Rosela Gjylbegu

Nga Wikipedia, enciklopedia e lirë
Shko te: navigacion, kërko
Rosela Gjylbegu
Rosela roma 1.jpg
Rosela Gjylbegu gjatë një sesioni fotografimi në Romë, mars 2010
Informacione
Emri Rosela Gjylbegu
Lindja 13 Mars 1987 (27 vjeçare)
Prejardhja Shkodër, Shqipëri
Profesion(e) Këngëtare
Vite aktiv 1999–prezent
Webfaqja
Faqe adhuruesish në Facebook

Rosela Gjylbegu (e lindur më 13 mars 1987Shkodër, Shqipëri) është këngëtare shqiptare.[1]

Biografia[redakto | redakto tekstin burimor]

Rosela ka diplomuar në vitin 2005 për gjuhë anglezeShkollën e Mesme Pedagogjike “Gjuhët e Huaja” në Shkodër dhe ka përfunduar studimet e larta për psikologjiFakultetin e Shkencave Sociale pranë Universitetit të Tiranës prej kur edhe jeton në Tiranë.[1] Rosela studion për master në fushën e të drejtave gjinore[2][3] dhe nga viti 2009[4] punon në Zyren për Marrëdhënie me PublikunKuvendit të Shqipërisë në fushën e barazisë gjinore.[5] Është admiruese e baletit dhe sporteve të ndryshme.[6]

Që në fëmijëri ka marrë pjesë në aktivitete të ndryshme shkollore, duke vijuar me pjesëmarrjen e saj ne festivalet e fëmijëve në Shkodër si koriste, e më pas edhe si soliste. Megjithëse e pasionuar pas baletit gjatë shkollimit dhe pjesë e trupës së baletit aty, karrierën muzikore e fillon rastësisht në moshën njëmbëdhjetë-vjeçare kur në një manifestim zëvendëson shoqen që mungon dhe këndon këngën “Without You” nga Maraja Keri (Mariah Carey).[7] Interpretimi i saj i bie në sy mësueses e cila e sjell në “Qendrën Kulturore të Fëmijëve”.[4] Në vitin 1999 vlerësohet me çmimin e dytë, në një trio të kompozuar nga Jetmir Barbullushi me titull “Të Europës jemi ne”. Gjatë kësaj periudhe është aktivizuar në aktivitete të ndryshme të qytetit të Shkodrës dhe aktivitete shkollore.[1]

“Ethet”[redakto | redakto tekstin burimor]

Me gjithë pjesëmarrjen në konkurse të ndryshme,[4] vetëm në vitin 2003 Roselës i jepet një mundësi e mirë për të shfaqur talentin e saj: pjesëmarrja në Ethet e së premtes mbrëma (ose Krasta Show), spektakël që në një mënyrë i ndryshoi jetën dhe i dha mundësi të madhe për të treguar vlerat dhe talentin vokal. Vlerësohet e treta në këtë spektakël dhe menjëherë bëhet e njohur duke fituar kështu simpatinë e publikut.[1]

Festivalet e këngës[redakto | redakto tekstin burimor]

Rosela Gjylbegu
Rosela duke interpretuar këngën fituese
“Kënga Magjike” 2009

Festivali i Këngës në RTSH[redakto | redakto tekstin burimor]

Menjëherë pas “Etheve”, Rosela shfaqet në Festivalin 42-të të Këngës në RTSH në dhjetor të 2003-tës me këngën “Hirushja” (me tekst të Pandi Laços, orkestrim të Shpëtim Saraçit dhe kompozuar nga Endri Sina) dhe vlerësohet me çmim të tretë. Më pas, në vitin 2004 merr pjesë në festivalin evropian të këngës Eurovision Song Contest si vokaliste në prapavi (bek-vokal) bashkë me “etheistët” e tjerë, kur Shqipëria debutoi me Anjeza Shahinin.[1]

Në dhjetor të 2004-tës merr pjesë në Festivalin 43-të të Këngës në RTSH në duet me Arbër Arapin me këngën “Pëshpëritje zemrash”, e kompozuar nga Shpëtim Saraçi dhe tepër e pëlqyer nga publiku shqiptar. Ndërkohë merr pjesë në koncerte e aktivitete të rëndësishme në gjithë Shqipërinë.[1]

Në dhjetor të 2006-s merr pjesë në Festivalin e 45-të të Këngës në RTSH ku vlerësohet me çmimin e dytë, me këngën e Pirro Çakos “Pa ty, pa mua” me tekst të Agron Tufës dhe orkestrim të Shpëtim Saraçit.[1]

Në dhjetor të 2007-s merr pjesë në Festivalin e 46-të të Këngës në RTSH me këngën “Po lind një yll” me tekst të Jorgo Papingjit dhe kompozim të Sokol Marsit[citim i duhur] ku renditet e trembëdhjeta.

Bashkëpunimi i Roselës me Elizën vazhdon (shih sektorin vijues) edhe me këngën “Një tjetër jetë” (muzika nga Pirro Çako, teksti nga Ardit Gjebrea dhe orkestrimi nga Adrian Hila) të cilën ato së bashku me Pirro Çakon e interpretojnë në Festivalin e 48-të të këngës në RTSH”, në dhjetor 2009. Videoja zyrtare e kësaj kënge, i dyti për Roselën, pati premierën më 24 maj 2010 në SuperSonic TV.

Si e ftuar nderi në dhjetor të vitit 2011 merr pjesë në natën galaedicionit të 50-të të këtij festivali me këngën “Mesnatë”, një homazh për këngëtaren madhështore Vaçe Zela.

“Kënga Magjike”[redakto | redakto tekstin burimor]

edicionin e vitit 2007 të festivalit Kënga Magjike merr pjesë me këngën “Për ne të dy”[8] (me tekst the orkestrim nga Sokol Marsi)[citim i duhur] dhe fiton çmimin Magjia e Parë.[9]

edicionin e vitit 2008 të këtij festivali merr pjesë me këngën “Tjetra” (teksti Pandi Laço, kompozimi Darko Dimitrov) dhe fiton Çmimin Çesk Zadeja.[10]

Me duetin e saj me Eliza Hoxhën me titull “Rruga e zemrës” (me tekst të Eliza Hoxhës dhe kompozim të Darko Dimitrovit), Rosela fiton çmimin e parë dhe “Çmimin Çesk Zadeja”edicionin e vitit 2009 të festivalit “Kënga Magjike”.[11][12] Në janar 2010 dy këngëtaret xhiruan videoklipin e kësaj kënge në Prishtinë, që do të bëhej video e parë për Roselën.

Edhe pse nuk merr pjesë si konkurrente në edicionin e vitit 2010“Këngës Magjike” për shkak të angazhimeve tjera, si fituese në fuqi, Rosela me Elizën hapin natën finale të këtij edicioni më 20 nëntor. Përveç kësaj, ato shoqëruan edhe komedianin Agron Llakaj, përkrah Shpëtim Saraçit në piano, në interpretimin “Dialog me këngët e dashurisë”, duke përmbledhur hitet e Ardit Gjebresë nëpër kohë.

Në vitin 2011 Rosela merr pjesë për të katërtën herë te Kënga Magjike me këngën “Sikur të isha ti” (muzika dhe orkestrimi nga Darko Dimitrov dhe teksti nga Big Basta) duke fituar çmimin e tekstit më të mirë (“Best Lyrics”) dhe duke u renditur e pesta në klasifikimin final. Kënga “Sikur të isha ti” renditet në vendin e parë te Albania Top 5Radio+ FM për pesë javë radhazi.

“Këngët e Shekullit”[redakto | redakto tekstin burimor]

Edicioni III. (2010 ‒ 2011)[redakto | redakto tekstin burimor]

Në vitin 2010 Rosela ftohet të bëhet pjesë e edicionit të tretë të spektaklit të përjavshëm Këngët e ShekullitTV Klan. Ky spektakël që filloi më 16 tetor 2010, zgjati për dymbëdhjetë javë, përgjatë Krishtlindjeve, dhe përfundoi në natën e Vitit të Ri 2011, solli dhjetë nga këngëtarët më të mirë me njëqind nga këngët më të mira të muzikës popullore shqiptare. Si pjesëmarrësja më e re dhe një nga tre këngëtarë nga Shkodra, Rosela interpretoi përkrah veteranëve Merita Halili, Ramadan Krasniqi, Frederik Ndoci, Stefi e Endri Prifti, Eranda Libohova, Irini Qirjako, Selami Kolonja, Maya, Bujar Qamili, etj. Për shkak të angazhimeve në këtë spektakël ajo nuk mori pjesë në festivalet tjera.[13][14]

Këngët që Rosela interpretoi këtu çdo javë, sipas radhës së paraqitjeve janë: “Kur më del në derë”, “S’ka ma të bukur se pranvera”, “Ku po shkon me ato dimi?”, “Djalë i dashtun”, “Sa të kam dashtë unë ty”, “O zambak i bardhë”, “O moj e vogël sa të du”, “Të dinja të vogël”, “Xhamadani kuq si gjaku”, “Këndon gjeli” (duet virtual me Xhavit Xhepën), “Kur më vjen burri nga stani”, “Për mu paska kenë kismet” dhe “Kur perëndon dielli” (e njohur edhe si “Po t’jemi bashkë ne të dy”; duet me Bujar Qamilin).

Si artistja më e re e spektaklit, Roselës i jepet privilegji që recitali i saj, i quajtur edhe “Rosela dhe miqtë”, të bëhet mbrëmja hapëse e pjesës së dytë njëmbëdhjetë-javëshe të këtij edicioni, në një format të ri me fillim më 15 janar 2011. Biletat për këtë mbrëmje u dhanë falas.

Përveçse solli të gjitha këngët e saj nga viti i kaluar, këtë herë ajo interpretoi edhe një kolazh me këngët e artistëve të tjerë të spektaklit, shoqëruar nga orkestra (që përfshiu këngët “I yti qeshë dhe jam” (Selami Kolonja), “Gjitonen që kisha pranë” (Maya), “O bilbil ore këngëtar” (Eranda Libohova), “Ti në kumull, unë në kumull” (Bujar Qamili)), këngën “Serenatë për nusen” në duet me Sidrit Bejlerin, dhe një duet shumë emocional me babain e saj, Myfit Gjylbegun, në këngën “Karafilat që ka Shkodra”.

Ajo riinterpretoi edhe “Po t’jemi bashkë ne të dy”, këtë herë me Pirro Çakon, dhe “Kur më vjen burri nga stani”, këtë herë me elemente humoristike në një bashkëpunim me tre tenorët e zbuluar në edicionin e tretë të shout Gjeniu i vogël të vitit 2010: Tedi Paçrami, Kledi Mahmutaj dhe Riad Bashi.

Përveç këngëve, një xhirim i stilit “kamerë e fshehtë” shfaqi Roselën në prapaskenat e edicionit 2010.

Edicioni IV. (2011 ‒ 2012)[redakto | redakto tekstin burimor]

Me fillim më 22 tetor 2011 e deri më 2 janar 2012, Rosela merr pjesë në edicionin e katërt të programit të TV Klan-it dedikuar këngëve të huaja më të bukura të shekullit.[15] Aty spikasin duetet e saj “I don't wanna talk about it” (me Redon Makashin), “Corazon Espinado” (me Altin Gocin), “I want to spend my lifetime loving you” (me Frederik Ndocin), “Mina Medley” (me Eliza Hoxhën) dhe “Empire state of mind” (me Big Basta). Përveç dueteve Rosela paraqitet edhe me superhitet si “Historia de un amor”, “Addicted to love”, “What a feeling”, “Ne me quitte pas”, “Gli uomini/Almeno tu nell' universo” dhe “O Happy Day”, duke kënduar në anglisht, frëngjisht dhe italisht.

Aktrimi dhe aktivitet tjera[redakto | redakto tekstin burimor]

Në vitin 2004 Rosela merr pjesë në mjuziklin Notre-Dame de Paris ku bashkëpunon me emra shumë të njohur të muzikës shqiptare.[1] Këtu ajo luan rolin e Fleur-de-Lys[citim i duhur] dhe interpreton këngën e saj “Ces diamants-là” (Këta diamantë këtu) në duet me Arbër Arapin, i cili luan rolin e Phoebus.

Në dhjetor 2009, ajo paraqitet në videon e këngës “S’të fal” nga Kthjellu dhe Flori kushtuar Dritan Hoxhës,[citim i duhur] themeluesit të Top Medias”, i cili vdiq tragjikisht në një aksident në vitin 2008.

Më 5 dhjetor 2010 Rosela ka aktruar në komedinë Apartamenti 2XL si mysafire rasti në episodin e dhjetë të sezonit të dytë në Vizion +”.

Rosela së bashku me humoristin Julian Deda ka prezentuar edicionin e 50. të Festivalit mbarëkombëtar të këngës për fëmijë të mbajtur në Shkodër në korrik të vitit 2012.

Videot[redakto | redakto tekstin burimor]

Rosela ka xhiruar pesë video për këngët: “Pëshpëritje zemrash”, “Rruga e zemrës”, “Një tjetër jetë”, “Formula e lumturisë” dhe “Pafundësi”.

Diskografia dhe repertori[redakto | redakto tekstin burimor]

Rosela nuk ka të publikuar ndonjë album. Tabela në vazhdim përmbledhë interpretimet të saj (përfshirë edhe të lartpërmendurat), në radhitje alfabetike sipas titullit (shtylla tjera gjithashtu mund të radhiten):

Titulli i këngës Viti Gjuha Artistët bashkëpunëtorë Rasti ose komentet Ref.
“Addicted to love” 2011 Anglisht “Këngët e Shekullit” (edicioni IV.)
“Ancora” 2010 Italisht E diela shqiptare
“Another Dream, Another Day” Anglisht [16]
“Aserejé” Spanjisht [16]
“Atdheut” 2009 Shqip Myfarete Laze, Sidrit Bejleri, Bashkim Alibali, Sabahet Vishnja, Ervin Bushati, Dorina Garuci Përvjetori i parë i PavarësisëKosovës
“Botë memece” Shqip “Festivali i 46-të i Këngës në RTSH” (?) [17]
“Caruso” 2012 Italisht “A Show”
“Ces diamants-là” 2004 Frëngjisht Arbër Arapi “Notre-Damme de Paris”, mjuzikli
“Corazón espinado” 2011 Anglisht, Spanjisht Altin Goci “Këngët e Shekullit” (edicioni IV.)
“Cuore matto” Italisht [16]
“Diferenca je ti” 2010 Shqip Pirro Çako “E diela shqiptare”
“Djalë i dashtun” 2010 Shqip “Këngët e Shekullit” (edicioni III.) (java 4)
Orkestrimi nga Roland Guli
“Donna con te” Italisht [16]
“E duam lumturinë” 2010 Shqip “E diela shqiptare”
“E ritorno da te” Italisht [16]
“Egoist” 2009 Shqip Kompozuar nga Darko Dimitrov [16]
“Empire State of Mind” 2011 Anglisht Big Basta “Këngët e Shekullit” (edicioni IV.)
“Endless Love” Anglisht ? [16]
“Festë në fshat” 2010 Shqip Histori me zhurmues
“Fëmijë” 2009 Shqip [16]
“Formula e lumturisë” 2012 Shqip Sinan Vllasaliu [18]
“Gli uomini/Almeno tu nell’universo” 2011 Italisht “Këngët e Shekullit” (edicioni IV.)
“Grurë dhe këngë” 2010 Shqip “Histori me zhurmues”
“Hirushja” 2003 Shqip “Festivali i 42-të i Këngës në RTSH” [16]
“Historia de un Amor” 2011 Spanjisht “Këngët e Shekullit” (edicioni IV.)
“How Do I Live” 2011 Anglisht TV Koha
“I Don’t Wanna Talk About It” 2011 Anglisht Redon Makashi “Këngët e Shekullit” (edicioni IV.)
“I Want to Spend My Lifetime Loving You” 2011 Anglisht Frederik Ndoci “Këngët e Shekullit” (edicioni IV.)
“It’s Ranning Man” Anglisht [16]
“Jeta s’është lodër” Shqip [16]
“Karafilat që ka Shkodra” 2011 Shqip Myfit Gjylbegu “Këngët e Shekullit” (edicioni III.) (java 13)
“Këndon gjeli” 2010 Shqip Xhavit Xhepa (duet virtual) “Këngët e Shekullit” (edicioni III.) (java 9)
“Këputa një degë dafine” 2010 Shqip Renis Gjoka “Histori me zhurmues”
“Kolazh” 2011 Shqip Orkestra “Këngët e Shekullit” (edicioni III.) (java 13)
Përfshinë “I yti qeshë dhe jam”, “Gjitonen që kisha pranë”, “O bilbil ore këngëtar”, “Ti në kumull, unë në kumull”
“Ku po shkon me ato dimi?” 2010 Shqip “Këngët e Shekullit” (edicioni III.) (java 3)
“Kur më del në derë” 2010 Shqip “Këngët e Shekullit” (edicioni III.) (java 1)
“Kur më vjen burri nga stani” 2010 Shqip Tedi Paçrami, Kledi Mahmutaj, Riad Bashi “Këngët e Shekullit” (edicioni III.) (java 10)
“Këngët e Shekullit” (edicioni III.) (java 13)
“Kur perëndon dielli”
(ose “Po t’jemi bashkë ne të dy”)
2010 Shqip Bujar Qamili ose
Pirro Çako
“Këngët e Shekullit” (edicioni III.) (java 12)
nata e Vitit të Ri 2011
“Këngët e Shekullit” (edicioni III.) (java 13)
“La solitudine” Italisht [16]
“Lo sai” Italisht [16]
“Loçka jeme” 2011 Shqip Olta Boka “E diell” (“Fqinjët e lumtur”)
“Long Train Runnin’” English E Diell
“Lulebore” Shqip
“Lulet e majit” Shqip [16]
“Margjelo” 2009 Shqip “E diela shqiptare” [16]
“Me lule” Shqip
“Medley” Shqip, Frëngjisht, Rusisht, Greqisht, Italisht [19]
“Mesnatë” 2011 Shqip “Festivali i 50-të i Këngës në RTSH”
“Mina Medley” 2011 Anglisht Eliza Hoxha “Këngët e Shekullit” (edicioni IV.)
“Moj bubrrec” Shqip
“Ne me quitte pas” 2011 Frëngjisht “Këngët e Shekullit” (edicioni IV.)
“Një tjetër jetë” 2009 Shqip Eliza Hoxha, Pirro Çako “Festivali i 48-të i Këngës në RTSH”
“Non riesco a farti innamorare” 2009 Italisht “E Diell” [16]
“O Happy Day” 2011 Anglisht “Këngët e Shekullit” (edicioni IV.)
“O moj e vogël sa të du” 2010 Shqip “Këngët e Shekullit” (edicioni III.) (java 7)
“O zambak i bardhë” 2010 Shqip “Këngët e Shekullit” (edicioni III.) (java 6)
“Oh moj ti me sytë e zi” 2010 Shqip “E diela shqiptare”
“One More Time” Anglisht [16]
“Pa ty, pa mua” 2006 Shqip “Festivali i 45-të i Këngës në RTSH”
“Pafundësi” 2012 Shqip Teksti nga Zhaku, orkestrimi nga Kledi Bahiti
“Për mu paska kenë kismet” 2010 Shqip “Këngët e Shekullit” (edicioni III.) (java 11)
Krishtlindje
Krijuar nga Palok Kurti
“Për ne të dy” 2007 Shqip “Kënga Magjike” 2007 [8]
“Pëshpëritje zemrash” 2004 Shqip Arbër Arapi “Festivali i 43-të i Këngës në RTSH” [16]
“Po lind një yll” 2006 Shqip “Festivali i 46-të i Këngës në RTSH”
“Popullore shkodrane” Shqip [16]
“Potpuri tironse” Shqip
“Rainbow” 2011 Anglisht “E diela shqiptare”
“Rruga e zemrës” 2009 Shqip Eliza Hoxha “Kënga Magjike” 2009
“S’dua” Shqip [16]
“S’dua më të dashuroj” Shqip Teksti nga Adrian Hila [8]
“S’ka ma të bukur se pranvera” 2010 Shqip “Këngët e Shekullit” (edicioni III.) (java 2)
“Sa të kam dashtë unë ty” 2010 Shqip “Këngët e Shekullit” (edicioni III.) (java 5)
“Say No” Anglisht [16]
“Se biri yt unë jam” 2011 Shqip Dorina Garuci, Frederik Ndoci Zgjedhjet lokale, 2011
“Serenatë për nusen” 2011 Shqip Sidrit Bejleri “Këngët e Shekullit” (edicioni III.) (java 13)
“Si dukat i vogël je” Shqip [16]
“Sikur të isha ti” 2011 Shqip “Kënga Magjike” 2011
“Sonte” Shqip [16]
“Tell Him” 2003 Anglisht Vikena Kamenica
“Të dinja të vogël” 2010 Shqip “Këngët e Shekullit” (edicioni III.) (java 8)
“Thëllëzat që hedhin valle” Shqip
“Tjetra” 2008 Shqip “Kënga Magjike” 2008 [16]
“Tra te e il mare” 2003 Italisht Laura Pausini (duet virtual) “Ethet e së premtes mbrëma” (nata finale) [16]
“Vetëm një fjalë” Shqip [8]
“Viva la mamma” 2011 Italisht
“What a Feeling” 2011 Anglisht “Këngët e Shekullit” (edicioni IV.)
“Without You” 1998 Anglisht Olta Boka “E diell” (“Fqinjët e lumtur”)
“Xhamadani kuq si gjaku” 2010 Shqip “Këngët e Shekullit” (edicioni III.) (java 9)
“Zemrën e lamë peng” 2011 Shqip Olta Boka, Kamela Islamaj “E diell” (“Glamour Caffe”)
(gjithsej 89 interpretime të listuara)

Referencat[redakto | redakto tekstin burimor]

  1. ^ a b c d e f g h Biografia jozyrtare
  2. ^ PasditeTop-Channel (25 janar 2010; pjesa e tretë)
  3. ^ Intervistë në “Kosova Sot (2 tetor 2010)
  4. ^ a b c Takimi i pasditesTV Klan (16 nëntor 2010)
  5. ^ “Discover Tirana with Rosela Gjylbegu” (“Zbulo Tiranën me Rosela Gjylbegun”) në “Southeast Europe: People and Culture” (“Evropa Juglindore: Populli dhe kultura”)
  6. ^ Profili i Rosela GjylbegutPasditeTop Channel: Profil”YouTube
  7. ^ “Jam kundër vulgaritetit” (Intervista e Roselës për revistën Shqip)
  8. ^ a b c d Lista e këngëve sipas ShkodraMusic.com
  9. ^ FotografiFacebook.
  10. ^ FotografiFacebook.
  11. ^ Artikull lajmesh
  12. ^ “Kënga Magjike” 2009 on TV Klan (in Albanian)
  13. ^ IntervistëShkodraOnline.com (10 tetor 2010)
  14. ^ “Këngët e Shekullit, Edicioni III.”TV Klan
  15. ^ “Këngët e Shekullit, Edicioni IV.”TV Klan
  16. ^ a b c d e f g h i j k l m n o p q r s t u v w x y Repertori jozyrtar.
  17. ^ “Festivali i 46-të i Këngës në RTSH”Wikipedian spanjolle (spanjisht).
  18. ^ “Formula e lumturisë”Panorama.com.al (1 prill 2012)
  19. ^ “Medley” publikuar në faqen e adhuruesve të Roselës në Facebook.

Lidhje të jashtme[redakto | redakto tekstin burimor]

  1. Rosela Gjylbegu (faqe adhuruesish)Facebook.
  2. Rosela Gjylbegu (faqe komuniteti)Facebook (automatike; në anglisht).
  3. Rosela GjylbeguIMDb (në anglisht).
  4. Rosela GjylbeguReverbNation.com.
  5. Tekstet e këngëve të Rosela Gjylbegut në teksteSHQIP.com.
  6. Lista YouTube (playlist) e këngëve të Rosela Gjylbegut.
  7. Lista YouTube (playlist) e videove të Rosela Gjylbegut.
  8. Lista YouTube (playlist) e intervistave dhe paraqitjeve tjera të Rosela Gjylbegut.
  9. Web-faqe jozyrtare për Rosela Gjylbegun.