Kastriotët

Shtëpia e Kastriotëve
	; Emblema e Kastriotëve
Grupi etnik	Shqiptar;
Rajoni i tanishëm	Mat, Dibra
Informacione
Themelimi	shek. 14 dhe 15
Vendi i origjinës	Arbëria
Anëtarë të shquar	Konstandin Kastrioti; Pal Kastrioti; Gjon Kastrioti; Stanisha Kastrioti; Mamica Kastrioti; Hamza Kastrioti; Skënderbeu; Gjon Kastrioti II; Reposh Kastrioti;

Shtëpia e Kastriotëve ishte një familje fisnike shqiptare, aktive në shekujt 14-të dhe 15-të si sundimtarë të Principatës së Kastriotëve. Në fillim të shekullit të 15-të, familja kontrollonte ne fillim një territor në rajonin e Dibrës me vone dhe te Matit. Anëtari më i shquar ishte Gjergj Kastrioti, i njohur më mirë si Skënderbeu, i konsideruar sot si një hero shqiptar për udhëheqjen e rezistencës kundër përpjekjeve të Mehmed Pushtuesit për të zgjeruar Perandorinë Osmane në Shqipëri. Pas vdekjes së Skënderbeut dhe rënies së Principatës në 1468, familja Kastrioti i dha besnikërinë e saj Mbretërisë së Napolit dhe iu dha kontrolli mbi Dukatin e San Pietro në Galatinë dhe Kontenë Soleto, tani në provincën e Leçes, Itali. Ferrante (vdiq më 1561), i biri i Gjon Kastrioti II, Duka i Galatinës dhe Konti i Soletos, është paraardhësi i drejtpërdrejtë i të gjithë anëtarëve meshkuj të familjes Kastrioti sot. Sot familja përbëhet nga dy degë italiane, njëra në Leçe dhe tjetra në Napoli. Pasardhësit e Shtëpisë së Kastriotëve në Itali përdorin mbiemrin “Castriota Scanderbeg”.

Origjina

Për vendin e origjinës dhe veprimtarinë e Kastriotëve gjatë shekullit 15-të dihet pak. Prej familjeve shqiptare që emigruan në Itali, Kastriotët njihen edhe me mbiemrin Mazreku.^[1]

Sipas Barletit dhe Frangut prejardhjen e kishin nga viset e sotme të Matit. Sipas Muzakës, Pal Kastrioti kishte qenë pronar i dy fshatrave të Dibrës së Poshtme, Sinjës dhe Gardhit të Poshtëm, kurse i biri i tij Gjoni ka pasur në zotërim Matin. Kleriku shqiptar Frang Bardhi i cili jetoi në Shqipëri, në vitin 1636 botoi një vepër polemizuese ku i kushtoi rëndësi të veçantë origjinës së Kastriotëve. Sipas tij ata ishin nga Hasi i Prizrenit "se kështu është në pajtim të plotë mendimi i përgjithshëm i kombit tonë". Një vend-origjinë të ngjajshme sugjerojnë edhe një kronikë raguziane e vitit 1605 dhe një klerik boshnjak i fundit të shekullit të 15-të.^[2]

Trungu familjar

Kostandin Kastrioti Mazreku, Princi i Matit dhe Kastriotit
- Pal Kastrioti, Princi i Matit, Ujëmishtit dhe Kastriotit
  - Gjon Kastrioti, Princi i Krujës dhe Matit, martoi Vojsava Tripaldën
    - Reposh Kastrioti, Princi i Kastriotit, më pas murg
    - Mara Kastrioti, martoi Shtjefën Gjurashin, Princin e Zentës
      - Gjon Gjurashi, Princi i Zentës, martoi Vojsava Arianitin, më pas martoi Mara Kosaqën
        Gjergj Gjurashi, Princi i Zentës, martoi Jella Topinë
        
        Shtjefën II Gjurashi, Princi titullar i Zentës
        
        Stanish Gjurashi, më pas i quajtur "Skënder bej Gjurashi", Sanxhakbeu i Malit të Zi
      - Andrea Gjurashi, "trimi arbëror"
      - Bozhidar Gjurashi
    - Stanish Kastrioti
      - Hamza Kastrioti
    - Kostandin Kastrioti
    - Gjergj Kastrioti "Skënderbeu", Zoti i Arbërisë, heroi kombëtar shqiptar, martoi Andronika "Donika" Arianitin
      - Gjon II Kastrioti, Duka i San Pietros në Galatina, martoi Jerina Brankoviq-Palaiologun, bija e Lazar Brankoviqit
        Kostandin Kastrioti, Peshkopi i Isernias
        
        Ferdinand Kastrioti, Duka i San Pietros në Galatina, martoi Adriana Akuaviva-d'Aragonën
        Jerina Kastrioti, Dukesha e San Pietros në Galatina, martoi Pietro Antonio Sanseverinon, Princi i Bisinjanos
        Nikolo Bernandino Sanseverino, Princi i Bisinjanos, martoi Izabela dela Rovere, Princesha e Urbinos
        Francesko Teodoro Sanseverino, Konti i Kiaramontes, vdiq pa fëmijë
        
        Vitoria Sanseverino, martoi Ferranten e Kapuas, Duka i Termolit
        
        Maria Kastrioti, martoi Karlo Minutolon
        
        Gjergj (Giorgio) II Kastrioti
        
        Alfonso Kastrioti
    - Jella Kastrioti, martoi Pal Balshën
      - Gjergj Strez Balshaj, Princi i Mizisë, martoi Evdokia Balshën
        Gjergj Balshaj, martoi bijën e Muriq Shpatës
        
        Mara Balshaj
    - Angjelina Kastrioti, martoi Vladan Arianitin, Princi i Çermenikës
      - Muzakë Arianiti "i Angjelinës", Princi i Belshit, martoi Maria Muzakën
        Porfida Arianiti, martoi Giulio de Valignanon, Baron në Abruzo, 4 fëmijë
    - Vllajka Kastrioti, martoi Shtjefën Balshaj "Maramonten", Princi i Zentës
      - Gjon Balshaj, Princi i Mizisë, martoi Teodora Muzakën
      - Gojko Balshaj, Princi i Mizisë, martoi Komita Arianitin
        një bir i panjohur, vdiq në Hungari
        
        një bir i panjohur, vdiq në Hungari
        
        Maria Balshaj, martoi Giakomo Alfonso Ferillon, Konti i Muros, 2 fëmijë
    - Mamica Kastrioti, martoi Muzakë Topinë, Princi i Petrelës dhe Krrabës
      - Jella Topia, martoi Andrea Muzakën
        Gjin III Muzaka
      - Gjon Topia
      - Gjergj Topia
      - një vajzë e panjohur
      - dy djem të panjohur

Literatura

Anamali, Skënder; Prifti, Kristaq (2002). Historia e popullit shqiptar: vëllimi i parë. Tiranë: Toena. ISBN 9992716223.

Referime

^ Xhufi 2002, f. 313
^ Xhufi 2002, f. 313

Shiko edhe

[1] Xhufi 2002, f. 313

[2] Xhufi 2002, f. 313

[1]

[2]