Ali Progri (lindur në Progër të Devollit, më 10 Tetor 1929) është një ndër themeluesit e Universitetit të Tiranës, drejtor historik për rreth 27 vjet i Politeknikumit të Tiranës, sot Harry Fultz dhe njohës i i teknikës mekanike. Profesor Aliu ka qenë pjesëmarrës aktiv në Luftën nacionalçlirimtare. Për këtë kontribut të tij, Kuvendi i Shqipërisë e dekoroi atë me Medaljen e Çlirimit e të Kujtimit.

Jeta

Ali Progri
Ali Progri
U lind më	10 tetor 1929 (95 vjeç); Devoll
Vdiq më	24 Mars 2009
Kombësia	Shqiptar
Edukimi	Universiteti i Kievit
Çmime	“Mësues i Merituar” “Nderi i kombit“

Pasi mbaroi shkollën e mesme, në vitet 1948-1953, ai do të ishte student në Institutin e Lartë Politeknik në Kiev. Pas kthimit në Shqipëri, rezultatet e larta do ta rreshtonin atë në një ndër themeluesit e Universitetit të Tiranës, i cili u krijua atë vit, për të marrë më pas dhe postin e Zëvendësdekanit të Fakultetit të Inxhinierisë. Falë përvojës në këtë fushë, profesor Aliu, siç e thërrisnin të gjithë, do të emërohej dhe Drejtor i Drejtorisë së Arsimit të mesëm profesional në Këshillin e Ministrave. Njeriu që njihte shumë mirë teknikën mekanike, emërohet nga Ministria e Industrisë kryeinxhinier në Uzinën e Traktorëve, që më pas u shndërrua dhe kombinat i Autotraktorëve. Por nga pjesa më e madhe e njerëzve, profesor Aliu do të mbahet mend nga shumë breza që kaluan nëpër bankat dhe auditorët e Politeknikumit “7 Nëntori”, në postin e drejtorit, institucion që ai e drejtoi për rreth 27 vjet, edhe sot e kësaj dite njëra nga vajzat e tij Silvana Beqaj (Progri) aktualisht drejtuese e gjimnazit me orientim gjuhësor “Asim Vokshi” në Tiranë vazhdon të ndjekë hapat e të atit me po të njëjtin përkushtim dhe seriozitet. Profesor Aliu mban titullin “Mësues i Merituar” dhe më pas iu akordua titulli “Nderi i Kombit” nga presidenti Bujar Nishani.

U nda nga jeta në 24 mars 2009 në moshën 80-vjeçare.

Referime

Shiko edhe