Xhemë Karadaku

Nga Wikipedia, enciklopedia e lirë
Jump to navigation Jump to search


Xhemë Karadaku
U1 XhemëKaradaku.222x275.jpg
Xhemë Karadaku
Informacione
Ditëlindja: 1964
Vendlindja:Ranatoc, Preshevë
Aktiviteti:poetshkrimtar shqiptar
Nënshtetësia:kosovar - shqiptar

Xhemë Karadaku u lind në fshatin RanatocKaradakutPreshevës.Është shkrimtar shqiptar. Xhemë Karadaku shkollën fillore e mbaroi në vendlindje, të mesmen në Preshevë, ndërsa fakultetin e Makinerisë në Prishtinë. Ka ndjekur studimet pasuniversitare në drejtimin Administrim Biznesi, në Universitetin “Dardania” në Prishtinë.

Bashkëpunon me revista të shumta në gjuhën shqipe. Bashkëpunoi kohë të gjatë edhe me Revistën për Enigmatikë “Horizonti” e një kohë ishte edhe anëtar i redaksisë. Është autor i qindra enigmave, sidomos i enigmave të rimuara. Në vitin 1994 botoi tufën me enigma “Gjej e qesh”, ndërsa në vitin 1998 kishte përgatitur për botim librin e dytë me enigma “Zgjidh e Zgjidh”, i cili për shkak të rrethanave të kohës mbeti i pabotuar.

Është prezantuar në Leksikonin e shkrimtarëve për fëmijë, të përpiluar nga shkrimtari i njohur Odhise Grillo dhe në Antologjinë e Letërsisë për fëmijë "Lule për lulet" të botuar në vitin 2014. Në vitin 2014, libri me poezi për fëmijë "JAM I MADH" u nderua me çmimin "Ymer Elshani" nga Karvani Letrar "Agim Deva" si libri më i mirë i botuar në Kosovë. Në konkurse të ndryshme letrare, në Kosovë e më gjerë, është fitues i mbi 30 shpërblimeve për poezi, tregime dhe humoreska. Është editor i Shtëpisë Botuese “URA”, Prishtinë. Është redaktor i botimeve të letërsisë për fëmijë në www.librariaelektronike.com. Është anëtar i Lidhjes së Shkrimtarëve të Kosovës. Jeton dhe punon në Prishtinë.

Veprat[redakto | përpunoni burim]

shih edhe[redakto | përpunoni burim]

Stub biografi.png Ky artikull në lidhje me Biografia është i cunguar. Mund të ndihmoni Wikipedinë duke e përmirësuar.