Eno Popi
Eno Popi | |
|---|---|
| Lindi | 19 qershor 1981 (44 vjeç) Tiranë, Shqipëri |
| Kombësia | Shqiptar |
| Shkollimi |
|
| Profesioni |
|
| Vite aktiviteti | 1997–sot |
| Fëmijë | 1 |
Eno Popi (lindur më 19 qershor 1981) është prezantues televiziv, gazetar, moderator radiofonik dhe pedagog shqiptar. Ai është bërë i njohur për drejtimin e disa programeve argëtuese dhe reality në Top Channel, mes të cilave Wake Up, StarTop dhe Dancing with the Stars.
Jeta dhe arsimi
[Redakto | Redakto nëpërmjet kodit]Popi lindi në Tiranë më 19 qershor 1981. Ai ndoqi studimet për gazetari në Fakultetin e Historisë dhe të Filologjisë të Universitetit të Tiranës, ku u diplomua në vitin 2005. Dy vjet më vonë, në Itali, përfundoi studimet master në fushën e Redaktimit Multimedial në Universitetin “Carlo Bo” të Urbinos.[1]
Karriera
[Redakto | Redakto nëpërmjet kodit]Hapat e parë në media i hodhi në vitin 1997 si reporter kulture për gazetën Koha TV dhe Radio Koha.[1]
Në shtator 1999 iu bashkua Top Albania Radio si redaktor lajmesh dhe më pas mori rolin e moderatorit në disa programe të përditshme. Në vitin 2006 prezantoi Radio Magazine, ndërsa një vit më pas, së bashku me Ledion Liço-n, krijoi talk-show-n Live from Tirana. Ky format shërbeu si bazë për emisionin e mëngjesit Wake Up, që nisi transmetimin dy vjet më vonë në Top Channel dhe Top Albania Radio.[2]
Krahas angazhimeve në media, Popi ka ushtruar edhe detyrën e pedagogut në Departamentin e Gazetarisë dhe të Komunikimit, Fakulteti i Historisë dhe i Filologjisë, Universiteti i Tiranës.[3]
Televizioni
[Redakto | Redakto nëpërmjet kodit]Në ekranin e Top Channel, Popi ka prezantuar ose bashkë-prezantuar disa programe, ndër të cilat:
- Top Select, së bashku me Arbana Osmani[4]
- Wake Up, program i mëngjesit [5]
- Big Brother – fillimisht bashkë-prezantues e më vonë drejtues kryesor [6]
- Big Brother Albania Fans Club (sezonet 1–3)[6]
- Të gjithë për një[7]
- 100 Milionë[8]
- Dilema (versioni shqiptar i Deal or No Deal)[9]
- StarTop[10]
- Dancing with the Stars (sezonet 8–9), bashkë me Bora Zemani[11]
Referime
[Redakto | Redakto nëpërmjet kodit]- 1 2 "CV - Eno Popi" (PDF). Tirana Film Fest. Marrë më 26 gusht 2025.[lidhje e vdekur]
- ↑ "Eno Popi – Top Albania Radio". Top Albania Radio. Marrë më 26 gusht 2025.
- ↑ "Departamenti i Gazetarisë dhe i Komunikimit". Fakulteti i Historisë dhe i Filologjisë. Marrë më 26 gusht 2025.
- ↑ "Eno Popi rishikon momentet e para në Top Select: Ja si reagon ai". IconStyle.al. Marrë më 26 gusht 2025.
- ↑ "Eno Popi jo më pjesë e 'Wake Up', ja çfarë thotë Ori Nebiaj". Panorama Plus. 10 korrik 2018. Marrë më 26 gusht 2025.
- 1 2 "Big Brother Albania 1". Teksteshqip.com. Marrë më 26 gusht 2025.
- ↑ Velija, Kreizia (18 tetor 2016). "Të gjithë për një starton sonte në Top Channel". Top Albania Radio. Marrë më 26 gusht 2025.
- ↑ ""Top Channel" mbyll "100 Milionë": Eno Popi zbulon detajet e emisionit të ri". CNA.al. 16 gusht 2018. Marrë më 26 gusht 2025.
- ↑ "Eno Popi vjen me projekt të ri, "Dilema Sociale" e rikthen atë tek rrënjët". Koha Jonë. 5 tetor 2020. Marrë më 26 gusht 2025.
- ↑ ""Këshilla biznesi falas"/ "StarTop", Eno Popi jep detaje nga emisioni më i ri që starton në Top Channel". Gazeta Shqip. 20 tetor 2022. Marrë më 26 gusht 2025.
- ↑ "Eno Popi bashkëprezantues me Bora Zemanin në 'DWTS'". Lapsi.al. 30 shtator 2022. Marrë më 26 gusht 2025.