Jump to content

Xhamia e Pathrailit

Nga Wikipedia, enciklopedia e lirë
Xhamia e Pathrailit
Pamje ballore e xhamisë
Informacion i përgjithshëm
Height
Tip4 minare
Roof10 kupola
Technical details
MaterialTulla dhe llaç
Size21.79 m (23.83 yd) me 8.60 m (9.41 yd)
Projektimi dhe ndërtimi
DeveloperGhijasudin Azam Shah

Xhamia e Pathrailit (bengalisht: পাথরাইল মসজিদ), e njohur edhe si Xhamia Maxhlis Aulia (arabisht: مسجد مجلس أولياء), është një faltore islamike e vendosur në Pathrail të upazilës Bhanga, distrikti i Faridpurit në Bangladesh.[1] Ajo gjendet 4 kilometres (2.5 mi) në jug të Polias, që është 8 kilometres (5.0 mi) në lindje të autostradës Bhanga-Mava nga sheshi Bhanga i lidhur me autostradën Faridpur-Barishal nga distrikti i Faridpurit.[2]

Historia

[Redakto | Redakto nëpërmjet kodit]
Pamje këndore e xhamisë

Xhamia e Pathrailit u ndërtua gjatë mbretërimit të Ghijasudin Azam Shah, sulltan i Bengalit, midis viteve 1393 dhe 1410 (ose 1493–1519). Tashmë njihet shkurtimish si Xhamia Maxhlis dhe Xhamia Aulia.[2][3][4] Ajo gjendet pranë mazarit të predikuesit mysliman Maxhlis Abdullah Khan.[5]

Në kohët e vjetra, banorët e zonës vuanin për ujë të pijshëm. Në të njëjtën periudhë, për të zgjidhur këtë problem u krijua "Pathrail Dighi", një ujëmbledhës i madh përkrahë xhamisë në një sipërfaqe prej 32.15 acres (13.01 ha).

Pamje e brendshme

Ndërtimi

[Redakto | Redakto nëpërmjet kodit]

Dizajni arkitekturor i Xhamisë së Pathrailit është i ngjashëm me atë të Xhamisë Çoto Sona dhe Xhamisë së Baghës në Rajshahi dhe të atribuara Dinastisë Husain Shahi nga Departamenti i Arkeologjisë së Bangladeshit.

Dekorime të sipërfaqes së murit

Xhamia historike e Pathrailit ka formë drejtkëndore. Mbi çatinë e saj ndodhen të renditura dhjetë kupola me të njëjtën madhësi. Çatia është lehtësisht e pjerrët. Në faqen lindore ndodhen pesë hyrje, dhe nga dy në atë veriore dhe perëndimore. Në këndet e saj gjenden katër shtylla për të përforcuar muret dhe po katër shtylla gjenden ndarazi brenda strukturës duke e ndarë hapsirën në dy korridore. Secili mur është 2 m (2.2 yd) i gjerë dhe zë një hapsirë prej 21.79 m (23.83 yd) me 8.60 m (9.41 yd). Lartësia e saj është 6.5 m (7.1 yd).

Kundrejt hyrjeve lindore gjenden pesë mihrabë të rreshtuar me hyrjet. Të gjithë harqet e hyrjeve duken si kupola dhe i mesmi, që paraqet një projeksion drejtkëndor, është më i madhi. Muret e xhamisë janë zbukuruar me panele drejtkëndore terrakote. Ato paraqesin lloje të ndryshme dizajnesh dekorative me motive floreale, rrotullash, rozetash, harqe kuspore dhe modele të përsëritura varësesh.

Në jug të xhamisë ndodhen varret e Maxhlis Abdullah Khanit dhe Fakir Solimudinit.[6]

Shiko gjithashtu

[Redakto | Redakto nëpërmjet kodit]

Referime

[Redakto | Redakto nëpërmjet kodit]
  1. ^ Perween Hasan (2007). Sultans and Mosques: The Early Muslim Architecture of Bangladesh (në anglisht). Bloomsbury Academic. fq. 165. ISBN 978-1-84511-381-0.
  2. ^ a b "Faridpur Upazilla". Bangladesh National Portal (në anglisht).
  3. ^ "ফরিদপুর শহরের বাইরে দর্শনীয় স্থান (Informacion rreth Faridpur të madh)" (në bengalisht). Arkivuar nga origjinali më 17 nëntor 2016. Marrë më 17 nëntor 2016.
  4. ^ Sirajul Islam; Sajahan Miah; Mahfuza Khanam; Sabbir Ahmed, red. (2012). "Bhanga Upazila". Banglapedia: The National Encyclopedia of Bangladesh (në anglisht). Asiatic Society of Bangladesh. ISBN 984-32-0576-6. OCLC 52727562. OL 30677644M. Marrë më 7 tetor 2024.
  5. ^ Muhammad Abdul Bari (2012). "Majlis Aulia Mosque". përmbledhur nga Sirajul Islam; Sajahan Miah; Mahfuza Khanam; Sabbir Ahmed (red.). Banglapedia: The National Encyclopedia of Bangladesh (në anglisht). Asiatic Society of Bangladesh. ISBN 984-32-0576-6. OCLC 52727562. OL 30677644M. Marrë më 7 tetor 2024.
  6. ^ "ইতিহাস: ফরিদপুরের অন্যতম ঐতিহ্য পাতরাইল মসজিদ". Faridpur Express (në bengalisht). 1 korrik 2016. Arkivuar nga origjinali më 15 gusht 2017. Marrë më 17 nëntor 2016.

Bibliografia

[Redakto | Redakto nëpërmjet kodit]
Marrë nga "https://sq.wikipedia.org/w/index.php?title=Xhamia_e_Pathrailit&oldid=2707533"