Iron Man 2

Njeriu i hekurt 2
Iron Man 2
Regjia nga	Jon Favreau
Shkruar nga	Justin Theroux, Stan Lee (Libri komik), Larry Lieber (Libri komik), Don Heck(Libri komik), Jack Kirby (Libri komik)
Prodhuesi	Kevin Feige, Susan Downey
Muzika	John Debney, Tom Morello Robert Downey Jr. Gwyneth Paltrow Don Cheadle Scarlett Johansson Mickey Rourke
Kompanitë prodhuese	Producent: Kevin Feige, Susan Downey Shpërndarësi: Paramount Pictures
Data e publikimit	2010
Kohëzgjatja	124
Shteti	ShBA
Gjuha	Anglisht
Buxheti	170-200 milion $
Fitimi	613,990,805 $

Iron Man 2 është një film amerikan i vitit 2010 ku protagonisti kryesor është superheroi Iron Man. Filmi është prodhuar nga Marvel Studios dhe shpërndarë nga Paramount Pictures. Ai është vazhdimi i filmit të parë Iron Man (2008) dhe filmi i tretë i Universit Filmik Marvel (MCU). Me regji nga Jon Favreau dhe skenar nga Justin Theroux, rolin kryesor e luan Robert Downey Jr. si Tony Stark / Iron Man krahas Gwyneth Paltrow, Don Cheadle, Scarlett Johansson, Mickey Rourke, dhe Samuel L. Jackson. Gjashtë muaj pas filmit Iron Man, Tony Stark i shpërfillet thirrjeve të qeverisë amerikane për ta dorëzuar teknologjinë Iron Man, që po ia shkakton shëndetin e tij të dobët. Ndërkohë, shkencëtari rus Ivan Vanko (luajtur nga Rourke) e përdor verzionin e vet të teknologjisë për të marrë hak ndaj familjes Stark.

Pas suksesit kritik dhe financiar të Iron Man në maj 2008, Marvel Studios shpalli dhe menjëherë filloi së prodhuari e një filmi të dytë. Në korrik, Theroux u pranua të shkruante skenarin dhe Favreau u rikthye si regjisor. Downey, Paltrow, dhe Jackson u rikthyen për rolet e tyre nga Iron Man, ndërsa Cheadle u soll ta zëvendësonte Terrence Howard në rolin e James Rhodes. Në muajt e hershëm të vitit 2009, Rourke (Vanko), Rockwell, dhe Johannson e mbushën renditjen e aktorëve. Xhirimi kryesor ndodhi prej prill deri më korrik 2009, më së shumti në Kaliforni si në filmin e parë, përveç një sekuence kyçe në Monako. Ndryshe nga filmi paraprak që përzinte efektet digjitale dhe praktike, filmi i dytë u mbështet kryesisht në imazhe të krijuara me kompjuter për t'i krijuar kostumet e Iron Man-it.

Lidhje të jashtme

• Faqja Zyrtare e Filmit