Kisha e Shën Premtes, Përmet

Nga Wikipedia, enciklopedia e lirë
Jump to navigation Jump to search
Disambig.svg Shih: Kisha e Shën Premtes (kthjellim).
Kisha e Shën Premtes (Përmet)
Kisha e Shën Premtes, Përmet 01.jpg
Kisha e Shën Premtes
Lloji Arkitekturë
Vendndodhja Përmet, Rrethi i Gjirokastrës, Shqipëri
Koordinatat 40°13′50″V 20°21′15″L / 40.2306°V 20.3541°L / 40.2306; 20.3541Koordinatat: 40°13′50″V 20°21′15″L / 40.2306°V 20.3541°L / 40.2306; 20.3541
Ndërtuar 1776
Stili arkitekturor Bizantine, bazilikatë e mbuluar me sistem qemeresh e kësulash sferike
Organi drejtues DRKK Gjirokastër
Emri zyrtar: Monument i trashëgimisë kulturore
Lloji Nën mbrojtje
Kriteret I
Përcaktuar Mnistria e Arsimit dhe Kulturës
Nr. i referencës PR015
Kisha e Shën Premtes, Përmet is located in Shqipëria
Kisha e Shën Premtes, Përmet
Kisha e Shën Premtes, Përmet në hartë

Kisha e Shen Premtes është një kishë në Përmet, Qarku Gjirokastër, Shqipëri. Ajo u u fut Listën e Monumenteve Kulturore të Shqipërisë në vitin 1963.[1] dhe është pjesë e listës zyrtare të monumenteve në Shqipëri, të mbrojtura nga shteti.

Histori dhe përshkrim[redakto | përpunoni burim]

Kisha u ndërtua në 1776 nga kryemjeshtri Ilia Kristo, dhe është e tipit "bazilikë", 22m e gjatë, 16 e gjerë, dhe 8m e lartë. Tërpo Zografi e pikturoi më 1808, ndërsa ikonostasi u gdhend nga Dhimitri, një mjeshtër shqiptar nga Konica.[2]

Kisha përbëhet nga narteksi, naosi, ambjenti i altarit dhe hajati. Narteksi ndodhet në anën perëndimore të kishës dhe është në një nivel më të lartë se naosi dhe komunikimi mes të dyjave bëhet nëpërmjet shkallës. Në narteks ka dritare që shohin në naos si dhe në anën perëndimore. Naosi ndahet në tre nefe nëpermjet dy arkadave që kanë secila nga tre kolona dhe një pilastër në anën lindore me prerje katrore. Mbi këto kolona dhe pilastra kalojnë harqe të tjera rrethore të ulëta, në drejtim veri-jug. Mbi këtë sistem harqesh ngrihet mbulesa me kësula sferike e pjesës qendrore të naosit. Hapsira e parë e naosit mbulohet me qemer cilindrik . Naosi ndriçohet nga dy dritare në anën jugore dhe një në anën veriore. Ambienti I altarit ndahet nga naosi nëpërmjet ikonostasit prej druri. Ai formohet nga bëma me absidë gjysëm rrethore, protezisi dhe diakonikoni. Këto kanë të njëjtën ndërtim, dy nike rrethore në anën lindore dhe nga një tjeter në muret anësore. Ndriçimi i ambjentit të altarit bëhet nga dritarja e absidës, një tjetër mbi absidë dhe dy dritare në pjesën e sipërme të protezisit dhe diakonikonit. Hajati ndodhet në anën veriore. Është një portik i hapur me arkadë mbi kolona rrethorësh guri. Ai mbulohet me qemer cilindrik duke pasur dy harqe tërthore në pjesën hyrëse për në kishë.[3]

Referencat[redakto | përpunoni burim]

  1. ^ "Religious buildings with the "Culture Monument" status". Republic of Albania National Committee for Cult. Arkivuar nga origjinali më July 6, 2011. Marrë më October 28, 2010. 
  2. ^ 19 korrik 2017 Koha Jonë, Kisha e Shën Premtes në Përmet, një atraksion për turistët
  3. ^ "Map - IMK WebGIS". imk.gov.al. IMK. Marrë më 13 tetor 2016.