Flutura Açka

Flutra Açka
Fotoporteti
Emri	Flutra
Mbiemri	Açka
Lindur më	1966
Lindur në	Elbasan
Kombësia	shqiptare
Shtetësia	shqiptare
Profesioni	shkrimtare, ekonomiste

Flutura Açka (Elbasan, 4 qershor 1966) është poete, shkrimtare dhe botuese shqiptare. Më 2021 u zgjodh nga Partia Demokratike për të kandiduar në zgjedhjet parlamentare dhe fitoi mandatin për të qenë deputete duke përfaqësuar Qarkun e Elbasanit.

Biografia

U lind më 4 qershor 1966 në Elbasan. U diplomua për Statistikë në Fakultetin e Ekonomisë të Universitetit të Tiranës më 1988 dhe për Gjuhë-Letërsi më 2001 në Universitetin e Elbasanit.

Pas studimeve universitare, punoi për disa vite si gazetare dhe redaktore e gazetës "Fjala e lirë" që botohej në Elbasan, dhe më tej si redaktore shtëpinë botuese "Onufri" për pesë vite.

Më 2001, bashkë me të shoqin e saj holandez, ngriti shtëpinë e saj botuese "Skanderbeg books" me qendër në Tiranë.

Vepra

Açka është bërë e njohur me poezinë e saj, botuar fillimisht gazetën elbasanase "Shkumbini". Më 1997 fitoi çmimin ndërkombëtar "Lira e Strugës" në Netët e Poezisë Strugane, ku e ka përfaqësuar poezinë shqipe për disa vite.

Në vitin 1998 u zgjodh ndër 13 poetët më të mirë evropianë të gjeneratës së re në konkursin për çmimin e madh Tivoli-Europa në Itali. Përfaqësohet me poezitë e saj në pjesën më të madhe të antologjive të poezisë shqipe në gjuhë të huaj dhe poezi dhe cikle të saj janë botuar në shumë gjuhë. Edhe proza e saj po tërheq gjithnjë e më shumë vëmendje, edhe jashtë vendit. Romani i saj Vetmi gruaje është përkthyer në gjuhën bullgare nga Viktor Genkov.

Botime

Poezi

• Tri vjeshta larg, Elbasan: Onufri, 1993;
• Mure vetmie, Elbasan: Onufri, 1995;
• Festë me ankthin, Elbasan: Onufri, 1997;
• Botuar në antologjinë Kënga e Anetuzës përzgjedhur nga Flora Brovina dhe Valentina Saraçini, Prishtinë: Buzuku, 1998;
• Kurth'i diellit, Tiranë: Skanderbeg, 2003;
• Zbathur, Tiranë: Toena, 2007;
• Lutje dimri, Tiranë: Toena, 2008;
• Ftesë për flirt, Tiranë: Skanderbeg, 2015;

Prozë

• Vetmi gruaje, Tiranё: Skanderbeg, 2001 - roman; përkthyer në bullgarisht nga Viktor Genkov: Самотата на една жена (2007);

• Kryqi i harresës, Tiranë: Skanderbeg, 2003;
• Hiri, Tiranë: Skanderbeg, 2006;
• Ku je?, 2009;
• Kukullat nuk kanë Atdhe, Tiranë, 2013;
• Të ftuar në rrethin e dhjetë, 2017;
• Biri, 2020;