Rasim Gashi
| U lind në | 1 prill, 1934 |
|---|---|
| Vdiq | 24 shtator, 2014 |
| Kombësia | shqiptar |
| Profesioni | Mësimdhënës |
Rasim Gashi (1934 - 2014) ishte një mësues i shquar nga Gostivari.[1]
Biografia[Redakto | Redakto nëpërmjet kodit]
Rasim Gashi u lind më 1 prill 1934 në Gostivar. Arsimin fillor dhe progjimnazin i kreu në vendlindje në vitin 1948 për ti vazhduar në Normalen Zef Lush Marku të Shkupit. Studimet i vazhdoi në Akademinë Pedagogjike, në degën Gjuhë dhe Letërsi Shqipe të cilën e përfundoi në vitin 1964. Pas kësaj i vazhdoi studimet edhe në Fakultetin Filologjik të Universitetit Kirili dhe Metodi.
Veprimtaria[Redakto | Redakto nëpërmjet kodit]
Punën si mësues e filloi në vitin 1953 në fshatin Pirok, e më pas në Çajlë e Çegran për të vazhduar si profesor i gjuhës shqipe në Shkollën Mosha Pijade në Gostivar.
Një kohë punoi si përkthyes në Gjykatën Themelore në Gostivar prej nga vazhdoi në Shkollën "Vëllazërim Bashkimi" ku punoi deri sa u pensionua në vitin 1992.
Vepra[Redakto | Redakto nëpërmjet kodit]
Profesor Rasim Gashi është marrë edhe me shkrime të natyrës historike e pedagogjike, në të cilat ka trajtuar tema në lidhje me jetën, veprën dhe kontributin arsimor e pedagogjik të Abdylhaqim Doganit, kontributin e mësueses së parë në Gostivar Liri Ekmekçiu, zhvillimin e arsimit dhe shkollave në Gostivar dhe rrethinë si dhe çështjet lidhur me unifikimin e alfabetit të gjuhës shqipe deri te Kongresi i Manastirit. Ka bashkëpunuar me revistat ditore e periodike si: "Fakti", "Koha", "Shqiptarja", "Zaman", "Jeta e Re", "Fatosi", etj. Në kuadër të shkrimeve të tij bëjnë pjesë edhe këto:
- "Abdylhaqim Dogani (1880 - 1955): Didakt i mirëfilltë dhe intelektual i rrallë", 1995 - 2005
- "Abetarja e parë shqipe në Maqedoni", Fakti, 2006
- "Abdylhaqim Dogani dhe botimi i abetares së parë shqipe në Maqedoni", Zaman, 2007
- "Alfabeti i sotëm shqip, kurorëzim i shumë brezave", Koha, 2008
- "Mësuesja e parë në Gostivar", (libër kushtuar historikut të arsimit në komunën e Gostivarit dhe në veçanti mësueses Liri Ekmekçiu).[2]
Shih edhe[Redakto | Redakto nëpërmjet kodit]
Lidhje të jashtme[Redakto | Redakto nëpërmjet kodit]
Referime[Redakto | Redakto nëpërmjet kodit]
- ^ Rasim Gashi:Mësuesja e parë në Gostivar, Nositi - SH, Gostivar, 2011 ISBN 978-608-211-043-1
- ^ Rasim Gashi:Mësuesja e parë në Gostivar