodit]- Futsal Klub Tirana në Minifutboll (Meshkuj)
- Tirana AS në Futboll Femra
- PBC Tirana në Basketboll Meshkuj
- PBC Tirana në Basketboll Femra
- KV Tirana në Volejboll Meshkuj
- KV Tirana në Volejboll Femra
- KF Tirana në Futboll
Referime
[Redakto | Redakto nëpërmjet kodit]- ^ "World Stadiums – Stadiums in Albania". Worldstadiums.com. Arkivuar nga origjinali më 24 shtator 2019. Marrë më 26 korrik 2012.
{{cite news}}: Mungon ose është bosh parametri|language=(Ndihmë!) - ^ "Tirana Regbi Klub kthen sportin e munguar në kryeqytet". Arkivuar nga origjinali më 10 mars 2016. Marrë më 27 shkurt 2016.
{{cite web}}: Mungon ose është bosh parametri|language=(Ndihmë!) - ^ "Skuadra e pare e rugby-t ne Shqiperi". Arkivuar nga origjinali më 17 dhjetor 2017. Marrë më 27 shkurt 2016.
{{cite web}}: Mungon ose është bosh parametri|language=(Ndihmë!) - ^ "Rugby, l'incontro tra il Tirana Rugby Club e alcuni appassionati aquilani". Arkivuar nga origjinali më 5 mars 2016. Marrë më 27 shkurt 2016.
{{cite web}}: Mungon ose është bosh parametri|language=(Ndihmë!)