Idlir Azizaj

Idlir Azizaj (lindur më 21 korrik 1970 në Vlorë) është një shkrimtar dhe përkthyes shqiptar, i cili jeton prej vitit 2004 në Francë. Ai njihet sidomos për përkthimin e Uliksit të Xhejms Xhoisit në shqip, për të cilin u vlerësua me "Pendën e Argjendtë" nga Ministria e Kulturës e Shqipërisë në vitin 2004.

Jetëshkrimi

Azizaj kreu studimet e para në Universitetin e Tiranës për ekonomi. Më vonë ndoqi studimet për letërsi angleze e amerikane në Concordia College të Minesotës në ShBA-të. Në vitin 2006 mori gradën "master" në filozofi në Universitetin e 8^-të të Parisit, me punimin Uliksi, gramafoni që këndon heshtjen.

Vëllimi me poezi "Syri në mur" (1997) është ribotuar më 2010 në një vëllim dygjuhësh në ShBA-të nga CC Marimbo Press.

Azizaj veçanërisht është i njohur me përkthimin e Uliksit të Xhejms Xhoisit, për të cilin ka marrë dhe "Pendën e Argjendtë" nga Ministria e Kulturës e Shqipërisë në vitin 2004. Më 2011 ka marrë çmimin "Penda e Artë" nga fondacioni Mehr Licht! për esenë më të mirë të vitit.

Azizaj është njohur në shtypin letrar për romanet e tij me temë nga shoqëria e sotme dhe për stilin e veçantë në prozë. Poezitë dhe dramat e tij janë vënë disa herë në skenë në Austri, Francë e Kosovë.

Veprat

Përkthimet

Dublinasit e Xhejms Xhoisit. Apollonia, Tiranë 1998. ISBN 9789992761861.
Tri novela e Samuel Beketit. Onufri, Tiranë 1998.
Kaddish e Alen Ginsbergut. Logoreci, Tiranë 2000.
Balkan hotel e Bashkim Hoxhës. Teuta, Durrës 2002.
Drejt trupit pa organe e William Seward Burroughs. Logoreci, Tiranë 2002.
Uliksi i Xhejms Xhoisit. Zenit, Tiranë 2003.
Dashuria e parë e Samuel Beketit. Zenit, Tiranë 2005.
Giacomo Joyce e Xhejms Xhoisit. Logoreci, Tiranë 2005.
Të Nëndheshmit e Xhek Keruakut. Logoreci, Tiranë 2006. ISBN 9789928439512.
Van Gogh, i vetëvrari i shoqërisë i Antonin Artodit. Zenit, Tiranë 2013.
Kopisti Bartëlbi i Herman Melvilit. Onufri, Tiranë 2015.
Lundrimi drejt Bizantit i Uilliam Batler Jijcit. Aleph, Tiranë 2017. ISBN 9789928439512
A Mother's Blessing e Jusuf Gërvallës. Swimming with Elephants Publications, 2018. ISBN 9780999892985.

Romanet

Syri në mur. Afërdita, Tiranë 1998.
(Pa titull). Afërdita, Tiranë 1999.
Katër, ose një film i fundit mbi komunizmin tonë. Zenit, Tiranë 2008. ISBN 9789995671716.
Mandakall, ose një vrimë që hapet në realitet zor s'e mbyllet. Zenit, Tiranë 2009. ISBN 9789995671761.
Ti doje të shkruaje një fugë. Zenit, Tiranë 2009. ISBN 9789995678777.
Terxhuman. Zenit, Tiranë, 2010. ISBN 9789928400529.
Gazetarja e kulturës vetëvritet, shpirti i saj në drejtim të paditur. Zenit, Tiranë 2011. ISBN 9789928400598.
Don Kanuni, ose ngadalë gjakësi dremit në pritë. Zenit, Tiranë, 2012. ISBN 9789928113115.
Shekspirotët. Botimet Toena, Tiranë 2016. ISBN 9789928205308.
Armiku i popullit pa emër. Pika Pa Sipërfaqe, Tiranë 2017. ISBN 9789928185488.

Çmimet

2004: Penda e Argjendtë nga Ministria e Kulturës e Shqipërisë për përkthimin në shqip e romanit Uliksi
2011: Penda e Artë nga fondacioni Mehr Licht! për esenë Ekentriku shqiptar ose pamundësia jonë politike për t'u tërhequr
2016: Vepra më e mirë e vitit të Letërsisë Shqipe nga Ministria e Kulturës e Shqipërisë për novelën dramaturgjike Shekspirotët

Burimet

Referimet