Subashi

Nga Wikipedia, enciklopedia e lirë

Subashi ka qenë funksionar ushtarak osman, komandant në një kaza, qytet ose nahije. Mbante rendin e qetësinë aty ku kryente detyrën dhe në kohë lufte merrte pjesë me repartin e tij në veprime luftarake. Më 1438 Skënderbeu ishte subash i vilajetit të Krujës. Në shek. XV subashi varej nga sanxhakbeu. Në shek. XVI subashët u shndërruan në funksionarë administrativë, kryesisht nëpër feudet ushtarake dhe në çifligje, si përfaqësues të pronarëve të tyre. Subashë të tillë janë të përmendur për grabitjet e mëdha të të ardhurave mbi sasinë e caktuar të detyrimeve.

Më pas pati kuptimin "kryetar i fshatit", saktësisht: mbikëqyrës i ujit. Ky titull, vonë iu dha edhe fshatarëve të pasur të fushës, kryesisht në Myzeqe.[1]

Referime[Redakto | Redakto nëpërmjet kodit]

  1. ^ Vlora, Eqrem bej (2003). Kujtime 1885-1925 [Lebenserinnerungen]. Përkthyer nga Afrim Koçi. Tiranë: IDK. fq. 564. ISBN 99927-780-6-7. {{cite book}}: Mungon ose është bosh parametri |language= (Ndihmë!)