Nihal Sarin
 Sarin më 2023 | |
| Personal information | |
|---|---|
| Lindi | 13 korrik 2004 (22 vjeç) Thrissur, Kerala, India |
| Chess career | |
| Vendi | India |
| Titulli | Mjeshtër i madh (2018) |
| Vlerësimi | 2716 (janar 2026) |
| Vlerësimi më i lartë | 2716 (janar 2026) |
| Renditja | Nr. 25 (janar 2026) |
| Renditja më e lartë | Nr. 26 (janar 2026) |
Nihal Sarin (lindi më 13 korrik 2004) është një mjeshtër i madh shahu indian. Në vitin 2018, ai kaloi vlerësimin prej 2600 në moshën 14 vjeç, gjë që në atë kohë e bëri atë lojtarin e tretë më të ri në histori që e bën këtë.[1]
Si lojtar juniore, Nihal ishte kampion botëror nën 10 vjeç në vitin 2014[2] dhe u rendit i dyti në kampionatin botëror nën 12 vjeç në vitin 2015.[3] Nihal fitoi Medaljen e Artë si pjesë e ekipit indian në FIDE Olimpiadën Online të Shahut 2020.[4] Ai fitoi Kampionatin Botëror të të Rinjve U-18 të mbajtur online në formatin rapid në vitin 2020.[5]
Fëmijëria e hershme
[Redakto | Redakto nëpërmjet kodit]Nihal ka lindur më 13 korrik 2004 në Thrissur, Kerala, Indi. Sarin Abdulsalam, babai i Nihalit, është dermatolog ndërsa nëna e tij, Shijin Ammanam Veetil Ummar, është psikiatre. Ai ka një motër më të vogël, Neha. Familja e tij i kaloi vitet e para në Kottayam.
Ai mund të njihte kryeqytetet dhe flamujt e 190 vendeve deri në moshën tre vjeçare. Në të njëjtën moshë, ai gjithashtu kishte arritur të njihte dhe të recitonte nga kujtesa emrat shkencorë të insekteve dhe bimëve.[6] Në kohën kur ishte në kopshtin e lartë, ai fliste rrjedhshëm anglisht, dhe në moshën gjashtë vjeç, sapo ishte regjistruar në klasën e parë, ai i dinte të gjitha tabelat e shumëzimit deri në të gjashtëmbëdhjetën.[7]
Nihal filloi të mësonte shah në moshën gjashtë vjeçare. Në mënyrë që djali i tij të mos ndihej i mërzitur gjatë pushimeve të shkollës, babai i tij prezantoi Nihalin me një set shahu dhe gjyshi i tij A. A. Ummar i mësoi rregullat në Kottayam, ku ai ishte student i Shkollës Angleze Excelsior. Trajneri i parë i Nihalit ishte Mathew Joseph Pottoore, trajneri i shahut i shkollës i cili e udhëzoi atë dy herë në javë në fillim dhe më pas i dha Sarin klasa të veçanta individuale.
Në vitin 2011, Nihal dhe familja e tij u kthyen në Thrissur ku Nihal iu bashkua Devamatha CMI Public School.[8]
Referime
[Redakto | Redakto nëpërmjet kodit]- ↑ "Nihal Sarin becomes third youngest 2600+ in the world – All India Chess Federation". aicf.in (në anglisht). Marrë më 9 janar 2023.
- ↑ "World Youth Chess Championships 2014". Chess-Results.com (në anglisht). Marrë më 2017-01-16.
- ↑ "World Youth Ch 2015 – Open under 12". Chess-Results.com (në anglisht). Marrë më 2017-01-16.
- ↑ "India, Russia announced joint winners of Chess Olympiad after controversial finish". The Indian Express (në anglisht). 2020-08-31. Marrë më 2021-01-20.
- ↑ "Nihal Sarin, Rakshitta Ravi and D Gukesh win gold medals at Online World Youth and Cadet Rapid Chess Championships". Firstpost (në anglisht). 2020-12-23. Marrë më 2021-01-20.
- ↑ P, Jinoy Jose (11 janar 2019). "He's got the moves". @businessline (në anglisht). Marrë më 2019-01-16.
- ↑ "When chess becomes a language..." chessbase.in (në anglisht). dhjetor 2015. Marrë më 2017-01-16.
- ↑ MV, Vijesh. "Nihal, Kerala's 'Little Master' | Chess News – Times of India". The Times of India (në anglisht). Marrë më 17 dhjetor 2022.
Lidhje të jashtne
[Redakto | Redakto nëpërmjet kodit]- Nihal Sarin kartë vlerësimi në FIDE
- Nihal Sarin profili i lojtarit në Chess.com