Özge Gürel ka lindur më 5 shkurt 1987 në Stamboll.[2] Babai i saj është me prejardhje çerkeze ndërsa familja e saj nga nëna ishin emigrantë turq nga Selaniku.[3][4] Deri në mbarimin e shkollës së mesme jetoi në Silivri të Turqisë. Gürel fillimisht studioi biznes në Universitetin Beykent, por e la të papërfunduar. Më pas ajo mori mësime aktrimi, të ndjekur nga mësimet e menaxhimit të aktrimit.[5]
Gürel hyri në botën e aktrimit me personazhin “Zejnep” në Kızım Nerede?. Në vitin 2014 ka luajtur personazhin e Adës në serialin Medcezir. Ajo u bë aktorja kryesore në serialin Kiraz Mevsimi, i cili filloi transmetimin në të njëjtin vit, dhe luajti personazhin e Ojky Axharit në këtë serial. Në vitet 2016–2017, Kiraz Mevsimi u transmetua në Canale 5, një nga kanalet më të famshme të Italisë dhe u bë seriali i parë turk i transmetuar në televizionin italian. Ajo dhe Serkan Çayoğlu, personazhet kryesor të serialit, ishin të ftuar në një program në Itali. Ajo luajti rolin kryesor në serialin televiziv Yıldızlar Şahidim në vitin 2017. Gürel luajti rolin kryesor të "Nazlı Pinar Aslan" në Dolunay me bashkë-yllin, Can Yaman më 2017.
Në vitin 2020, Gürel filloi të luante rolin kryesor Ezgi në serialin turk Bay Yanlış, së bashku me Can Yaman, e cila u shfaq premierë në FOX në qershor 2020 dhe përfundoi në tetor 2020.[6][7]
