Stupcat

Stupcat
Skeda:Osmani vedati dhe mensuri( stupcat).jpg Mensur Safqiu,Vedat Bajrami dhe Osman Azemi
Stupcat Group
Kategoria	Komedi, Parodi
Krijuar nga	Osman Azemi dhe Vedat Bajrami
Marrin pjesë	Vedat Bajrami rolet Liki, Gixha, Fuka, Lata, Sahiti, Hamdia, Katunari, Shabani, Ramadani, Gipë Nenkoloneli, Axha Paqariz, Gazetari, Farija, Zeqa, Jakopvski etj. Osman Azemi rolet Sabilja, Teta Gjyli, Kameramani, Basrija, Ministri, Coci, Fahrushi ,Sabiti, Magi etj. Mensur Safqiu rolet Misini, Axha Sheqë, Polici, Kulleri, Miki, Gurbetqari, Asllani, Rasimi, Ministri ,Zhivko, Gazetari, Akademiku, Shoferi etj. Gresa Pallaska rolet Policja, Talia, Arsimtarja etj. Afrim Kransiqi rolet si Daja, Msusi ,Afrim Bitlisi etj. Agron Sokoli rolet si mjeku,sigurimi, etj.
Shteti i origjinës	Kosovë
Gjuha origjinale	Shqip
Production
Kohëzgjatja	20-60 Minuta
Production companies	RTK, KTV, Top Chanel, K CHANEL. Gjirafa Studios
Original release
Release	Në vitin 2002 - 2017 në RTK

Stupcat janë një grup humoristik që debutoi në vitin 2002 në Radio Televizionin e Kosovës (RTK) në shkurt, dhe më vonë në KTV. Në fillim, Grupi 'STUPCAT' përbëhej nga Osman Azemi, Vedat Bajrami, Blerim Qeriqi, Agron Sokoli dhe Feim Ademi. Për shkak të obligimeve të tre pjesëtarëve (Blerimit, Agronit dhe Feimit), në grup mbetën vetëm Vedat Bajrami dhe Osman Azemi, por më vonë, në vitin 2004, iu bashkua Mensur Safçiu, dhe po në këtë vit ata realizuan hitin humoristik të tyre 'Kulshedra', e më pas shumë e shumë hite të tjera.

Po ashtu, Osman Azemi dhe Vedat Bajrami patën mundësinë të dalin para publikut shqiptar në Tiranë duke marrë pjesë në shoubiz-in e njohur 'Portokallia', ku u pritën mjaft mirë nga publiku. Përmes 'Portokallisë' dhe Top Channel, ata kishin mundësinë të shiheshin nga mbi 15 milion shqiptarë (abonues të Digitalb).

Stupcat arritën kulmin e famës kur, në vitin 2010, hynë si garues në reality show-in e famshëm 'V.I.P. Shpija e Kosovës', ku qëndruan për një muaj dhe me batutat dhe skeçet e tyre argëtuan mbarë popullin dhe publikun shqiptar.

Stupcat ndanë rrugët në vitin 2022 për shkak të disa problemeve të brendshme. Sipas mediave rozë, ata janë bashkuar sërish në gusht të vitit 2023 për t'iu kthyer ekranit të komedisë. Ndërkohë, gjatë kësaj periudhe (2022-2023), nuk është krijuar asnjë episod i ri.

Filmografia

• Kulshedra (2005)
• Egjeli (2006)
• Egjeli 2 (2007)
• Stupcat Kung Fu - Humor (2009)
• Dasma e Sheqës (2010)
• Presidentët (2011)
• Amkademiku (2012)
• Egjeli (Serial) (2013)
• Dekalogu Kuq E Zi (2016)
• Egjeli (Serial) (2017)

Lidhje të jashtme

• Kanali Zyrtar në GjirafaVideo

Shiko edhe

• Kinematografia në Kosovë