Brigada e Parë Sulmuese Kosovaro-Maqedone

Brigada e Parë Sulmuese Kosovaro - Maqedone u formua më 11 nëntor 1943 në fshatin Slivovë të Komunës së Debërcës dhe paraqet brigadën e parë partizane të themeluar në territorin e Maqedonisë së Veriut gjatë Luftës së Dytë Botërore.

Batalionet

Brigada e Parë Sulmuese Kosovaro - Maqedone përbëhej prej katër batalioneve, dy prej të cilave ishin kosovare e dy maqedonase:

Batalionet kosovare

Batalioni i Parë i Kosovës "Ramiz Sadiku",
Batalioni i Dytë i Kosovës "Boro Vukmiroviq",

Batalionet maqedonase

Batalioni i Kërçovës dhe
Batalioni "Mirçe Acev".

Si zëvendëskomandant i Brigadës caktohet aktivisti i shquar i Luftës Nacional Çlirimtare Xhevdet Doda i cili njëherit ishte edhe komandant i njërit nga batalionet e saj.

Në ditët dhe muajt në vijim kësaj brigade do t'i bashkohen edhe grupe dhe aradha të tjera partizane. Brigada zhvilloi operacione në territorin e Maqedonisë së Veriut e deri në Maqedoninë e Egjeut në Greqi.

Përveç shqiptarve, në radhët e brigadës u rreshtuan dhe luftuan edhe maqedonasë, serbë, malazezë, sllovenë, etj.

Galeria

Formimi i Batalionit "Mirçe Acev", 22 gusht 1943, e cila ishte pjesë e Brigadës së Parë Sulmuese Kosovaro-Maqedone.
Formimi i Brigadës së Parë Sulmuese Kosovaro-Maqedone, 11 nëntor 1943 në fshatin Slivova (Debërcë), Ohër.
Luftëtarë të Brigadës së Parë Sulmuese Kosovaro - Maqedone.
Brigada e Parë Sulmuese Kosovaro-Maqedone në Marshimin e Shkurtit.
Luftëtarët nga Brigada e Parë Sulmuese Kosovaro-Maqedone në Malin Karaorman - maj 1944.
Shtabet e Brigadës së Parë Sulmuese Kosovaro-Maqedone si dhe të Brigadës së Katërt Sulmuese Shqiptare të Maqedonisë
Komandantët e Brigadës së Parë Sulmuese Kosovaro-Maqedone si dhe të Brigadës së Katërt Sulmuese Shqiptare të Maqedonisë

Shih edhe