Qeveria e Kosovës

Qeveria e Kosovës

Faqja zyrtare	https://www.rks-gov.net

Ndërtesa e qeverisjes

Qeveria e Kosovës (serbisht: Влада Косова Vlada Kosova) ushtron pushtetin ekzekutiv në pajtim me Kushtetutën dhe me ligjin.

Qeverinë e Kosovës e përbëjnë Kryeministri, zëvendëskryeministrat dhe ministrat. Qeveria udhëhiqet nga Kryeministri/ja, ai ose ajo zgjidhet nga Kuvendi i Kosovës. Qeveria zbaton ligjet dhe aktet e tjera të miratuara nga Kuvendi i Kosovës dhe ushtron veprimtari tjera brenda përgjegjësive të përcaktuara me këtë Kushtetutë dhe me ligj.

Qeveria merr vendime në pajtim me këtë Kushtetutë dhe me ligje, propozon projektligje dhe amendamentimin e ligjeve ekzistuese e akteve të tjera, si dhe mund të japë mendimin rreth projektligjeve të cilat nuk janë të propozuara nga ajo. Qeveria, për punën e vet, i përgjigjet Kuvendit të Kosovës. Kryeministri, zëvendëskryeministrat dhe ministrat mbajnë bashkëpërgjegjësinë për vendimet që merr Qeveria, dhe përgjegjësinë individuale për vendimet që marrin në fushat e përgjegjësive të tyre.

Ministrat nominohen nga kryeministri dhe pastaj votohen nga kuvendi. Avdullah Hoti ishte Kryeministër aktual i Kosovës dhe udhëheqës i qeverisë. Avdullah Hoti u zgjodh më 3 qershorë 2020. Qeveria e tij përbëhet kryesisht nga shqiptarët, por gjithashtu ka ministra nga minoritetet e Kosovës, si boshnjakët, serbët dhe turqit.

Qeveria ka këto kompetenca

• propozon dhe zbaton politikën e brendshme dhe të jashtme të vendit;
• mundëson zhvillimin ekonomik të vendit;
• propozon Kuvendit projektligje dhe akte të tjera;
• merr vendime dhe nxjerr akte juridike ose rregullore, të nevojshme për zbatimin e ligjeve;
• propozon Buxhetin e Republikës së Kosovës;
• udhëzon dhe mbikëqyr punën e organeve të administratës;
• udhëzon veprimtarinë dhe zhvillimin e shërbimeve publike;
• i propozon Presidentit të Republikës së Kosovës emërimet dhe shkarkimet për shefa të misioneve diplomatike të Kosovës;
• propozon amendamentimin e Kushtetutës;
• mund të referojë çështje kushtetuese në Gjykatën Kushtetuese;
• ushtron edhe funksione të tjera ekzekutive, të cilat nuk u janë caktuar organeve të tjera qendrore ose vendore.

Përbërja e qeverisë

Kabineti i qeverisë përbëhet nga

Kryeministër Albin Kurti

Zëvendëskryeministër i parë Besnik Bislimi, Zëvendëskryeministër i dytë Donika Gërvalla, Zëvendëskryeministre e tretë Emilija Rexhepi

Ministritë dhe Ministrat e Republikës së Kosovës

Ministria e Punëve të Jashtme dhe Diasporës – Donika Gërvalla - Guxo

Ministria e Drejtësisë – Albulena Haxhiu - LVV

Ministria e Financave – Hekuran Murati - LVV

Ministria e Ekonomisë dhe Ambientit – Artane Rizvanolli - LVV

Ministria e Shëndetësisë – Arben Vitia - LVV

Ministria e Punëve të Brendshme – Xhelal Sveqla - LVV

Ministria e Mbrojtjes – Armend Mehaj LVV

Ministria e Infrastrukturës – Liburn Aliu - LVV

Ministria e Arsimit, Shkencës, Teknologjisë dhe Inovacionit – Arbërie Nagavci - LVV

Ministria e Bujqësisë, Pylltarisë dhe Zhvillimit Rural – Faton Peci - Guxo

Ministria për Kulturë, Rini dhe Sport – Hajrullah Çeku - LVV

Ministria për Kthim dhe Komunitete – Goran Rakiq - Lista Serbe

Ministria për Zhvillim Rajonal – Fikrim Damka ‐ PDTK

Ministria e Pushtetit Lokal – Elbert Krasniqi - IRDK

Ministria e Tregtisë dhe Industrisë – Rozeta Hajdari - LVV.

Shënime

Pavarësia e Republikës së Kosovës u shpall më 17 shkurt 2008, por Serbia vazhdon duke pretenduar se Kosova dhe Metohia është pjesë e saj. Të dyja shtete filluan një delegacion Beograd-Prishtinë në vitin 2013 si pjesë e marrëveshjes së Brukselit. Deri më tani 108 shtete të OKB-së që e kanë njohur Kosovën.

Shiko edhe

• Kuvendi i Kosovës
• Kushtetuta e Kosovës

Sistemi shtetrorë në Kosovë
Stema e shtetit	Deklarata Kushtetuta Republika e Kosovës SHPK TMK Gjykata Kuvendi Kryetari Qeveria Shërbimet Deklaruar më 17 shkurt 2007 Kushtëzuar më 15 Qershor 2008 Rupublika në fuqi nga 15 qershori 2008