Kategoritë IUCN

Nga Wikipedia, enciklopedia e lirë
Jump to navigation Jump to search
Logo e IUCN

Kategoritë IUCN janë kategori sipas të cilave janë klasifikuar zonat e mbrojtura nga ana e IUCN e që njihen edhe si kategori të menaxhimit të zonave të mbrojtura nga IUCN. Këto janë kategori të përdorura për të klasifikuar zonat e mbrojtura në një sistem të vetëm e që janë zhvilluar nga Bashkimi Ndërkombëtar për Ruajtjen e Natyrës (IUCN). [1] [2]

Regjistrimi i zonave të tilla është pjesë e një strategjie që përdoret për ruajtjen e mjedisit natyror dhe biodiversitetit në botë. IUCN ka zhvilluar sistemin e kategorive të menaxhimit të zonave të mbrojtura për të përcaktuar, regjistruar dhe klasifikuar gamën e gjerë të qëllimeve dhe shqetësimeve specifike kur kategorizoni zonat e mbrojtura dhe objektivat e tyre. Kjo metodë e kategorizimit njihet në shkallë globale nga qeveritë kombëtare dhe organet ndërkombëtare si Kombet e Bashkuara dhe Konventa për Diversitetin Biologjik. [3]

Kategoritë[Redakto | Redakto nëpërmjet kodit]

Kategoritë e Zonave të Mbrojtura IUCN
( IUCN Protected Area Categories )
Kategoria Përcaktimi Karakteristikat
Rezervat Strikt Natyral / Zonë e Natyrës së Egër
(Strict Nature Reserve / Wilderness Area)
Ia Rezervat Strikt Natyral Zonë e mbrojtur që synon kërkimin shkencor dhe monitorimin e mjedisit. [4]
Ib Zonë e Natyrës së Egër Zakonisht sipërfaqe e madhe toke ose deti që synon mbrojtjen e egërsisë së kafshëve dhe specieve bimore. [5]
Park Kombëtar
(National Park)
II Park Kombëtar Zonë e mbrojtur që synon mbrojtjen e një ekosistemi me mundësinë e përdorimit për qëllime rekreative. [6]
Monument Natyror
(Natural Monument or Feature)
III Monument Natyror Zonë e mbrojtur që synon ruajtjen e elementeve natyrorë specifikë të një vlere të veçantë natyrore. [7]
Zonë e Menaxhuar e Habitateve / Llojeve
(Habitat / Species Management Area)
IV Zonë e Menaxhimit të Habitateve /Llojeve Zonë e mbrojtur që i nënshtrohet ndërhyrjes aktive për qëllime menaxhimi, në mënyrë që të sigurojë mirëmbajtjen e habitateve dhe / ose të plotësojë kërkesat e specieve specifike. [8]
Peizazh i Mbrojtur Tokësor / Detar
(Protected Landscape / Seascape/Area)
V Peizazh i Mbrojtur Tokësor / Detar Zonë e mbrojtur që synon mbrojtjen dhe përdorimin e zonave, detare ose tokësore, në të cilat bashkëveprimet midis popullsisë dhe natyrës i kanë dhënë jetë, elementëve me vlerë të veçantë estetike, ekologjike dhe / ose kulturore. [9]
Zonë e Mbrojtur e Burimeve të Menaxhuara
(Managed Resources Protected Area)
VI Zonë e Mbrojtur e Burimeve të Menaxhuara Zonë e mbrojtur që synon përdorimin e qëndrueshëm të ekosistemeve natyrore, ku konservimi i biodiversitetit është i kombinuar me prodhimin e produkteve natyrore që mund të plotësojnë nevojat e popullatës lokale. [10]
Fonte: Guidelines for Applying Protected Area Management Categories

Shih edhe[Redakto | Redakto nëpërmjet kodit]

Referimet[Redakto | Redakto nëpërmjet kodit]

  1. ^ Francoise Burhenne-Guilmin (2011). Guidelines for Protected Areas Legislation (në anglisht). IUCN. f. 147. ISBN 9782831712451.
  2. ^ Mike J. Jeffries (2006). Biodiversity and conservation (në anglisht) (bot. 2nd)). Psychology Press. f. 191. ISBN 9780415342995.
  3. ^ IUCN Guidelines for Applying Protected Area Management Categories, Published 2 October 2008
  4. ^ Category Ia Strict Nature Reserve
  5. ^ IUCN Protected Area Categories System. IUCN.org (zuletzt abgerufen 10. Februar 2013) – dort der englische Originaltext.
  6. ^ Category II National Park Arkivuar 2014-04-07 tek Wayback Machine
  7. ^ Category III Natural Monument or Feature
  8. ^ Category IV Habitat/Species Management Area
  9. ^ Category V Protected Landscape/Seascape
  10. ^ Category VI Protected Area with sustainable use of natural resources

Lidhje të jashtme[Redakto | Redakto nëpërmjet kodit]