Amru bin Madi Jakrib

Amr (Amru) ibn Mad bin Jakrib el-Zubaidi el-Madhhixhi ishte një kalorës i njohur [[arab] para dhe gjatë Islamit.

Ai ishte nga Shtëpia e shquar e Zubaid, pjesë e Shtëpisë së Madhixhit. Ai ishte shumë trim dhe ai u kthye në Islam në kohën e Muhammedit, duke qenë një nga Sahabët e tij. Kur Saad b. Ebi Vakas i kërkoi halifit Umer ibn el-Hattab që të dërgonte përforcime për betejën e Kadisijes. Umeri u përgjigj: "Unë ju kam dërguar 2000 burra: Amr bin Maadi Jakrib dhe Tulajha el-Asadi. Secili prej tyre llogaritet si një mijë. " Trimëria e Amr është regjistruar mirë dhe fakti që ai mori pjesë si komandant në 3 betejat më të mëdha në zgjerimin islam të hilafetit të Rashidunëve vetëm rrit konsideratën në të cilën ai mbahet. Amru ishte një nga komandantët në betejat e el-Kadisijes, Jarmukut dhe Nahavendit . Ekspertiza dhe strategjia e tij ushtarake ishte e rëndësishme në humbjen e persëve në el-Kadisije; kur ai dhe Tulajha përpiluan një plan për ta kthyer valën e betejës. Ai ishte një nga tre burrat që depërtoi në kampin persian gjatë natës dhe kapi një nga komandantët persanë nën hundët e persëve. Ai ishte një martir në betejën e Nahavendit, një betejë e cila ishte e rëndësishme në zgjerimin e muslimanëve në Iranin modern dhe konsolidimin e pranisë së tyre në Irak. Ai u përmend nga el-Hamdani në Gjeografinë e Gadishullit Arabik si një kalorës i guximshëm i Madhixhit të Jemenit.

Pasardhësit

Pasardhësit e drejtpërdrejtë të Amru janë shumë. Shumë fise të dalluara arabe kanë origjinë nga Amru dhe përfshinë El-Obaidi, El-Dulaim dhe El-Xhubur për të përmendur vetëm disa. Shumica e pasardhësve të Amru-it banojnë në Arabinë Saudite, Irakun dhe Sirinë . Numri i tyre është vlerësuar të kalojë 20 milionë dhe vendi i tyre në histori është i sigurt sepse fisit i Amru është i famshëm për nxjerrjen e shumë poetëve, luftëtarëve dhe sheikëve të shquar.