Gent Cakaj

Nga Wikipedia, enciklopedia e lirë
Jump to navigation Jump to search
Gent Cakaj
2019 Gent Cakaj (46824063555) (cropped).jpg
Ministër i Punëve të Jashtme
2019 – aktiv
Paraardhësi: Edi Rama
Të dhënat personale
Lindi më: 6 korrik 1990
Lindi në: Prishtinë
Kombësia: Shqiptar
Profesioni: Politikan, filozof
Partia politike: Partia Socialiste
Gent Cakaj
Ministër i Punëve të Jashtme

Gent Cakaj (lindur më 6 korrik 1990) është një politikan Shqiptar nga Kosova i cili, që nga janari 2019, shërben si ministri i punëve të jashtëme të Shqipërisë si pjesë e kabinetit Rama II.

Karriera politike[redakto | përpunoni burim]

Në fillim, Cakaj kishte rolin e kështilltarit të kryeministrit Edi Rama në lidhje me politikën e jashtme të Shqipërisë.[1] Pas kësaj, ai u emërua zëvëndës-ministër i jashtëm.[2] Në korrik 2018, Cakaj u caktua kryenegociator i hapjes së negociatave të Shqipërisë me Bashkimin Evropian për anëtarësim.[2]

Në janar 2019, Cakaj u programua si zëvëndësuesi i Ditmir Bushatit si ministri i punëve të jashtme të Shqipërisë nga kryeministri Edi Rama pas një riorganizimi në kabinet.[3][4] Megjithatë, ai nuk u dekretua nga presidenti Ilir Meta, i cili deklaroi se Cakaj nuk kishte përvojë dhe se kishte "qëndrime të rrezikshme".[5][6] Vendimi i Metës u kritikua nga Rama, i cili e quajti atë "antikushtetues".[7] Më 21 janar, Rama u bë ministri i ri jashtëm i vendit,[8] kurse dy ditë më vonë, ai i delegoi detyrat dhe kopetencat Cakajt, i cili mori postin zyrtarisht.[9]

Jeta personale[redakto | përpunoni burim]

Cakaj ka lindur në Prishtinë të Kosovës dhe është djali i Shkëlzen Cakaj, një shkencëtar.[10]

Cakaj është shkolluar në Kosovë, Belgjikë dhe Hungari.[11] Në vitet 2013–16, Cakaj ishte student në Universitetin e Prishtinës, duke u diplomuar për drejtësi.[12] Në vitin 2014, ai u diplomua me gradën Master i Filozofisë nga Instituti i Filozofisë i Universitetit të Leuvenit.[12] Një vite më vonë, ai u diplomua me titullin Master në shkencat politike nga Universiteti i Evropës Qendrore në Budapest.[12] Në vitin 2017, Cakaj u diplomua me titullin Master Shkencor në Filozofi, sërisht në Universitetin e Leuvenit.[12]

Shiko gjithashtu[redakto | përpunoni burim]

Referimet[redakto | përpunoni burim]

  1. ^ "Sonte në Zona e Debatit: Gent Cakaj, këshilltari diplomatik i Edi Ramës". Klan Kosova. 1 mars 2019. Marrë më 16 qershor 2019. 
  2. ^ a b "Kush është Gent Cakaj, shqiptari i Kosovës që zëvendëson Ditmir Bushatin". Syri.net. 28 dhjetor 2018. Marrë më 16 qershor 2019. 
  3. ^ "Shumë zhurmë për asgjë/ Gent Cakaj është "de facto" ministri i ri i Jashtëm". Boldnews.al. 18 janar 2019. Marrë më 16 qershor 2019. 
  4. ^ "Ministri i ri i Jashtëm, Rama: Një nga djemtë më të ditur, ky vend ka pasur barrën të mbajë ministër Aldo Bumçin..." Shqiptarja.com. 31 dhjetor 2018. Marrë më 16 qershor 2019. 
  5. ^ "Meta refuzon Cakajn: Pa përvojë, qëndrime të rrezikshme. Rama: Vendim antikushtetues". Shqiptarja.com. 10 janar 2019. Marrë më 16 qershor 2019. 
  6. ^ "Presidenti Meta refuzon ministrin: I papërgjegjshëm dhe i papërvojë". Lapsi.al. 10 janar 2019. Marrë më 16 qershor 2019. 
  7. ^ "Refuzimi i Gent Cakaj si ministër, reagon Rama: Vendimi i Metës, anti-kushtetues". Top-Channel.tv. 10 janar 2019. Marrë më 16 qershor 2019. 
  8. ^ "Edi Rama, ministri i ri i Jashtëm i Shqipërisë". Zëri.info. 21 janar 2019. Marrë më 16 qershor 2019. 
  9. ^ "Rama i delegon detyrën e ministrit të Jashtëm/ Cakaj: Negociatat, 5 muajt e ardhshëm janë punë pa orar". Shqiptarja.com. 23 janar 2019. Marrë më 16 qershor 2019. 
  10. ^ "Ministri i Jashtëm Gent Cakaj, i biri i një shkencëtari mendjendritur". Tiranatoday.al. 29 dhjetor 2018. Marrë më 16 qershor 2019. 
  11. ^ "Ministria e Jashtme publikon 'CV'-në e Gent Cakaj; zv/ministri shkollë dhe vetëm shkollë". Politiko.al. 29 janar 2019. Marrë më 16 qershor 2019. 
  12. ^ a b c d "Në tre vite tre diploma/ Zbardhet CV e Gent Cakaj". City News Albania. 30 janar 2019. Marrë më 16 qershor 2019. 

Lidhje të jashtme[redakto | përpunoni burim]