Qendra për Informim e Kosovës

Nga Wikipedia, enciklopedia e lirë
Jump to navigation Jump to search

Qendra për Informim e Lidhjes Demokratike të Kosovës nisi punën më 23 dhjetor 1989. Ibrahim Berrisha me Mehmet Krajën, me një makinë shkrime Olivia në lokalet e Shoqatës së Shkrimtarëve të Kosovës, vetëm gjysmë ore mbas përfundimit të Kuvendit, shkruajtën lajmin për themelimin e Lidhjes Demokratike të Kosovës. Disa javë vazhduan të punojnë vetëm Mehmet kraja dhe Ibrahim Berisha. Pastaj duke u bartur të gjitha punët e informimit, të marrëdhënieve me publikun dhe të atyre diplomatike në Qendër, numri i gazetarëve dhe përkthyesve nga anglishtja, u shtua për muaj e vite: Xhemajl Mustafa, Lindita Aliu, Muhamet Hamiti, Avni Spahiu, Hilmi Zogjani, Ibrahim Gashi, Skënder Hyseni, Bajram Mjeku, Enver Maloku…

Qendra për Informim, përmes Komisioneve për Informim të LDK, krijoi një rrjet prej 4800 bashkëpunëtorëve (gazetarë, profesorë, sudentë, veprimtarë…), të cilët mbulonin terrenin në gjithë Kosovën, për gjithë çfarë lidhej me shqiptarët dhe Kosovën. Lajmet, raportet, fjalimet, korrespondencat, dokumentat, publikimet e Qendrës për Informim (nga korriku 1991 vetëm QIK) shpërndaheshin në Evropë, Amerikë dhe Australi, përmes qendrave të informimit në këto kontinente. Janë dhjetëra mijëra faqe që tregojnë vetmohimin dhe punën e shqiptarëve në Kosovë dhe botë për pavarësi nga okupimi serb.

Qendra për Informim e Lidhjes Demokratike e Kosovës e cila në vitin 1990 ndërroi emrin dhe u quajt Qendra për Informim të Kosovës( QIK ).Ibrahim Berisha i pai i cili u vu në krye të QIK-ut qëndroi deri në vitin 1993.