Ramadan Musliu

Nga Wikipedia, enciklopedia e lirë
Jump to navigation Jump to search

Ramadan Musliu është poet, gazetar dhe studjues i lindur në Begunca të komunës Vitia si parashtrat kulturor më 31 maj 1954 dhe jeton në Prishtinë Kosovë. Studioi Letërsi dhe gjuhën shqipe në Fakultetin Filologjik të Universiteti i Prishtinës ku mbaroi edhe studimet pasuniveristare. Krijimtarinë letrare dhe publicitike (gazetareske) e filloi herët.

Jeta profesionale[redakto | përpunoni burim]

  • 1977 - 1980 Ramadan Musliu sipas Haxhi Muhaxherit fillimisht punoi arsimtar i lëndës gjuhë dhe letërsi shqipe në Qendrën Shkollore që quhej "Boro e Ramizi", kurse tani "Kuvendi i Lezhës".
  • 1981 - 1993 Punoi si gazetar i kulturës në gazetën e përditshme Rilindja (gazetë) të Prishtinës dhe ishte anëtar i redaksisë së Revistës së përdyjavshme për kulturë "Fjala" të Prishtinës.
  • 1993 - 2004 Punoi si redaktor kulture e pastaj edhe si drejtues i të përditshmes "Rilindja", botimi i Tiranës. Gjatë kësaj periudhe drejtoi Shtepinë botuese "Eurorilindja".
  • 2003 - 2004 Drejtoi revistën letrare "Kalendari letrar".
  • 2004 - 2007 ishte deputet i Kuvendit të Kosovës.
  • 2008 - 2010 Punoi si këshilltar politik i ministrit të kulturës në Qeverinë e Kosovës.

Studimet[redakto | përpunoni burim]

Botoi pesë libra me studime dhe kritikë letrare:

  1. 1990 - "Mbindërtimi poetik", Prishtinë;
  1. 1998 - "Konfiguracione narrative", Tiranë;
  1. 2005 - "Estetikja e dallueshme", Prishtinë;
  1. 2010 - "Ekskurs në letërsinë për fëmijë", Shkup;
  1. 2012 - "Tangjenta letrare", Prishtinë;
  1. 1997 - "Vetëripërtëritja e totalitarizmit", Tiranë, libër publicistik

Krijimtaria[redakto | përpunoni burim]

Autor i pesë librave me poezi:

  • 1981 "Parodia e trupiut", Prishtinë;
  • 1985 "Shqisa e gjashtë", Prishtinë;
  • 1987 "Pasqyra e të rrëfyerit", Prishtinë,
  • 1996 "Kënga e sibilave", Tiranë,
  • 2004 "Në zemrën e gjërave", Prishtinë

Vlerësime[redakto | përpunoni burim]

Poezitë e tij janë përkthyer në anglisht, rumanisht, frëngjisht, serbisht, maqedonisht slllovenisht dhe është prezantuar në antologjinë e poezive ndërkombtare për vitin 2010 dhe është fitues i disa çmimeve letrare.

Referenca[redakto | përpunoni burim]

bksh.al