Abedin pashë Dino

Nga Wikipedia, enciklopedia e lirë
Jump to navigation Jump to search
Abedin Pasha

Abedin pashë Dino ose Abedin pashë Preveza (Prevezë, 5 prill 1843 - Stamboll, 9 maj 1906) ka qenë nëpunës e politikan i Perandorisë Osmane, ideolog i çështjes kombëtare shqiptare, rilindas, themelues i Lidhjes së Prizrenit, përfaqësues kryesor i saj për Vilajetin e Janinës, poet dhe përkthyes.

Qe shpirtërisht i dhënë pas tarikatit Halveti.[1]

Jeta[Redakto | Redakto nëpërmjet kodit]

Lindi në qytetin e Prevezës, pinjoll i oxhakut të Dinollarëve të Prevezës, i biri i Ahmet bej Dinos dhe Salihasë së Çaparenjve të Luaratit.

Pasi mori studimet e para në Prevezë, ndoqi gjimnazin "Zosimea" të Janinës. Pasi mbeti jetim nga i ati, u dërgua për shkollën e lartë në kryeqytetin perandorak. Më 1866 hyn në shërbim të sulltan Abdyl Azizit si silahshor, kalorës truproje i gardës sulltanore. Në vazhdim duke kaluar në shërbimin administrativ, emërohet ndihmësmytesarif e kajmekam në vendlindjen e tij, ku më 1865 lind i biri, Rasihu[2].

Burime[Redakto | Redakto nëpërmjet kodit]

  1. ^ Clayer N., Mystiques, État et société: les Halvetis dans l'aire balkanique de la fin du XVe siècle à nos jours, ?: Brill, 1994, fq. 246. ISBN 978-90-04-10090-9
  2. ^ Stylos N., Kush ishte Abedin pashë Dino dhe Dinot e tjerë, Shqiptarja.com, 20 tetor 2014.