Kostandin Kotte

Nga Wikipedia, enciklopedia e lirë
Jump to navigation Jump to search
Kostandin Kotte
Ministër sekretar shteti i Ekonomisë Kombëtare
12 janar 1942 – 4 janar 1943
Paraardhësi: Fuat Dibra
Pasardhësi: Ndoc Naraçi
Të dhënat personale
Lindi më: 27 janar 1895
Lindi në: Leusë, Perandoria Osmane
Vdiq më: 1945
Vdiq në: Tiranë, Qeveria Demokratike e Shqipërisë
Kombësia: shqiptar
Profesioni: nëpunës, diplomat, inxhinier

Kostandin Kotte (Leusë, 27 janar 1895 - Tiranë, 13 prill 1945) ka qenë diplomat shqiptar dhe ministër i shtetit shqiptar. U dënua me vdekje nga Gjyqi Special me ardhjen në pushtet të komunistëve.

Biografia[redakto | përpunoni burim]

U lind më 27 janar 1895 në Leusë të kazasë së Përmetit. Ndoqi kolegjin e Shën Adrianit në Shën Mitër Koronë[1] dhe më 1914-1917 studioi në Itali në degën e inxhinierisë. Më 1921-1922 ishte sekretar i dytë dhe atashe i legatës sonë në Romë. Më 1922-1924 shërbeu sekretar i legjislativit shqiptar.

Përkrahu qeverinë Noli që doli nga Lëvizja e qershorit dhe pas Triumfit të Legalitetit më 24 dhjetor 1924, u largua nga Shqipëria dhe emigroi. Autoritetet jugosllave nuk ia lejuan vendosjen në Dalmaci, dhe deri më 1939 qe emigrant politik antizogist në Itali e Zvicër,[2] ku në Gjenevë kaloi pjesën më të madhe të mërgimit, dhe ku qe redaktor i të përkohshmes Liria Kombëtare.[1]

Në qershor të vitit 1939-1942 punoi drejtor i propagandës në Drejtorinë e Përgjithshme të Shtypit, Propagandës dhe Turizmit. Më 1942 u emërua u emërua ministër sekretar shteti i Ekonomisë Kombëtare duke zëvendësuar Fuat Dibrën, dhe më pas vijoi si funksionar i Ministrisë së Kulturës Popullore. Më 4 janar 1943 hapi gazetën jetëshkurtër Roja Kombëtare.

U arrestua nga komunistët në fund të vitit 1944. Më 13 prill u dënua me vdekje si "kolaboracionist" nga Gjyqi Special dhe u pushkatua.[2]

Referencat[redakto | përpunoni burim]

  1. ^ a b Elsie, Robert (2013). A Biographical Dictionary of Albanian History. I.B.Tauris. f. 254.  9781780764313. 
  2. ^ a b Dervishi, Kastriot (2012). Kryeministrat dhe ministrat e shtetit shqiptar në 100 vjet. Tiranë: 55. f. 164.  9789994356225.