Zhura
| Zhurë Italisht : Ginestra | |
|---|---|
  Zhurë | |
| Shteti |  Italia
|
| Rajoni | Bazilikata |
| Provinca | Potenca |
| Sipërfaqja | 13,2 km2 |
| Popullsia | 718 banorë |
| Dendësia | 55 banorë/km2 |
| Vendasit | Zhurjan/ë |
| Zona Kohore | UTC+1 |
| Verore | UTC+2 |
| Kodi Postal | 85020 |
| Shenjti mbrojtës | Zoja e Kostandinopojës |
| Dita e shenjtit | 9 maj |
| Koordinatat | 40° 56′ 0″ Veri 15° 44′ 0″ Lindje |
| Faqja Zyrtare www.comune.ginestra.pz.it | |
.svg)
Zhurë (italisht: Ginestra) është një fshat dhe komunë në Provincën e Potencës, në rajonin jugor italian të Bazilikatës (ish Lukania).
Zhura është një nga venbanimet arbëreshe në Itali banorët e së cilës ruajnë gjuhën shqipe të dialektit arbëresh dhe zakonet e atdheut të tyre të lashtë.
Gjeografia[Redakto | Redakto nëpërmjet kodit]
Zhura ngrihet mbi shpatet jug-lindore të Malit Volture, në lartësinë 564m mbi nivelin e detit. Ajo kufizohet nga komunat e Ripakandidës, Barillit, Venozës, Mashqitit, dhe Forenxës.
Historia[Redakto | Redakto nëpërmjet kodit]
Zhura u themelua nga një grup shqiptarësh nga Shkodra, kur Troiano Caracciolo, pronari feudal i Ripakandidës, në vitin 1478 i dha shqiptarëve leje për ndërtimin e shtëpive në zonën që quhej fillimisht Lombarda Massa, ose ferma e longobardëve.
Edhe sot, shumë tradita shqiptare janë gjallë në Zhurë dhe vendasit ruajnë gjuhën arbëreshe që rrjedh nga shqipja. Edhe shenjtorja mrojtëse nuk është vendase. Ajo është nga lindja: Zoja e Konstandinopojës. Kisha e Zojës së Kostandinopojës është ndërtuar në vitin 1588. Brenda ndodhet një afresk i shkollës lindore të shekullit XVI, i Shën Mërisë. Këtu janë ruajtur edhe dy piktura të shekullit të tetëmbëdhjetë: njera tregon Shën Mërinë, midis Shën Gjonit, Shën Nikollës dhe Shën Borromeos, piktura tjetër është riprodhim i Pietà. Vend tjetër kryesor i shërbimit fetar ndodhet në qendër të qytetit: Kisha Nënë e Shën Nikollë Peshkopit, që daton në shekullin e gjashtëmbëdhjetë. Ajo është e zbukuruar nga këndi i korit prej druri i shekullit të tetëmbëdhjetë dhe dy llampadarë veshur në ar. Gjatë shekujve, kisha nënë është rindërtuar disa herë, por në vitet nëntëdhjetë asaj iu bë një restaurim i plotë. Gjatë gërmimeve të fundit është zbuluar një pagëzimore e përbërë nga 12 harqe, në të cilat janë pikturuar 12 apostujt.
Deri në vitin 1965 Zhura ishte pjesë e komunës së Ripakandidës.
Commons: Ginestra (comune, Italy) – Album me fotografi dhe/apo video dhe materiale multimediale