Emri i skenës

Emri i skenës, ndryshe emri skenik ose emri artistik është një nofkë që e përdorin performuesit, autorët, dhe njerëzit në fushën e argëtimit — si aktorët, këngëtarët, humoristët dhe muzikantët — në vend të emrit të tyre të vërtetë. Emrat e këtillë profesionalë mbërthehen nga këta persona për arsye të ndryshme, dhe mund t'i përngjajnë ose të jenë identikë me emrin e lindjes së tyre. Në raste të ndryshme të rralla, disa performues mund të vendosin ta adoptojnë emrin skenik si emrin e tyre ligjor.

Emrat e vajzërisë dhe nickname-at mund të përdoren ndonjëherë për këto qëllime.

Arsyetimet

Disa njerëz e marrin një emër të skenës meqë emri i tyre është shumë i vështirë të shqiptohet apo gërmëzohet; i bie konsideratave të shëndetit dhe sigurisë; konsiderohet jotërheqës, i mërzitshëm apo pa dashje qesharak; projekton një imazh të padashur; po përdoret nga një person tjetër i shquar, duke përfshirë emrat që nuk janë të njëjtë por ngjasojnë tepër saqë ngatërrohen. Për shembull është këngëtarja e pop-it Katy Perry, emri i vërtetë i së cilës është Katheryn "Katy" Hudson, që do ta kishte ngatërruar me aktoren Kate Hudson. Ndonjëherë e adopton performuesi/ja një emër skenik të pazakontë apo të çuditshëm për të tërhequr vëmendje. Performuesit e tjerë shfrytëzojnë emrat e skenës për ta mbajtur anonimitetin, siç është puna e yjeve pornografike, sidomos në rast të ndërrimit të karrierës. Koncepti ekuivalent mes shkrimtarëve quhet nom de plume (emri i penës).

Shembuj të mirënjohur

Emri skenik	Emri i lindjes	Jeta	Shquarësia	Shënime
Marilyn Monroe	Norma Jeane Mortenson	1926-1962	Aktore amerikane	Monroe e ndërroi emrin e saj skenik në atë ligjor në vitin 1956.
Gena	Briken Lito	1971-	Këngëtar shqiptar
Fifi	Filloreta Kaçi	1994-	Këngëtare kosovare
Gili	Fevzije Berani	1966–	Këngëtare kosovare
2pac	Tupac Shakur	1971-1996	Reper amerikan
Stresi	Arkimed Lushaj	1987-	Reper shqiptar
Bebe Rexha	Bleta Rexha	1989-	Këngëtare amerikane
Jennie	Jennie Kim	1996-	Këngëtare koreane
Rita Ora	Rita Sahatçiu	1990-	Këngëtare