Hilmi Leka

Nga Wikipedia, enciklopedia e lirë
Jump to navigation Jump to search
Hilmi Leka
Ministër sekretar shteti i Kulturës Popullore
11 maj – 10 shtator, 1943
Paraardhësi: Javer Hurshiti
Pasardhësi: Mihal Zallari
Të dhënat personale
Lindi më: 19 maj 1912
Lindi në: Pogradec, Perandoria Osmane
Vdiq më: 13 prill 1945
Vdiq në: Tiranë, Qeveria Demokratike e Shqipërisë
Kombësia: Shqiptar
Profesioni: ushtarak, nëpunës

Hilmi Leka (Pogradec, 19 maj 1912 - Tiranë, 13 prill 1945) ka qenë ushtarak shqiptar dhe ministër i shtetit shqiptar. U dënua me vdekje nga Gjyqi Special me ardhjen në pushtet të komunistëve.

Biografia[redakto | redakto tekstin burimor]

U lind më 19 maj 1912 në Pogradec. Më 1931 - 1939 ndoqi Akademinë e Kalorësisë dhe Këmbësorisë në Modena të Italisë, si dhe atë të policisë kriminale në Firence dhe në Romë.

Në maj të 1939 kthehet në Shqipërinë e pushtuar nga Italia. Më 1939 - 1940 shërbeu si kapiten i forcave të armatosura unike. Gjatë Luftës italo-greke u plagos rëndë në këmbë. Më 1940 - 1941 qe oficer i adjutanturës në Mëkëmbësi. Ndër vitet 1941 - 1943 qe drejtor i gazetës më të madhe në vend, "Tomori". Më 1942 - 1943 ka qenë anëtar i Drejtoratit Kombëtar të PKFSH-së dhe njëkohësisht anëtar i Këshillit të Epërm Korporativ Fashist. Më 1943 pati portofolin e ministrit sekretar shteti të Kulturës Popullore në kabinetin Libohova.

Më 1945 u dënua me vdekje si kolaboracionist, në Gjyqin Special dhe pushkatohet.[1]

Referencat[redakto | redakto tekstin burimor]

  1. ^ Dervishi, Kastriot (2012). Kryeministrat dhe ministrat e shtetit shqiptar në 100 vjet. Tiranë: 55. p. 169. ISBN 9789994356225.