Skandali i patronazhistëve
Si skandali i patronazhistëve njihet përdorimi i paautorizuar i të dhënave personale të ndjeshme të votuesve të Qarkut Tiranë nga Partia Socialiste. Të ashtuquajturit "patronazhistë", anëtarë të PS-së, kanë mirëmbajtur një databazë të paautorizuar me të dhëna personale të të gjithë votuesve, duke shënuar parapëlqimet politike. Databaza qarkulloi gjerësisht nëpër internet, pasi lajmi për ekzistencën e saj u publikua fillimisht nga portali Lapsi.al më 11 prill 2021, 2 javë para zgjedhjeve për kuvendin më 25 prill.
Problematika[Redakto | Redakto nëpërmjet kodit]
- Të dhënat personale konfidanciale nuk duhet të përdoren për qëllime zgjedhore nga partia në pushtet.
- Të dhënat personale përdoren pa njohurinë apo miratimin e personave.
- Administrata publike duhet të jetë profesionale dhe efiçente, jo partiake dhe pasive.
Databaza[Redakto | Redakto nëpërmjet kodit]
Databaza përmban 910,061 rreshta, ku në çdo rresht gjenden gjeneralitetet dhe të dhënat personale të një qytetari. Qytetari më i moshuar në databazë ka lindur në vitin 1922, ndërsa më i riu në 31 dhjetor 2002. Që të gjithë në databazë kanë të drejtë votimi dhe janë banorë të qarkut Tiranë.[1]
Patronazhistët[Redakto | Redakto nëpërmjet kodit]
Në databazë rezultojnë gjithsej 9027 patronazhistë. Disa mijëra prej tyre punojnë kryesisht në administratën publike, qendrore apo vendore, si dhe në morinë e kompanive nën pronësi shtetërore.[1]
Bashkia Tiranë, ajo e Kavajës apo Bashkia e Rrogozhinës kanë një numër të madh “patronazhistësh” të punësuar prej vet tyre. Stafi i bashkisë qendrore në Tiranë numëron rreth 300 patronazhistë, Bashkia e Kavajës 190, ndërsa Bashkia e Kamzës ka 60 të tillë.
| Institucioni publik | Patronazhistë të PS-së | Numri total i punonjësve | % e patronazhistëve të PS-së |
|---|---|---|---|
| OShEE & OSSh & FShU | 250 | ||
| Posta Shqiptare | 100 | ||
| Agjencia e Parqeve dhe Rekreacionit | 30 | 396[2] | 7,5 |
| Drejtoria e Përgjithshme e Taksave Vendore | 30 | 260[2] | 11,5 |
| Albcontrol | 11 | ||
| AKSHI | 9 | ||
| Rezidenca Studentore Universitare 1 dhe 2 | |||
| Tirana Parking | 115[2] |
Reagimet[Redakto | Redakto nëpërmjet kodit]
- 162 qytetarë e kanë paditur Partinë Socialiste, për shkelje të ligjit “Për mbrojtjen e të dhënave personale”.[3]
- Organizata ndërkombëtare për të drejtat e njeriut Amnesty International në raportin për vitin 2021 u shpreh e shqetësuar në lidhje me lirinë e shprehjes, mbrojtjen e burimeve dhe frikësimin e gazetarëve për këtë rast.[3]
- Organizata ndërkombëtare për transparencë Transparency International kërkoi nga SPAKU të hetohet çështja dhe të vlerësohet nëse partia në pushtet përdori mjete shtërore për të fituar zgjedhjet.[4]
Shih edhe[Redakto | Redakto nëpërmjet kodit]
Referime[Redakto | Redakto nëpërmjet kodit]
- ^ a b "Nëpunës, policë dhe ushtarakë në listën me mbi 9,000 "patronazhistë" socialistë". Marrë më 18 qershor 2022.
{{cite web}}: Mirëmbajtja CS1: Gjendja e adresës (lidhja) - ^ a b c "Numri i punonjësve". Marrë më 18 qershor 2022.
{{cite web}}: Mirëmbajtja CS1: Gjendja e adresës (lidhja) - ^ a b ""Amnesty International": Patronazhistët cenim i rëndë i të drejtave të njeriut". Marrë më 18 qershor 2022.
{{cite web}}: Mirëmbajtja CS1: Gjendja e adresës (lidhja) - ^ "ALBANIA: ALARM OVER INDICATIONS OF PERSONAL DATA BREACH, ELECTION CAMPAIGN VIOLATIONS" (në anglisht). Marrë më 18 qershor 2022.
{{cite web}}: Mirëmbajtja CS1: Gjendja e adresës (lidhja)