Kad bi bio bijelo dugme
Kad bi' bio bijelo dugme (përkth. Nëse do të isha një kopsë e bardhë ) është albumi debutues i vitit 1974 nga grupi me ndikim jugosllav i rockut, Bijelo Dugme .
Albumi u rendit i 14-ti në listën e 100 albumeve më të mëdhenj jugosllavë të rockut dhe popit në librin e vitit 1998 YU 100: najbolji albumi jugoslovenske rok i pop muzike ( YU 100: Albumet më të mira të muzikës jugosllave pop dhe rock ). [1]
Regjistrimi[Redakto | Redakto nëpërmjet kodit]
Para publikimit të albumit, Bijelo Dugme pati sukses të madh me teket e tyre 7 inç . Shtëpia diskografike e grupit, Jugoton, synonte ta nxirrte albumin e parë të Bijelo Dugmes gjatë pranverës së vitit 1975, por menaxheri i grupit, Vladimir Mihaljek, arriti ti bindë drejtuesit e shtëpisë që ta publikonin albumin gjatë vjeshtës së vitit 1974. [2] Seancat e regjistrimit filluan më 2 tetor 1974 në mjediset e Akademik Studio në Lubjanë . [3] Albumi u prodhua nga vetë anëtarët e grupit, me ndihmën e producentit të Akademik Studios, Deço Žgur. [3] Albumi përmbante një version të ri të këngës së titulluar, të cilën grupi e kishte lëshuar fillimisht si një teke 7-inç në 1973, ndërsa ende performonte me emrin Jutro . [4]
Kopertina e albumit[Redakto | Redakto nëpërmjet kodit]
"Një djalë i ri erdhi në rrugë dhe më pyeti: 'A e njihni atë vajzën?', duke treguar një vajzë në një largësi të vogël. E pashë, duke njohur vajzën që kisha fotografuar për kopertinën. Ia bëra me dorë dhe djali menjëherë i shkoi, e qëlloi me shpullë, duke e quajtur baxhellë. E pyeta: "Pse?". Ai mu përgjigj se ajo i kishte thënë që ajo ishte vajza nga kopertina e albumit dhe ai donte vetëm të sigurohej nësë unë me të vërtetë e njihja atë. Pas kësaj, ata të dy u larguan si të mos kishte ndodhur asgjë..."
-Fotografi dhe dizenjuesi Dragan S. Stefanović për zhurmën e krijuar nga kopertina e albumit.[5]
Kopertina e albumit u dizenjua nga stilisti Dragan S. Stefanović, i cili do të vazhdonte të dizenjonte kopertina edhe për publikimet e ardhshme të grupit. [4] Katër dekada pas publikimit të albumit, u zbulua se emri i modeles ishte Ljiljana Božanić. [6]
Kritiku i rrokut Dražen Vrdoljak deklaroi në vitin 1981 se kopertina e albumit Kad bi bio bijelo dugme "përfaqësoi një ndryshim në konceptimin e kopertinave të albumeve vendase [jugosllave] rock, identike me ndryshimin që muzika e Bregoviqit bëri në skenën tonë rock". [5]
Lista e këngëve[Redakto | Redakto nëpërmjet kodit]
Të gjitha këngët janë shkruar nga Goran Bregoviq, përveç rasteve të shënuara.
| # | Titulli | Gjatësia |
|---|---|---|
| 1. | "Kad bi' bio bijelo dugme" ("Nëse do të isha një kopsë e bardhë") | 10:23 |
| 2. | "Blues za moju bivšu dragu" ("Blues për ish të dashurën time") | 6:23 |
| 3. | "Ne spavaj, mala moja, muzika dok svira" ("Mos fli, e vogla ime, ndërkohë që luhet muzika") | 2:30 |
| 4. | "Sve ću da ti dam, samo da zaigram" ("Do të të jap çdo gjë vetëm të kërcejmë") | 4:04 |
| 5. | "Selma" | 6:10 |
| 6. | "Patim, evo, deset dana" ("Vuaj,unë, që prej 10 ditësh") | 4:51 |
Pritja[Redakto | Redakto nëpërmjet kodit]
| Vlerësim Profesional | |
|---|---|
| Rezultati i vlerësimit | |
| Burimi | Vlerësimi |
| Džuboks | Favorable[7] |
Albumi u prit mirë nga publiku dhe kritika. [4] Në një përmbledhje të Džuboks, Maksa Ćatović shkroi:
Tingujt e shënuar mbi këtë regjistrim mund të thuhet me bindje se janë muzikë jugosllave pop. YU Grupa përfshinte motive folk dhe tani djemtë e Bijelo Dugmes po e bëjnë, me sa duket shumë më mirë dhe shumë më afër shijes së audiencës. Ne mund ta quanim këtë pa frikë edhe albumin e parë të rockut jugosllav.[7]
Hyrja e këngës hapëse të albumit u referua si "pastirski" (si bari) nga kritiku i rrokut Dražen Vrdoljak në rishikimin e tij të botuar më 30 nëntor 1974 në Studio . Disa javë më vonë, një shkrim për albumin në Tina përdori termin "pastirski rok" ( rok barinjsh ). Termi u përqafua shpejt nga një pjesë më e gjerë e publikut jugosllav dhe u përdor shpesh në mënyrë poshtëruese, për të përshkruar tingujt hard rock të Bijelo Dugmes të ndikuara nga Deep Purple dhe Led Zeppelin të përziera me elementët e muzikës popullore ballkanike . [5] [8] [9]
Hitet më të mëdha të albumit ishin titulli, hiti i ndikuar nga rock and roll "Ne spavaj, mala moja, muzika dok svira" dhe balada " Selma ". [4] Menjëherë pas publikimit të tij, albumi theu rekordin e mbajtur nga albumi debutues i YU Grupa, i cili u shit në më shumë se 30,000 kopje. [4] Në shkurt 1975, grupit iu dha një pllakë regjistrimi e artë në Festivalin e Opatijas, pasi ata shitën albumin e tyre debutues në më shumë se 40,000 kopje. [4] Numri përfundimtar i kopjeve të shitura ishte rreth 141,000. [4]
Trashëgimia[Redakto | Redakto nëpërmjet kodit]
Albumi u anketua në vitin 1998 si i 16-ti në listën e 100 albumeve më të mëdhenj të rock dhe pop jugosllav në librin YU 100: najbolji albumi jugoslovenske rok i pop muzike ( YU 100: Albumet më të mira të muzikës pop dhe rock jugosllave ). [1]
Kënga me titull u anketua në vitin 2000 si e 97-ta në listën e 100 këngëve më të mira të rock-ut jugosllav të të gjitha kohërave të Rock Express . [10]
Në vitin 2015 kopertina e albumit Kad bi bio bijelo dugme u rendit e 20-ta në listën e 100 kopertinave më të mira të albumeve të Rock-ut Jugosllav të botuar nga revista ueb Balkanrock. [11]
Referime[Redakto | Redakto nëpërmjet kodit]
- ^ a b Antonić, Duško; Štrbac, Danilo (1998). YU 100: najbolji albumi jugoslovenske pok i pop muzike. Belgrade: YU Rock Press.
{{cite book}}: Mungon ose është bosh parametri|language=(Ndihmë!) Gabim referencash: Invalid<ref>tag; name "yu100" defined multiple times with different content - ^ Vesić, Dušan (2014). Bijelo Dugme: Šta bi dao da si na mom mjestu. Belgrade: Laguna. fq. 57.
{{cite book}}: Mungon ose është bosh parametri|language=(Ndihmë!) - ^ a b Vesić, Dušan (2014). Bijelo Dugme: Šta bi dao da si na mom mjestu. Belgrade: Laguna. fq. 58.
{{cite book}}: Mungon ose është bosh parametri|language=(Ndihmë!) - ^ a b c d e f g Janjatović, Petar (2007). EX YU ROCK enciklopedija 1960–2006. Belgrade: self-released. fq. 32.
{{cite book}}: Mungon ose është bosh parametri|language=(Ndihmë!) Gabim referencash: Invalid<ref>tag; name "janjatović32" defined multiple times with different content - ^ a b c Krstulović, Zvonimir (2005). Bijelo Dugme: Doživjeti stotu. Profil. fq. 25.
{{cite book}}: Mungon ose është bosh parametri|language=(Ndihmë!) Gabim referencash: Invalid<ref>tag; name "krstulović" defined multiple times with different content - ^ Vesić, Dušan (2014). Bijelo Dugme: Šta bi dao da si na mom mjestu. Belgrade: Laguna. fq. 65.
{{cite book}}: Mungon ose është bosh parametri|language=(Ndihmë!) - ^ a b "Bijelo Dugme – Kad bi' bio bijelo dugme". Džuboks (në serbisht). Gornji Milanovac: Dečje novine (5 (second series)): 22.
- ^ Jurica Pavičić – "Bijelo dugme", Jutarnji list
- ^ "Bregovićevi uzori opet jašu". Muzika.hr. Arkivuar nga origjinali më 23 korrik 2011. Marrë më 25 prill 2011.
{{cite web}}: Mungon ose është bosh parametri|language=(Ndihmë!) - ^ "100 najboljih pesama svih vremena YU rocka". Rock Express (në serbisht). Belgrade (25): 27–28.
- ^ "100 najboljih omota YU rocka", Balkanrock.com