Shahin Dino

Nga Wikipedia, enciklopedia e lirë
Jump to navigation Jump to search
Shahin bej Dino
Ministër i Brendshëm
5 tetor, 1914 – 27 janar, 1916
Paraardhësi: Aqif pashë Elbasani
Pasardhësi: Pushtim-administrimi austro-hungarez
Të dhënat personale
Lindi në: Preveza, Perandoria Osmane
Kombësia: Shqiptar
Profesioni: nëpunës
Shkolla e kryer: Fakulteti i Shkencave Politike, Stamboll
Grada shkencore: politolog
Feja: mysliman


Shahin bej Dino ka qenë deputet shqiptar në Mexhlisin osman, ministër i Brendshëm i Shqipërisë

Biografia[redakto | përpunoni burim]

Lindi në Prevezë në kohën e Perandorisë Osmane, në oxhakun e Dinollarëve, i biri i Vejsel pashë Dinos dhe nipi i Abedin pashë Dinos. Mësimet fillore i mori në vendlindje, më pas u arsimua për shkenca politike në Stamboll. Më 1897 mori pjesë në luftime kundër grekëve në Prevezë.

Në prill të 1912 u zgjodh deputet në Mexhlisin Osman, ku mbrojti çështjen shqiptare dhe paditi autoritetet osmane për papjekurinë e tyre.

Gjatë periudhës 17 shtator, 1914 - 27 janar, 1916 pati ofiqin e ministrit të Brendshëm në qeverinë e Esad pashë Toptanit. Formoi Këshillin Arsimor më 1914, pranë Ministrisë së Punëve të Brendshme, i cili u mor me organizimin e shkollave në prefekturat Durrës, Elbasan e Berat, numër i cili mbeti i kufizuar. Këshilli arsimor hartoi një program sintetik në shqip për shkollat fillore 3 dhe 5 klasëshe, si dhe u botua abetarja e Hafiz Ali Korçës. Me çështjet arsimore në këtë këshillë u morën edhe Aleksandër Xhuvani, Hafiz Aliu dhe Sali Çeka[1].

Megjithëse u largua me Esad Pashën dhe e ndoqi atë në Selanik, në fillim të gushtit 1917, dha dorëheqjen dhe shkoi tek konsulli italian në Selanik, Giovanni Dolfini. Autoritetet ushtarake franceze e arrestuan dhe u internua në Mitilini të ishullit Lesbos[2].

Referencat[redakto | përpunoni burim]

  1. ^ K. Dervishi, Kryeministrat dhe ministrat e shtetit shqiptar në 100 vjet, Tiranë: 55, fq. 119. ISBN 9789994356225
  2. ^ Ikonomi, Ilir (2016). Esat pashë Toptani: njeriu, lufta, pushteti. Tiranë: UET press. f. 467.  978-9928-190-91-8.