Hajro Ulqinaku
Hajro Ulqinaku | |
|---|---|
| U lind më | 3 maj 1938 Ulqin, Mali i Zi |
| Gjinitë letrare | prozë, poezi |
Hajro Ulqinaku (i lindur Hajrudin Pufja) është shkrimtar shqiptar nga Mali i Zi.
Jeta dhe veprimtaria
[Redakto | Redakto nëpërmjet kodit]Lindi më 3 maj 1938 në Ulqin, atëherë pjesë e Mbretërisë jugosllave, sot pjesë e Malit të Zi. Shkollën fillore dhe e ka mbaruar në vendlindje. Shkollën e mesme të mësuesisë (normalen) e ka kryer në Prishtinë. Është diplomuar në Beograd për Gjuhë dhe Letërsi Shqipe.[1]
Me mbarimin e universitetit ai shërbeu për shumë vite në arsim në Mal të Zi e në Kosovë. Në vitet 1967/68 fillon të punoj si gazetar, fillimisht në Radio Prishtinën. Nga maji i vitit 1974, deri në përjashtim nga puna prej forcave policore serbe, më 5 korrik 1990, ishte redaktor i Redaksisë së Programit për Fëmijë në Televizionin e Prishtinës. Ka dhënë kontribut në themelimin e seksioneve letrare si dhe si anëtar i redaksive të revistave: Zgjimi, GEP, Pionieri, Fati dhe Okarina. Aktualisht është anëtar i Lidhjes së Shkrimtarëve të Kosovës, i Lidhjes së Gazetarëve të Kosovës, si dhe anëtar i Bashkimit të Krijuesve Shqiptarë në Mal të Zi.[1]
Është shkrimtar i cili kryesisht shkruan prozë dhe poezi për fëmijë, ku motivi kryesor është deti.[2] Hajro Ulqinaku është autor i disa veprave teatrale, më e njohura ndër ta është drama Tërë bota Kosovë.
Veprat
[Redakto | Redakto nëpërmjet kodit]Libra për fëmijë
[Redakto | Redakto nëpërmjet kodit]- Fëmijët e detit
- Margaritarët e zez
- Çelësi i artë
- Kolovajza e florinjtë e Hënës
- Mbrëmje pulëbardhash
- Fëmijëria në bregdet
- Gjiri i Shpresës
- Ligji i detit
- Ani, Ben, ani
- Bukuria e detit
- Panorama e detit
- Thesari i piratëve
- Pëllumbat në antenë
- Mos qaj Kestrina
- Barka me vela (ose Barka me visare)
- Limani i Qetësisë
- Lulekuqet mbi banka
- Ishulli i Gjelbër
- Libri për detin 6 + 1
Drama
[Redakto | Redakto nëpërmjet kodit]Libra publicistikë dhe shkencorë
[Redakto | Redakto nëpërmjet kodit]- Deti, detarët e Ulqinit
- Detarë, peshkatarë, ulqinakë
- Detaria, detarë, dokumente
- Libri për Ulqinin dhe ulqinakët
- Glosar – fjalorth i detarisë i të folmes së Ulqinit
- Thesar popullor
Shiko dhe këtë
[Redakto | Redakto nëpërmjet kodit]Referimet
[Redakto | Redakto nëpërmjet kodit]- ^ a b Hajro Ulqinaku (ulqini.de)
- ^ Hajro Ulqinaku dhe obsesioni për detin[lidhje e vdekur] (ulqini-online.com)
Lidhje të jashtme
[Redakto | Redakto nëpërmjet kodit]
|
Ky artikull nga Letërsia është një faqe cung. Mund të ndihmoni Wikipedian duke e përmirësuar. |