Elgit Doda

Elgit Doda
Lindi	16 dhjetor 1988 Burrel, Shqipëri
Zhanret	Pop, R&B
Profesioni	Këngëtarë, kompozitor, producent
Bashkëshorti/ja	Klea Huta (martuar 2020 ; divorcuar 2025)

Elgit Doda (lindi më 16 dhjetor 1988) është këngëtar, kompozitor dhe producent shqiptar i cili ka qenë autor i shumë këngëve të këngëtarëve të mirënjohur.

Doda ka bërë shumë këngë për artistët si Adelina Tahiri, Ronela Hajati, Rezarta Shkurta, Alban Skënderaj, Zajmina Vasjari dhe Ingrid Gjoni. Ai shkroi këngën e Adelina Tahirit në Këngën Magjike 2011, "Ti mos u kthe" dhe Alban Skënderaj në Këngën Magjike 2012 "Refuzoj". Në vitin 2013, ai shkroi këngën e Xhensila Myrtezaj "Liar".

Më 2014 ai debutoi në Këngën Magjike 2014 me këngën "Insta" që i referohet rrjetit social Instagram. Ai vetë e shkroi dhe kompozoi këngën. Ai është martuar së fundmi me aktoren e njohur Klea Huten. Ata janë shtuar me një djalë më 4 qershor 2020. Në fillim të vitit 2025 çifti Huta dhe Doda kanë hasur probleme në marrëdhënien e tyre dhe kanë hequr edhe fotot e tyre nga Instagrami dhe postimet për njëri tjetrin, si dhe kanë hequr edhe fotot e postimet për njëri tjetrin në rrjetet e tjera sociale ku janë aktivë. Çifti mesa duket është ndarë.

Karriera muzikore

Elgit Doda është një nga artistët më të njohur dhe të respektuar në industrinë muzikore shqiptare. Ai ka filluar karrierën e tij si kompozitor dhe producent, duke shkruar këngë për shumë këngëtarë të njohur shqiptarë. Këngët e tij janë karakterizuar nga melodi të bukura dhe tekste të thella emocionale. Disa nga këngët e tij më të njohura përfshijnë "Larg", "Ku Je", "Pa Mu", "Ti Ti", "Mala Gata" dhe "FL (Fatal Love)"

---

Stili muzikor dhe ndikimi

Elgit Doda është i njohur për stilin e tij unik që kombinon elemente të muzikës pop, R&B dhe baladave tradicionale shqiptare. Ai ka arritur të krijojë një lidhje të ngushtë me publikun përmes teksteve të tij të ndjera dhe interpretimit të pasionuar. Këngët e tij shpesh trajtojnë tema të dashurisë, humbjes dhe vetë-reflektimit, duke e bërë muzikën e tij tërheqëse për një audiencë të gjerë.

Diskografi

• 2012 – "Mjaft" (me Adelina Tahiri)
• 2013 – "Mala Gata" (me Ronela Hajati)
• 2013 – "Liar" (me Xhensila Myrtezaj)
• 2014 – "Ti doje..."
• 2014 – "Insta"
• 2015 – "Dikush të do"
• 2015 – "Vetëm ti je" (me Noizy)
• 2015 – "Në Zemër" (me Jonny Jonas)
• 2015 – "Blackout" (feat. Zajmina Vasjari)
• 2016 – "Pa Mu" (me Noizy)
• 2016 – "Ajer"
• 2017 – "Ajo iku" (me Alar Band)
• 2017 – "Asaj"
• 2017 – "Ndenje" (me Dario Zela)
• 2018 – "Nuk ke faj"
• 2020 - "Parajsa Ime" (me Alban Skenderaj)