Nekropoli tumular në Llashticë
| Nekropoli tumular në Llashticë | |
|---|---|
 | |
| Lloji | Arkeologjike |
| Vendndodhja | Llashticë, Gjilan, Kosovë |
| Ndërtuar | Shek. VIII-VII P.E.S. |
| Emri zyrtar: Lokalitet Arkeologjik / Rezervat | |
| Lloji | Nën mbrojtje |
| Përcaktuar | 02-393/80 |
| Nr. i referencës | 74 |
Nekropoli tumular në Llashticë është një monument i trashëgimisë kulturore në Llashticë, Gjilan, Kosovë.[1] Ky monument është i kategorisë "Arkeologjik", i miratuar me numër 02-393/80.
Historiku[Redakto | Redakto nëpërmjet kodit]
Nekropoli i tumave në Llashticë gjendet rreth 10 km në verilindje të qytetit të Gjilanit , në krahun e Djathtë të Moravës së Binçës , e shtrirë në një sipërfaqe të gjerë të tokave punuese të fshatit Llashticë buzë maleve të Karadakut . Tumat u përkasin ilirëve . Nekropoli përbëhet prej nëntë tumave të evidentuara, karakteristike për periudhën e vonë të hekurit si dhe ndërlidhet me vendbanimin rrafshinor të periudhës së hekurit e cila gjendet rreth 1.5 km në veri të saj, e konstatuar nga sondazhet e zhvilluara në tetor të vitit 2011. Hulumtimet arkeologjike në këtë areal janë zhvilluar në disa etapa gjatë viteve 1980, 1981, 1982 (janë hulumtuar gjithsej 5 tuma), si dhe në vitin 2011 është gërmuar tuma IX, vetëm në dy segmente. Inventari i varreve (materiali arkeologjik) përbehej prej gjetjeve të shumëllojta si në formë ashtu dhe në material; enë qeramike, vorba, pjata dhe zbukurime (fibula, byzylykë, qafore etj.) si dhe pjesë të fragmentuara të objekteve të kultit me figura të zogjve e të punuara në bronz. Njëra nga tumat (tuma IX) është në gjendje relativisht të mirë me përmasa të dukshme 32 x 32 m në diametër, ndërsa me lartësi të ruajtur deri në 1.60 metër. Pas gërmimeve u konstatua se në këto varre mungonin mbetjet mortore të të ndjerëve, të cilat me siguri pas djegies, hiri iu është shpërndarë. Tumat i përkasin periudhes se hekurit gjegjesisht shekullit VIII-VII Para Krishtit. [2]
Galeria[Redakto | Redakto nëpërmjet kodit]
Shih edhe[Redakto | Redakto nëpërmjet kodit]
- Iliria
- Dardania
- Muzeu i Kosovës
- Arkeologjia e Kosovës
- Trashëgimia romake në Kosovë
- Vendbanimet neolitike në Kosovë
- Vendbanimet e kohës së metaleve në Kosovë
Referime[Redakto | Redakto nëpërmjet kodit]
- ^ LISTA E TRASHËGIMISË KULTURORE PËR MBROJTJE TË PËRKOHSHME (PDF). Republika e Kosovës, Ministria e Kulturës, Rinisë dhe Sportit. Marrë më 17 gusht 2016.
- ^ "Nekropoli tumular ilir i Llashticës" [The Illyrian Llashtica burial mounds necropolis (Gjilan)]. Databaza e Trashëgimisë kulturore të Kosovës (në anglisht dhe shqip). Arkivuar nga origjinali më 18 tetor 2020. Marrë më 21 shtator 2020.
Lidhje të jashtme[Redakto | Redakto nëpërmjet kodit]
- Databaza e trashëgimisë kulturore të Kosovës Arkivuar 26 mars 2016 tek Wayback Machine