Gjuhadoli

Nga Wikipedia, enciklopedia e lirë
Jump to navigation Jump to search
Pamje nga Gjuhadoli

Gjuhadoli është një ndër lagjet historike të qytetit të Shkodrës.

Historia[Redakto | Redakto nëpërmjet kodit]

Sipas studiuesit Willy Kamsi mikrotoponimi vjen prej Gluho dol ─ prrue i shurdhët, mbetje kjo me prejardhje sllave qysh nga Mesjeta[1]. Emri del për herë të parë në dokumentet e shkruara në vitin 1371 në trajtën Gluchidol, më 1446 Glucodol, Cluchidol, Gluchida Gluchido... Gluchidoch më 1444[2].

Sipas shënimeve historike të Gjush Sheldisë përmendet herët në analet e historisë, fillimisht si një fushë pjellore. Më 1610 Regesti i Venedikut shkruan se kur kërkonte me thanë meshë në Rrëmaj, përshkohej nëpër fushën pjellore të Gjuhadolit ("Passava per la fertile compagna di Glucadoli"). Me kalimin e viteve, duket se nga fushë pjellore, Gjuhadoli kthehet në një lagje të qytetit të Shkodrës dhe nga të parat shtëpi që ndërtohen aty është ajo e Gurakuqve më 1820[3], e cila megjithëse e cilësuar si monument kulture dhe njëherit shtëpi-muze gjatë periudhës së regjimit komunist, u shkatërrua pas rënies së komunizmit. Sërish duke ìu referuar shënimeve të Sheldisë mësojmë se rreth vitit 1857 Gjuhadoli merr formën e një lagjeje, madje duke u shënuar ndër të rejat e qytetit, përveç atyre që ndodheshin rrotull kalasë. Më 1875 themelohet Kuvendi Françeskan në këtë lagje.

Ne vitin 1923, Gjuhadoli përmendet nga autoritetet si një ndër 30 lagjet që kishte qyteti i Shkodrës[4].

Biblioteka "Gjergj Fishta" në Kuvendin Françeskan, Gjuhadol, Shkodër

Burime[Redakto | Redakto nëpërmjet kodit]

  1. ^ Kamsi W., Shkodra, kryeqyteti historik i Shqipnisë, Art & Trashëgimi, 2012.
  2. ^ Stefa Missagli Gj., Oazi i artë i Gjuhadolit, Shkodër: Gjergj Fishta, 2011. fq. 9.
  3. ^ Çefa K., Luigj Gurakuqi në një optikë të re, Instituti i Historisë, Prishtinë, 2011.
  4. ^ Sheldija Gj., Kryeipeshkvia Metropolitane e Shkodrës dhe Dioqezat Sufragane Archived 3 March 2016[Date mismatch] at the Wayback Machine., Shkodër, 1957-'58.