Luana Vjollca

Nga Wikipedia, enciklopedia e lirë
Jump to navigation Jump to search





Luana Vjollca
Informacione
Pseudonim(e)Luana
Lindja2 shtator 1991
Tiranë, Shqipëri[1]
PrejardhjaFlag of Albania.svg Shqipëri
ZhanriPop
Profesion(e)Këngëtare, Prezantuese, Kërcimtare, Modele
Vite aktiv10
Bashkëpunim(e) meAcromax Media GmbH[2]
Webfaqja
www.luanavjollca.al


Luana Vjollca është një moderatore televizive, kërcimtare, modele dhe këngëtare shqiptare.[3][4][5]

Sinopsi[redakto | përpunoni burim]

U lind në 2 shtator 1991, në Shqipëri, Tiranë. Fillimisht doli si velinë e programit investigativ “Fiks Fare“ në vitin 2007. Më pas si moderatore në disa emisione si “Summer Fest”, “Top Fest”, “E Diell”. Në sezonin televiziv 2016-2017, Luana pati emisionin e saj Prime Time, në Top Channel, “Pa limit”.

Fëmijëria dhe studimet[redakto | përpunoni burim]

Fëmijërinë e kaloi në Tiranë, aty ku ende jeton. Publiku e mban mend fillimisht si velinë, më pas moderatore dhe vitet e fundit edhe si këngëtare, por radha nuk është e tillë. Luana e nisi fillimisht me muzikën. Është ngjitur në skenë në Festivalin e Fëmijëve bashkë me Marinën, motrën e saj.[6] Luana ka studiuar kanto për dy vite, kur ishte 9 vjeçe dhe më pas 1 vit studioi kitarë dhe 1 vit violinë. Për studime të larta zgjodhi ekonominë. Në vitin 2014 përfundoi studimet Master në Ekonomi.

Karriera në televizion[redakto | përpunoni burim]

Programi i humorit “Pa Limit”, nën moderimin e Luanës derivoi nga rubrika e programit të së dielës, “E Diell” dhe u transmetua si emision më vete. Edhe në “E Diell” rubrika moderohej nga ajo. Në të njëjtin program moderatorja ka pasur rubrika të ndryshme si “Të Çmendur Pas” dhe “Dueli i Heshtur” të realizuar gjatë sezoneve 2015-2016.

Në programe si “Top Fest” dhe “Summer Fest” ka qenë e shoqëruar në bashkëprezantim nga e motra, Marina. Në kompeticionin muzikor “Top Fest”, ka prezantuar nga viti 2010 në 2014-ën, kurse në “Summer Fest” nga viti 2012 në vitin 2015, pra për 4 sezone radhazi.

Për 6 vite Luana prezantoi motin, çdo mbrëmje pas edicionit qendror të lajmeve në “Top Channel”, nga 2009-ta deri në 2015-ën.

Në 2017, Luana Vjollca prezantoi "Pa Limit", transmetuar Prime-Time ne Top Channel.[7]

Luana ka qenë për 2 vite imazh i ‘DigitAlb’ dhe i disa kompanive të tjera, por për kontrata afatshkurtra.

Karriera muzikore[redakto | përpunoni burim]

Në muzikë u rikthye në vitin 2013 me këngën “Tërbohu”, e pas saj në vitin 2014 me baladën e shoqëruar me videoklip, të titulluar “Askush s`do ta besojë”.

Më pas bashkëpunoi me Blunt dhe Real në këngën “Luanët” e shoqëruar me videoklip.

Të tjera projekte muzikore janë “E jemja” e publikuar në Mars të 2015-ës dhe 4 muaj më vonë erdhi bashkëpunimi me Getoarin. Kënga ishte “Tirana Lifestyle”.

Në 2016-ën publikoi dy projekte muzikore në të cilat erdhi vetëm. “Ai” dhe “Je veç ti” ishin të dyja këngë dashurie, me dallimin se “Je veç ti” baladë dhe “Ai” ritmike.

Diskografia[redakto | përpunoni burim]

Lista e këngeve (singles) :

  • Luana Vjollca - Vetem ty publikuar më 20.07.2018[8][9]
  • Luana Vjollca ft. Bujar Qamili - Mi dhe flake mallit tim publikuar më 08.06.2018 [10][11]
  • Luana Vjollca – Benzina publikuar më 12.07.2017 [12]
  • Luana Vjollca - Je veç ti publikuar më 23.11.2016
  • Luana Vjollca – Ai publikuar më 17.06.2016 [13]
  • Luana ft. Ghetto Geasy - Tirana Lifestyle publikuar më 20.07.2015 [14]
  • Luana Vjollca - E jemja publikuar më 14.03.2015
  • Luana ft. Blunt & Real – Luanët publikuar më 22.07.2014 [15]
  • Luana - Askush s`do ta besojë... publikuar më 5.03.2014
  • Luana - Terbohu publikuar më 6.08.2013

Angazhimet në bamirësi[redakto | përpunoni burim]

Luana ka marrë pjesë në evente bamirësie. Ka bërë vizita në Shtëpinë e Fëmijës “Zyber Hallulli”, në Tiranë. Momente nga takimet i ka ndarë edhe në rrjete sociale. [16][17]

Referencat[redakto | përpunoni burim]

Lidhje të jashtme[redakto | përpunoni burim]