Njerëzit më të vjetër

Kjo është një listë e tabelave të njerëzve më të vjetër në botë të vërtetuar.

Për shkak se mitet për mosha ekstreme kanë ekzistuar në të gjitha kohët, është bërë gjithnjë e më evidente nevoja për të vërtetuar me dokumente origjinale pretendimet për mosha shumë të mëdha. Historikisht ka pasur shumë raste pretendimesh për mosha ekstreme të cilat thjesht nuk mund të vërtetohen dot për shkak të mungesës së dokumentacionit të besueshëm (ose mungesës totale të tij) apo për shkak se ato (pretendimet) janë pak të besueshme dhe vijnë nga kultura ku personat shumë të moshuar vlerësohen si bartës dijesh dhe urtësie, pra ku të qenit shumë i moshuar të përcjell një status të privilegjuar. Për këto dhe të tjera arsye është bërë shumë i nevojshëm përdorimi i kritereve strikte për të vërtetuar pretendimet për mosha ekstreme. Autoritetin kryesor në këtë fushë e ka Grupi Kërkimor Gjerontologjik, e cila është një organizatë e themeluar në 1990 dhe e bazuar në Los Anxheles, Kalifornia të Shtetet e Bashkuara të Amerikës kërkimet dhe vërtetimet e së cilës përbëjnë standardin më bashkëkohor në vërtetimin e moshave ekstreme dhe përdoren për klasifikimet e njerëzve më të vjetër edhe nga Rekordet Botërore Guinness. Dokumentet që duhet të dorëzohen pranë grupit kërkimor gerontologjik për verifikimin e moshës ekstreme për verifikimin e moshës shkencore janë të paktën tre dokumente. Kërkohet një certifikatë lindjeje dhe martese origjinale, si dhe një letërnjoftim e vjetër nga mosha e mesme. Dokumentet dorëzohen në mënyrë elektronike në formë fotografike.^[1]

Centenarë quhen personat të cilët mbushin moshën 100 vjeç. Duke qenë se pritshmëria e jetës sot në botë është 67,8 vjeç sipas të dhënave të OKB për periudhën 2005–2010, të arriturit e moshës 100 vjeç mbetet diçka e rrallë dhe pashmangshmërisht e lidhur me jetëgjatësinë. Akoma më të rrallë janë supercentenarët, këta janë persona të cilët janë vërtetuar sipas standardeve të Grupi Kërkimor Gjerontologjik (GRG) të kenë arritur moshën 110 vjeç. Mesatarisht vetëm 1 në 1000 centenarë arrin të jetojë deri në moshën 110 vjeç. Ky fakt e bën aq të rrallë arritjen e kësaj moshe sa që deri më sot janë vërtetuar vetëm rreth 1400–1600 supercentenarë gjatë gjithë historisë së njerëzimit dhe të gjithë këta kanë jetuar në tri shekujt e fundit, duke pasur parasysh që në total që nga shfaqja e Homo sapiens, pra njerëzve të sotëm para 500 000 vjetësh, kanë jetuar në total rreth 106 miliardë njerëz (100–115 miliardë sipas disa të dhënave të tjera).

Supercentenari i parë i vërtetuar sipas standardeve moderne të gjerontologjisë (shkencës së jetëgjatësisë) është Geert Adriaans Boomgaard (1788–1899, 110 vjeç, 135 ditë) nga Holanda. Supercentenarja e parë femër e vërtetuar është Margaret Ann Neve (1792–1903, 110 vjeç, 321 ditë) nga ishulli Guernsey.

Mundësitë që një supercentenar të arrijë një moshë më të madhe vijnë gjithnjë e duke u zvogëluar për çdo vit që ai/ajo jeton më shumë, aq sa deri më sot vetëm 65 persona në të gjithë historinë janë vërtetuar dhe dokumentuar që të kenë arritur moshën 115 vjeç. Vetëm një person deri më sot është dokumentuar që të ketë arritur moshën 120 vjeç dhe ta ketë kaluar atë, ajo është Jeanne Louise Calment (1875–1997) nga Franca që jetoi 122 vjeç e 164 ditë.^[2]

Njeriu më i vjetër i provuar shkencërisht ndonjëherë ishte Jiroemon Kimura (1897–2013) nga Japonia që jetoi 116 vjeç e 54 ditë.^[3]

10 njerëzit më të vjetër që kanë jetuar

R.	Emri	Gjinia	Datëlindja	Datëvdekja	Mosha	Vendi
1	Jeanne Calment	F	21 shkurt 1875	4 gusht 1997	122 vjeç, 164 ditë	Franca
2	Kane Tanaka	F	2 janar 1903	19 prill 2022	119 vjeç, 107 ditë	Japonia
3	Sarah Knauss	F	24 shtator 1880	30 dhjetor 1999	119 vjeç, 97 ditë	SHBA
4	Lucile Randon	F	11 shkurt 1904	17 janar 2023	118 vjeç, 340 ditë	Franca
5	Nabi Tajima	F	4 gusht 1900	21 prill 2018	117 vjeç, 260 ditë	Japonia
6	Marie-Louise Meilleur	F	29 gusht 1880	16 prill 1998	117 vjeç, 230 ditë	Kanadaja
7	Violet Brown	F	10 mars 1900	15 shtator 2017	117 vjeç, 189 ditë	Xhamajka
8	Emma Morano-Martinuzzi	F	29 nëntor 1899	15 prill 2017	117 vjeç, 137 ditë	Italia
9	Chiyo Miyako	F	2 maj 1901	22 korrik 2018	117 vjeç, 81 ditë	Japonia
10	Maria Branyas Morera	F	4 mars 1907	Ajo është gjallë	117 vite, 264 ditë	Spanja

10 meshkujt më të vjetër që kanë jetuar

R.	Emri	Datëlindja	Datëvdekja	Mosha	Vendi
1	Jiroemon Kimura	19 prill 1897	12 qershor 2013	116 vjeç, 54 ditë	Japonia
2	Christian Mortensen	16 gusht 1882	25 prill 1998	115 vjeç, 252 ditë	SHBA ^[a]
3	Emiliano Mercado del Toro	21 gusht 1891	24 janar 2007	115 vjeç, 156 ditë	Portoriko
4	Juan Vicente Pérez	27 maj 1909	2 prill 2024	114 vite, 311 ditë	Venezuela
5	Horacio Celi Mendoza	3 janar 1897	25 shtator 2011	114 vjeç, 265 ditë	Peru
6	Walter Breuning	21 shtator 1896	14 prill 2011	114 vjeç, 205 ditë	SHBA
7	Yukichi Chuganji	23 mars 1889	28 shtator 2003	114 vjeç, 189 ditë	Japonia
8	Tomás Pinales Figuereo	31 mars 1906	24 shtator 2020	114 vjeç, 177 ditë	Republika Dominikane
9	Joan Riudavets	15 dhjetor 1889	5 mars 2004	114 vjeç, 81 ditë	Spanja
10	Gustav Gerneth	15 tetor 1905	21 tetor 2019	114 vjeç, 6 ditë	Gjermania