Kryetari i Kosovës

Presidenti i Republikës së Kosovës
Stema presidenciale
Flamuri presidencial
Në detyrë Vjosa Osmani që nga 4 prill 2021
Statusi	Kreu i shtetit
Vendbanimi	S'ka
Selia	Prishtinë
Emërues	Kuvendi
Kohëzgjatja e detyrës	5 vjet Rinovohet një herë
Instrumenti konstituues	Kushtetuta e Kosovës
Mbajtësi inaugurues	Mehmed Hoxhaa Fadil Hoxhab Xhavid Nimanic Ibrahim Rugovad
Formacioni	1 janar 1944a 11 korrik1945b maj 1974c 25 janar 1992 (de jure)d 4 mars 2002 (de facto)d
Pagesa	2,873 euro në muaj
Faqja zyrtare	Faqja zyrtare
a. Si Kryetar i Komitetit të Çlirimit Popullor të KSA të Kosovës. b. Si Kryetar i Asamblesë së KSA të Kosovës. c. Si President i Presidencës së KSA të Kosovës. d. Si President i Kosovës.

Kryetari i Kosovës është institucion politik me rëndësi kryesisht simbolike në Kosovë. Kohëzgjatja e mandatit është pesë vjet dhe zgjedhja bëhet nga Kuvendi i Kosovës.

Kryetari i Kosovës është kreu i shtetit dhe përfaqësuesi kryesor i Kosovës brenda dhe jashtë vendit. Zgjedhet në mënyrë indirekte nga Kuvendi i Kosovës, me votim të fshehtë dhe duhet të marrë votat e dy të tretave të deputetëve. Nëse nuk merr votat e dy të tretave të deputetëve në dy raundet e para, në raudin e tretë zgjedhet me votat e gjysmës së deputetëve.

Historia e Presidencës

Artikulli kryesor: Historia e Presidencës së Kosovës.

Presidenti i parë i Kosovës ishte Ibrahim Rugova i zgjedhur në vitin 1992. Pas vdekjes së Rugovës, u zgjodh kryetar Fatmir Sejdiu me 10 shkurt 2006. Ndërsa është rizgjedhur në këtë post në janar të vitit 2008, me mandate pesëvjeçar. Sejdiu dha dorëheqje në vitin 2010 pasi gjykata kushtetuese konstatoi se kishte shkelur seriozisht kushtetuten e vendit.

Pas marrjes së postit të kryetarës më 6 prill 2011, presidentja Atifete Jahjaga formojë kabineti e parë të saj me përbërjen: Ibrahim Berisha në funksion të këshilltarit për arsim, shkencë dhe kulturë; Isa Mustafa në funksion të këshilltarit për ekonomi; Vjosa Osmani në funksionin e shefës së stafit të Presidentes së Republikës; Xhavit Beqiri në funksion të këshilltarit për media dhe në funksion të zëdhënsit; Naim Jerliu në funksion të këshilltarit politik; Shqipe Mjekiqi në funksinon të këshilltarës për Integrim Evropian; Korab R. Sejdiu në funksion të këshilltarit ligjor; Berim Ramosaj në funksion të këshilltarit për ekonomi; dhe Ilaz Pireva në funksion të këshilltarit politik për pushtet lokal.

Pas mbarimit të mandatit të Jahjagës, kryetar u zgjodh Hashim Thaçi. Ai fitoi me 71 vota në raundin e tretë pasi që në dy raundet e para nuk arriti të sigurojë dy të tretat e votave të deputetëve. Zgjedhja e tij u kundërshtua ashpër nga partitë opozitare të cilat dy herë radhazi ndërprenë seancën e kuvendit duke hedhur gaz lotsjellës. Në 5 nëntor 2020 dha dorëheqje për shkak të konfirmimit të aktakuzës nga Haga.

Lista e Kryetarëve

Kreu i Shtetit		Administrata		Partia
		Marrja	Lëshimi
President i Republikës së Kosovës 1992 - sot
Ibrahim Rugova		25 maj 1992	21 janar 2006	Lidhja Demokratike
Nexhat Daci (provizor)		21 janar 2006	10 shkurt 2006	Lidhja Demokratike
Fatmir Sejdiu		10 shkurt 2006	27 shtator 2010	Lidhja Demokratike
Jakup Krasniqi (provizor)		27 shtator 2010	22 shkurt 2011	Partia Demokratike
Behgjet Pacolli		22 shkurt 2011	4 prill 2011	Aleanca Kosova e Re
Jakup Krasniqi (provizor)		4 prill 2011	7 prill 2011	Partia Demokratike
Atifete Jahjaga		7 prill 2011	7 prill 2016	E pavarur
Hashim Thaçi		7 prill 2016	5 nëntor 2020	Partia Demokratike
Vjosa Osmani (provizor)		5 nëntor 2020	22 mars 2021	E pavarur
Glauk Konjufca (provizor)		22 mars 2021	4 prill 2021	LVV
Vjosa Osmani		4 prill 2021		E pavarur

Shih dhe

• Shpallja e Pavarësisë së Kosovës

Sistemi shtetrorë në Kosovë
Stema e shtetit	Deklarata Kushtetuta Republika e Kosovës SHPK TMK Gjykata Kuvendi Kryetari Qeveria Shërbimet Ibrahim Rugova ·Fatmir Sejdiu ·Behgjet Pacolli ·Atifete Jahjaga Kabinetet: