Behar Shtylla

Nga Wikipedia, enciklopedia e lirë
Jump to navigation Jump to search
Behar Shtylla
Ministër i Punëve të Jashtme
1 gusht 1953 – 16 mars 1966
Paraardhësi: Enver Hoxha
Pasardhësi: Nesti Nase
Kryetar i Kuvendit Popullor
14 janar 1969 – 19 nëntor 1970
Paraardhësi: Abdyl Këllezi
Pasardhësi: Fadil Paçrami
Të dhënat personale
Lindi më: 11 mars 1918
Lindi në: Shtyllë, Principata e Shqipërisë
Vdiq më: 8 dhjetor 1994
Vdiq në: Tiranë, Shqipëri
Kombësia: shqiptare
Profesioni: mësues
Grada shkencore: arsimtar
Partia politike: Partia Komuniste e Shqipërisë pas 1948 Partia e Punës e Shqipërisë

Behar Shtylla (Kolonjë, 11 mars 1918 - Tiranë, 8 dhjetor 1994) ka qenë arsimtar, nëpunës, deputet, diplomat dhe ministër i shtetit shqiptar.

Biografia[Redakto | Redakto nëpërmjet kodit]

U lind në Kolonjë, ndoqi liceun frëngKorçës. Më 13 qershor 1940 përfitoi nga një ndihmë e Këshillit të Ministrave për të studjuar në Romë. Në nëntor-dhjetor 1942 u caktua mësues i gjuhës frënge në liceun e Korçës.

Nga prilli i 1944 e deri prillin pasardhës qe sekretar i KANÇ-it për Korçën. Deri qershorin e 1945 qe sekretar i përgjithshëm i Ministrisë së Punëve të Brendshme. Më 1945 - 1946 qe sekretar i Sekretariatit të Frontit Demokratik. Më 1946 - 1947 sekretar i përgjithshëm i Ministrisë së Punëve të Jashtme dhe vitin pasardhës drejtor politik i dikasterit. Më 1954 - 1982 qe deputet.

Më 1952 - 1953 qe ministër i shtetit shqiptar në Romë. Më 1953 - 1966 qe ministër i Punëve të Jashtme. Më 1969 - 1970 qe kryetar i Kuvendit Popullor. Më 1966 - 1972 dhe 1979 - 1982 qe ndihmës i sekretarit të Komitetit Qendror të Partisë së Punës. Më 1972 - 1973 shef i sektorit të jashtëm po në Komitet, pjesë e të cilit qe nga 1961 deri më 1986.

Më 1973 - 1979 qe ambasador i Shqipërisë në Kinë dhe në vende të tjera afër saj si jorezident.

Vdiq në Tiranë më 8 dhjetor 1994.[1]

Referimet[Redakto | Redakto nëpërmjet kodit]

  1. ^ Dervishi, Kastriot (2012). Kryeministrat dhe ministrat e shtetit shqiptar në 100 vjet. Tiranë: 55. f. 230.  9789994356225. Mungon ose është bosh parametri |language= (Ndihmë!)