Alba

Kurorëzimi i Mbretit Aleksandër III në Skoci, më 13 korrik 1249.

Alba është emri në gjuhën skoceze gaelike për territorin e Skocisë, dhe në të kaluarën u referohej edhe ishullit të Britanisë së Madhe në tërësi. Gjithashtu, në historiografinë angleze, përdoret për t'iu referuar qytetarisë së bashkuar të piktëve dhe skocezëve në shekullin IX, përpara se ajo të zhvillohej në Mbretërinë e Skocisë në mesjetën e vonë. Ky emër ka lidhje etimologjike me emrat në gjuhën irlandeze gaelike Albain dhe në gjuhën mankse Nalbin, dy gjuhët e tjera keltike goidelike, si edhe emrat në gjuhët keltike britanike, Alban në kornisht dhe Yr Alban në uellsisht. Këto emra lidhen, dhe kanë rrjedhje nga emri grek të lashtë për Britaninë, Albion.

Etimologjia

Termi fillimisht shfaqet në tekstet klasike si Ἀλβίων (Albíōn) në shkrimet e Ptolemeut në greqisht, dhe më vonë si Albion në dokumentet latine. Historikisht, termi i referohej Britanisë së Madhe në tërësi dhe bazohet në një rrënj indo-evropiane për ngjyrën e bardhë. Pastaj ky emër u përdor për mbretërinë e piktëve, një popull i lashtë kelt i Skocisë.

Me kalimin e kohës, ky emër nganjëherë u rilatinizua në periudhën e mesjetës edhe si Albania. Pikërisht nga ky emër marrin emrin Albany për kryeqytetin i shtetit amerikan të Nju Jorkut dhe emrin e qytetit Albany në Australi. Është e paqartë nëse ky emër mund të ketë të njëjtën prejardhje me eksonimin Albania që përdoret më së speshti për Shqipërinë.

Përdorimi modern

Shenjë në Skoci.

BBC Alba, një kanal televiziv i BBC që transmetohet kryesisht në gjuhën skoceze gaelike, u lançua në vitin 2008 dhe transmetohet në Skoci.

Shih edhe

• Skocia

Referime

Definimi i alba tek WikiFjalori