Aleks Çaçi

Nga Wikipedia, enciklopedia e lirë
Jump to navigation Jump to search
Aleks Çaçi
Emri Aleks
Mbiemri Çaçi
Lindur më 15 gusht 1916
Vdiq më 23 shkurt 1989
Kombësia shqiptare
Shtetësia shqiptare
Profesioni shkrimtar, publicist

Aleks Çaçi (Palasë, 15 gusht 1916 - Tiranë, 23 shkurt 1989) ka qenë shkrimtar dhe publicist shqiptar.

Biografia[redakto | përpunoni burim]

U lind në Palasë, i biri i Gogos dhe Evanthi Shanes nga Dukati. Pas shkollimit në vendlindje, kreu shkollën e mesme tregtare në Vlorë dhe Institutin e Lartë të Tregtisë në Greqi.

Pas çlirimit të Shqipërisë nga fashizmi, kreu shkollën “Vladimir Iliç Lenin”. Ka qenë pjesë e Grupit komunist të Korçës.

Si rezultat i veprimtarive revolucionare, në vitin 1936, u izolua në qytetin e Beratit për 2 vite nga regjimi zogist. Çaçi ka qenë anëtar aktiv i luftës për pavarësi nga sundimi i huaj.

Rreth viteve ’80 u shkëput nga jeta politike shqiptare, e cila po ngërthente pa fund “koka” intelektualësh. Pseudonimi i tij ka qenë Deme Petriti. I martuar me zonjën Persefoni Zaharia Jorgoni, kanë lindur tre fëmijë, Jordanin, Irenën dhe Liminin.

Më 23 shkurt 1989, u nda nga jeta.[1]

Vepra[redakto | përpunoni burim]

Ka qenë pjesëtar i grupit të shkrimtarëve shqiptarë të viteve ’30, ku dhe nisi të shkruajë vjershat e para në botime të ndryshme si “Kushtrimi i lirisë”, “Trumpeta çlirimtare”, “Përpjekja shqiptare”, “Bota e re”, me autorë të tjerë si Branko Merxhani, Tajar Zavalani, Sotir Paparisto, Midhat Araniti, Nonda Bulka, Vedat Kokona, Jorgji Jorgoni, etj. Veç vjershave, tregimeve, poemave e novelave për të rritur, ka shkruar shumë edhe në letërsinë për fëmijë në shtypin e kohës (p.sh. revista “Fatosi”) dhe me përmbledhje librash, gjatë punës së tij tek organizata “Lidhja e shkrimtarëve”.

Ka përkthyer një sërë librash me miqtë e tij nga greqishtja e lashtë, greqishtja moderne e italishtja në shqip. Është i njohur në Greqi dhe Itali si një shembull i figurës intelektuale dhe patriotike shqiptare e është nderuar në aspekte që shumë pak shkrimtarë ia dolën të mos përfshiheshin. Shtëpia botuese “Naim Frashëri” i pat botuar veprën e përmbledhur dy vjet para se të ndërronte jetë, e cila konsistonte në tre volume që përmbanin poema, proza dhe pjesë të shkurtra teatrale nga karriera e tij e larmishme letrare.

Nderime[redakto | përpunoni burim]

Për vite ka pasur marrëdhënie të ngushta me Kinën maoiste si shkrimtar dhe publicist e për punën dhe meritat krijuese, i është akorduar urdhri “Flamuri i kuq i punës”.

Veprat letrare[redakto | përpunoni burim]

  • "Këngët e dheut"
  • "Margarita Tutulani"
  • "Ashtu myzeqe"
  • "Me ty Stalin"
  • "Poezia Shqipe"
  • "Bisedë me diellin"
  • "Ëndrrat e mia"
  • "Aroma e bukës"
  • "Na hoqën çatinë"
  • "Shtëpia përballë diellit"

Referimet[redakto | përpunoni burim]

  1. ^ Habazaj, Albert (14 qershor 2016). "Aleks Çaçi, poeti entuziast nga Himara që shkroi për Myzeqenë". Tirana Observer. Marrë më 2 mars 2018.