Kapsamun

Kapsamun është grup zvicerano-shqiptar nga Bazeli i muzikës etno-xhaz. Anëtarët e grupit janë themeluesi Arsim Leka (saksofon), Marsel Zimerman (violinë), Semjuel Vetshtajn (piano/sintisajzër/darabuk), Florian Abt (kontrabas), dhe majkël Shtulz (bateri/perkusione). Grupi nuk ka vokalist.

Repertori i Kapsamunit bazohet në vallet çyçek të muzikë popullore nga Kosova dhe Shqipëria, por materiali është plotësisht i përpunuar për instrumentet klasike apo moderne që anëtarët luajnë. Një burim tjetër janë kompozimet origjinale të zhvilluara prej ndikimeve nga Evropa Lindore dhe Lindja e Mesme. Muzika e tyre ka edhe ndikime të salsës, fuzionit, nu-xhazit, dhe drum’n’basit. Anëtarët e grupit janë të shkolluar në instrumente klasike.

Dëgjuesit e Kapsamunit janë dashamirët e muzikës popullore nga Kosova por edhe dashamirët e rokut dhe xhazit. Atmosfera në koncertet e tyre përbëhet nga motive të shpejta dhe solo instrumentale me energji të lartë të çyçekut.