Telepatia

Telepatia ( greq. τηλε, tile, "larg"; dhe πάθεια, pathia, "ndjenjë"), "ndjenjëpërçimi", ose "mendimpërçimi" është aftësia e hamendësuar e njeriut dhe krijesave të tjera për të shkëmbyer ndjenja, mendime, lajme nga njëra mendje tek tjetra, pa përdorur mjete, shqisa apo shenja.

Telepatia hyn në dukuritë që studiohen nga parapsikologjia.

Megjithëse janë bërë shumë eksperimente shkencore rreth telepatisë vite me radhë, gjer më sot nuk ka ndonjë dëshmi të pranuar shkencore për qënësinë e saj, dhe shumica e bashkësisë shkencore beson që dukuritë e hamendësuara të lidhura me telepatinë përbëjnë vetëm një shkencë të rreme.

Historia e telepatisë

Emërtimi i fjales "telepati" është sajuar në vitin 1882 nga Frederic William Henry Myers (Frederik Uilljam Henri Majers), poet anglez, eseist, dhe udhëheqës themelues i Shoqërisë për Kërkime Psikike në Londër.

Shiko edhe

• Parapsikologjia
• Psikokineza
• Parandjenja