Filip Vujanoviç

Nga Wikipedia, enciklopedia e lirë
Shko te: navigacion, kërko
Filip Vujanoviç

Filip Vujanoviç, (1 shtator, 1954, Beograd - jeton), është politikan i ish Serbisë dhe Malit të Zi.

Jeta dhe kariera[redakto | redakto tekstin burimor]

Filip Vujanoviç lindi më 1 shtator të vitit 1954 në Beograd dhe u diplomua në Fakultetin e Drejtësisë në Universitetin e Beogradit më 1978.

Filip Vujanoviç u zgjodh president i Malit të Zi më 11 maj të vitit 2003. Vujanoviç, ish-Kryetar i Parlamentit të Malit të Zi dhe ish-Kryeministër, u bë Presidenti i parë i republikës pas krijimit të Serbisë-Mali i Zi. Ai e fitoi këtë detyrë përmes një fitore dërrmuese në përpjekjen e tretë zgjedhore brenda gjashtë muajsh. Dy përpjekjet e mëparshme u shpallën të pavlefshme për shkak të pjesëmarrjes së ulët të votuesve. Nga viti 1978 deri më 1981, Vujanoviç punoi në një gjykatë bashkiake dhe më pas si nëpunës në Gjykatën e Qarkut të Beogradit.

Që më 1981, Vujanoviç ka punuar dhe jetuar në Podgoricë. Pas një detyre të shkurtër si sekretar i Gjykatës së Qarkut të Podgoricës, ai punoi si avokat deri në mars 1993, kur u emërua si Ministër i Drejtësisë në qeverinë e Kryeministrit Milo Gjukanoviç. Vujanoviç e mbajti këtë funksion deri në maj 1995, kur u emërua Ministër i Brendshëm dhe e mbajti atë funksion deri në shkurt 1998.

Disa muaj pas fitores në zgjedhjet presidenciale në korrik 1997 në Mal të Zi, Gjukanoviç propozoi që Vujanoviç të marrë funksionin e Kryeministrit. Vujanoviç shërbeu si Kryeministër nga shkurti 1998 deri në prill 2002, kur paraqiti dorëheqjen në mes të një krize qeveritare në lidhje me një marrëveshje me Serbinë për rikrijimin e vendit në një bashkim të lirshëm të dy shteteve.

Pas zgjedhjeve parlamentare në tetor 2002, Vujanoviç u bë Kryetar i Parlamentit. Vujanoviç është Zëvendëskryetar i Partisë Demokratike të Socialistëve pro-pavarësisë të Gjukanoviçit.

Pas fitores së tij presidenciale, Vujanoviç renditi pranimin në BE dhe hyrjen në programin Partneritet për Paqe të NATO-s si përparësi kryesore.

Vujanoviç është i martuar dhe ka dy vajza e një djalë.

Shih edhe[redakto | redakto tekstin burimor]