Feja në Bangladesh
Kombet e Bashkuara e kategorizojnë Bangladeshin si një vend të moderuar demokratik mysliman .
Feja në Bangladesh
Islami sunit është feja më e madhe dhe më dominuese e praktikuar në vend. Në Kushtetutën e Bangladeshit, Islami përmendet dy herë në hyrje dhe në pjesën I të kushtetutës. Dokumenti fillon me frazën islame Bismilahir Rahmanir Raheem (بِسْمِ اللهِ الرَّحْمٰنِ الرَّحِيْمِ) që në shqip përkthehet si "Në emër të Allahut, Mëshiruesit, Mëshirëbërësit" dhe neni (2A) deklaron se: "Islami është feja shtetërore e republika” (edhe pse u shtua më vonë).
Në Bangladesh, ekzistojnë katër fe kryesore; Islami, Hinduizmi, Budizmi dhe Krishterimi . Disa njerëz ndjekin gjithashtu fetë si Sikhizmi, Besimi Bahai, Sarnaizmi, Animizmi dhe disa fe të tjera. Islami është feja më e madhe në të gjitha rrethet e Bangladeshit.
Popullsia sipas fesë[Redakto | Redakto nëpërmjet kodit]
| Feja | Popullatë |
|---|---|
| Myslimanët | 150,360,405 |
| Hindusët | 13,130,110 |
| Budistët | 1,007,468 |
| Krishterët | 495,475 |
| Të tjerët | 198,190 |
| Totali | 169,828,921 |
Islami[Redakto | Redakto nëpërmjet kodit]
.jpg)
Popullsia myslimane në Bangladesh ishte mbi 150.36 milionë banorë sipas regjistrimit të vitit 2022 që i bën myslimanë, 91.04% e popullsisë në vend. Vlerësimi tregon se mbi 1 milion refugjatë myslimanë Rohingya jetojnë në Bangladesh, të cilët kanë ardhur këtu gjatë periudhës së masakrës (2016–17) në Mianmar. Më 28 shtator 2018, në Asamblenë e Përgjithshme të 73-të të Kombeve të Bashkuara, kryeministri i Bangladeshit Sheikh Hasina tha se tani në Bangladesh janë 1.1-1.3 milionë refugjatë Rohingya.
Kushtetuta e Bangladeshit e shpall Islamin si fe shtetërore . Bangladeshi është vendi i katërt më i madh i populluar nga myslimanët. Myslimanët janë komuniteti mbizotërues i vendit dhe ata përbëjnë shumicën e popullsisë në të tetë divizionet e Bangladeshit. Shumica dërrmuese e myslimanëve të Bangladeshit janë myslimanë bengali me 88 për qind, por një segment i vogël rreth 2 për qind e tyre janë myslimanë bihari dhe rohingya . Shumica e muslimanëve në Bangladesh janë sunitë, por ka një komunitet të vogël shiit .