Burimet e dritës

Drita është rrezatim elektromagnetik dhe është një formë energjie dhe si të gjitha energjitë, ajo prodhohet nga një burim. Në fizikë, këto quhen burime drite.

Llojet e burimeve të dritës

Një Xixëllonjë e llojit Photinus pyralis

Ka burime të panumërta drite, por të gjitha ato mund të kategorizohen në secilën nga dy kategoritë e mëposhtme:

• Burimet natyrore
• Burimet artificiale

Burimet natyrore

Universi është i mbushur me objekte që lëshojnë dritë. Një pjesë e dritës nga këto burime arrin në Tokë. Gjërat e mëposhtme në natyrë kanë aftësinë të lëshojnë dritë:

Dielli është burimi kryesor i dritës për Tokën. Dielli është një top i madh zjarri, në qendër të të cilit fuzioni bërthamor prodhon energji masive. Kjo energji del si nxehtësi dhe dritë. Drita nga dielli është një nga faktorët kryesorë të qëndrueshmërisë së jetës në tokë.

Çdo yll tjetër prodhon gjithashtu dritë, por vetëm një sasi e vogël ose aspak e saj arrin në Tokë për shkak të distancës së madhe.

Hëna siguron gjithashtu dritë, por ajo nuk mund të prodhojë dritë vetë. Drita që marrim nga hëna është drita e reflektuar prej saj nga dielli.

Disa organizma të gjallë kanë gjithashtu aftësinë për të prodhuar dritë. Ajo quhet biolumineshencë dhe është si pasojë e një efekti të disa reaksioneve kimike brenda organizmit. Xixëllonjat, kandili i detit, krimba shkëlqyes, disa bimë në det të thellë dhe mikroorganizma janë disa shembuj.

Disa dukuri të tjera natyrore si rrufetë dhe shpërthimet vullkanike gjithashtu lëshojnë dritë.

Llamba inkandeshente

Burimet artificiale

Përveç burimeve natyrore, drita mund të prodhohet edhe artificialisht. Burimet e ndryshme të dritës të prodhuara artificialisht mund të kategorizohen në tre kategori të gjera:

• Burimet inkandeshente
• Burimet lumineshente
• Burimet e shkarkimit të gazit

Burimet inkandeshente:

Kur objekte të caktuara nxehen në një temperaturë të lartë, ato fillojnë të lëshojnë dritë. Drita infra e kuqe dhe e dukshme prodhohet në proces. Si shembuj janë qiriu, llambë inkandeshente.

Burimet lumineshente:

Drita mund të prodhohet duke përshpejtuar ngarkesat në një material lumineshent. Një mënyrë e zakonshme për ta bërë këtë është kalimi i rrymës përmes materialit. Si shembuj janë: dritë fluoreshente, llambë elektrike.

Llamba neoni

Burimet e shkarkimit të gazit:

Kalimi i energjisë elektrike përmes gazeve të caktuara me presion shumë të ulët mund të prodhojë gjithashtu dritë. Si shembuj janë: llamba neoni llamba natriumi.