Deshkollarizimi

Nga Wikipedia, enciklopedia e lirë
Jump to navigation Jump to search

Deshkollarizimi është një term i përdorur në trajtimet e Ivan Illich mbi shkollën dhe arsimin e ku paraqet një shmangie nga arsimi, shkolla dhe pedagogjia tradicionale publike (qeveritare) për një lloj arsimi, shkolle dhe pedagogjie me më pak kufizime në procesin mësimor e cila përqendrohet më shumë në vlerën edukative të kuriozitetit natyror. Madje Ivan Illich është edhe autor i veprës me titull "Deschooling Society" (Shoqëria e deshkollarizuar) e përkthyer në gjuhën serbokroate me titullin "Dole škole" (Poshtë shkollat). [1]

"Deshkollarizimi" i individit nuk do të thotë shpërfillje a aktit të të mësuarit ose të arsimimit në shkolla. Pikëpamjet e Illichit dhe Holtit për një shoqëri të deshkollarizuar duan të na sigurojnë që secili e ka mundësinë e zgjedhjes nëse ata (ose fëmijët e tyre) do të shkojnë në shkollë ose jo. Në vend se të jenë të detyruar për të shkuar në shkollë, duke iu nënshtruar një testi para se të hyjnë në një shkollë apo duke e mohuar mundësinë për të mësuar një temë të dëshiruar, njerëzit do të jenë të lirë të zgjedhin se si ata do të mësojnë.[2] Sipas John Holt, një avokues i deshkollarizimit, "një shoqëri e deshkollarozuar do të jetë një shoqëri në të cilën të gjithë do të kenë mundësi të gjera dhe të lira të zgjedhjes për të mësuar çdo gjë që ata do të dëshirojnë për të mësuar, qoftë në shkollë apo edhe në mënyra krejtësisht të ndryshme." [2] Illich shpiku termin "deshkollarizim" (deschooling) ndërsa Holt, më vonë, filloi të përdorë edhe termin "unschooling" për të paraqitur pikëpamjet dhe sistemin e tij arsimor e pedagogjik.

Pikëpamjet mbi deshkollarizimin e shoqërisë ashtu si edhe pikëpamjet antipedagogjike kanë ekzistuar edhe më herët. Këtu duhet theksuar sidomos teorinë e shuarjes së shkollës me protagonistin e saj kryesor V.N. Shulgin, drejtor i Institutit Pedagogjik të Moskës dhe autor i veprave "Obšćestvenaja rabota školi i programu GUS-a" (Puna shoqërore e shkollës dhe programi GUS) botuar në vitin 1929 dhe "Osnovie voprosi socialjonogo vospitanja" (1924), pastaj veprat "School is Dead" (Shkolla është e vdekur) e autorit Everett Reimer botuar në Londër në vitin 1971, punimi "Shkolla pa katedër" shkruar nga E. Djelpi, [3] "Fundi i arsimit" (The End of Education - 1996) nga Neil Postman, "Kundër shkollës" (Against School - 2003) nga John Taylor Gatto, "Rasti kundër arsimit: Pse sistemi arsimor është një humbje e kohës dhe parave" (The Case Against Education: Why the Education System Is a Waste of Time and Money - 2018) nga Bryan Caplan, etj.

Shih edhe[Redakto | Redakto nëpërmjet kodit]

Referimet[Redakto | Redakto nëpërmjet kodit]

  1. ^ "deschooling | Definition of deschooling in English by Oxford Dictionaries". Oxford Dictionaries | English. Marrë më 2018-11-16.
  2. ^ a b Routray, Sailen (2012). "Deschooling Society". Contemporary Education Dialogue (në anglisht). 9 (1): 85–104. doi:10.1177/097318491100900105.  0973-1849.
  3. ^ Rexhepagiq, Jashar (2008). Çështje fundamentale në pedagogjinë ndërkombëtare - Essential Issues in International Pedagogy. Prishtinë: Akademia e Shkencave dhe e Arteve e Kosovës (Kosova Academy of Sciences and Arts). ff. 137–144.  9789951413657. OCLC 426067833.

Lidhje të jashtme[Redakto | Redakto nëpërmjet kodit]