Atifete Jahjaga

Nga Wikipedia, enciklopedia e lirë
Shko te: navigacion, kërko
Atifete Jahjaga
Atifete Jahjaga
Presidente e Republikës së Kosovës
7 prill 2011 – aktiv
Paraardhësi: Fatmir Sejdiu
President i Republikës së Kosovës
10 shkurt 2006 – 27 shtator 2010
Paraardhësi: Ibrahim Rugova
Të dhënat personale


Atifete Jahjaga e lindur më 20 prill 1975 në Rashkoc, Gjakovë, është Presidenti i katërt dhe presidentja e parë femër e Republikës së Kosovës. Presidentja Jahjaga është liderja femër më e re në botë e zgjedhur në postin e Presidentes dhe po ashtu Presidentja e parë femër në historinë moderne të Ballkanit. Ajo ka shërbyer si zëvendës drejtoreshë e Policisë së Kosovës, duke mbajtur gradën e gjeneral majorit, grada më e lartë në mesin e grave në Evropën Juglindore.

Edukimi[redakto | redakto tekstin burimor]

Atifete Jahjaga ka përfunduar studimet në fakultetin juridik të Universitetit të Prishtinës në vitin 2000. Në vitet 2006-2007 ka ndjekur programe pasuniversitare për Menaxhment Policor dhe Ligjin Penal në universitetin e Leicester-it në Mbretërinë e Bashkuar. Po ashtu ka ndjekur programin pasuniversitar për Shkencën mbi Krimin, në Universitetin e Virginia-s në Shtetet e Bashkuara në vitin 2007. Presidentja Jahjaga ka ndjekur gjithashtu programe profesionale dhe hulumtuese në Qendrën Evropiane për studime të sigurisë “George C. Marshall” në Gjermani, Akademinë Kombëtare të FBI-së në SHBA dhe Ministrinë e Drejtësisë të SHBA.

Karriera në Polici[redakto | redakto tekstin burimor]

Zonja Jahjaga ka mbajtur postin e Zëvendës-Drejtores së Përgjithshme të Policisë së Kosovës që nga muaji shkurt i vitit 2009. Për një kohë të shkurtër ajo ushtroi edhe detyrën e drejtorit të përgjithshëm të Policisë së Kosovës.

Ajo ka qenë zyrtare e Policisë së Kosovës që nga themelimi në vitin 2000 dhe ka mbajtur poste me përgjegjësi, fillimisht në nivel rajonal e pastaj edhe në drejtorinë qendrore. Presidentja Jahjaga ka shërbyer në pozita të ndryshme në zbatimin e rendit dhe ligjit, në mes tjerash në njësinë e standardeve profesionale, atë të burimeve njerëzore, atë të personelit dhe departamentit të trajnimit, atë të administrimit dhe të policisë kufitare.

Presidente e Kosovës[redakto | redakto tekstin burimor]

Atifete Jahjaga.jpg

Më 6 prill 2011, ajo u shpall si kandidate konsensuale për Presidente të Kosovës nga Partia Demokratike e Kosovës, Lidhja Demokratike e Kosovës dhe Aleanca Kosova e Re, me mbështetjen edhe të Ambasadorit të Shteteve të Bashkuara Christopher Dell. Më 07 Prill 2011 në ora 19:20 pas votimit të parë në Parlamentin e Kosovës Atifete Jahjaga fitoi kundër kandidates Syzan Novobërdaliu dhe u zgjodhë si Femër e para Presidente e Kosovës duke tejkaluar ngërçin politik në të cilin kishte qenë politika kosovare pas zgjedhjes antikushtetuese të Presidentit Pacolli.

Kabineti Jahjaga[redakto | redakto tekstin burimor]

Kabineti i Presidentes Jahjaga është në përbërje të: Arbër Vllahiu në funksion të shefit të stafit, zëdhënësit dhe këshilltarit të lartë politik, Garentina Kraja në funksion të këshilltares për politikë të jashtme dhe siguri, Adrian Prenkaj në funksion të këshilltarit politik për integrim evropian, Selim Selimi në funksion të këshilltarit për çështje juridike, Dastid Pallaska në funskion të ekspertit të jashtëm për ndryshime kushtetuese (i angazhuar pro bono).

Lidhje të jashtme[redakto | redakto tekstin burimor]

Referenca[redakto | redakto tekstin burimor]


Emblema Presidentët e Kosovës

Ibrahim Rugova | Fatmir Sejdiu | Behgjet Pacolli | Atifete Jahjaga

Shiko stampa:SistemishtetrorKSH me variablen Kryetari.